សៀមរាប៖ បងប្អូនប្រជាពលរដ្ឋដែលរស់នៅក្នុងសង្កាត់សាលាកំរើកក្រុងសៀមរាបកាលពីរសៀលថ្ងៃទី១៤ខែកក្តដាឆ្នាំ២០១៤នេះ បានចូលរួមក្នុងពិធីបើកវេទិកាសាធារណៈស្តីពីការអនុវត្តគោលនយោបាយភូមិឃុំមានសុវត្ថិភាពដែលបានរៀបចំធ្វើឡើងនៅក្នុងបរិវេណសង្កាត់សាលាកំរើក ក្រុងសៀមរាប។
ក្រោមអធិបតីភាព លោក វរសេនីយ៍ឯក ភឹង ចិន្តាឫទិ្ធ ស្នងការរងនគរបាលខេត្តសៀមរាប លោកស្រី កុយ វិសាលអភិបាលរងក្រុងសៀមរាប ដោយនៅក្នុងពិធីនោះក៏មានការអញ្ជើញចូលរួមពីសំណាក់ អស់លោក លោកស្រី ជានគរបាលជំនាញដែលពាក់ព័ន្ឋក្នុងការ អនុវត្តគោលនយោបាយភូមិឃុំមានសុវត្ថិភាព និងតំណាងមន្ទីរអង្គភាពស្ថាប័នពាក់ព័ន្ធមួយចំនួននិងអាជា្ញធរសង្កាត់ ជាច្រើនបានចូលរួមផងដែរ។
បន្ទាប់ពីលោក សាម ឡម ចៅសង្កាត់សាលាកំរើក ឡើងអានរបាយការណ៍ស្តីពីការអនុវត្តគោលនយោបាយភូមិឃុំមានសុវត្ថិភាពដែលបានអនុវត្តកន្លងមកនៅក្នុងសង្កាត់ដោយទទួលបាននូវលិទ្ធផលល្អ ក៏ដូចជា លោក វរសេនីយ៍ទោ ទិត្យ ណារ៉ុង អធិការនគរបាលក្រុងសៀមរាបឡើងធ្វើការផ្សព្វផ្សាយនិងធ្វើការបកស្រាយបន្ថែមទាក់ទងទៅនិងលក្ខណះសម្បត្តិទាំង៩យ៉ាងរបស់ភូមិឃុំមានសុវត្ថិភាពជូនដល់បងប្អូនប្រជាពលរដ្ឋ ដោយលោកបានលើកយកនូវ១ចំណុចម្តងៗលក្ខណះសម្បត្តិទាំង៩យ៉ាងរបស់ភូមិឃុំមានសុវត្ថិភាពមកធ្វើការបកស្រាយនិងពន្យល់ណែនាំជូនដល់បងប្អូនប្រជាពលរដ្ឋរួចមក ។
សមាសភាពវាគ្មិនជំនាញទាំងអស់ក៏បានឡើងធ្វើការផ្សព្វផ្សាយនិងធ្វើការបកស្រាយគ្រប់រូបភាពបន្ថែមទៀតនិងបានធ្វើការបកស្រាយនូវរាល់ចម្ងល់ក៏ដូចជាសំណួររបស់បងប្អូនក្នុងអង្គពិធី ទៅតាមជំនាញនិមួយៗប្រកបដោយភាពយល់ស៊ីជំរៅ ។ មានប្រសាសន៍សំណេះសំណាលនិងធ្វើការផ្តាំផ្ញើរក្នុងពិធីបើកវេទិកាសាធារណៈស្តីពីការអនុវត្តគោលនយោបាយភូមិឃុំមានសុវត្ថិភាព នាឱកាសនោះលោកវរសេនីយ៍ឯក ភឹង ចិន្តាឫទិ្ធ ស្នងការរងនគរបាលខេត្តសៀមរាប ព្រមទាំងលោកស្រី កុយ វិសាលអភិបាលរងក្រុងសៀមរាប បានមានប្រសាសន៍បញ្ជាក់ថាពិធីបើកវេទិកាសាធារណៈស្តីពីការអនុវត្តគោលនយោបាយភូមិឃុំមានសុវត្ថិភាពនេះសមត្ថកិច្ចជំនាញតែងតែបានរៀបចំធ្វើឡើងជាប្រចាំគឺក្នុងគោលបំណងដើម្បីឲ្យបងប្អូនទាំងអស់ត្រូវធ្វើយ៉ាងណា រួមគ្នាពិភាក្សារកគន្លឹះល្អៗយកទៅអនុវត្តបន្តក្នុងការបង្ការទប់ស្កាត់និងធ្វើការបង្ក្រាបបទល្មើសគ្រប់ប្រភេទអោយអស់ពីភូមិឃុំរបស់យើង។
ពិសេស គឺសូមអោយបងប្អូនបន្តចូលរួមសហការណ៍គ្នាបន្តទៀតជាមួយសមត្ថកិច្ចនិងអាជ្ងាធរមាន សមត្ថកិច្ច គ្រប់លំដាប់ថ្នាក់ក្នុងការផ្តលព័ត៍មានជូនដល់សមត្ថកិច្ចជំនាញបន្តជំរុញលើចលនា ប្រជាការពារភូមិឃុំ ក៏ដូចជាសូមឲ្យបងប្អូនដែលមានមុខនៅទីនេះបន្តផ្សព្វផ្សាយគោល នយោបាយភូមិឃុំ មានសុវត្ថិភាពជូនដល់បងប្អូនប្រជាពលរដ្ឋ ផ្សេងទៀត ដែលមិនទាន់ បាន យល់ជ្រាបច្បាស់អោយពួកគាត់បានយល់ស៊ីជំរៅនិងគ្រប់រូបភាពសំដៅរួមបាននូវការកាត់បន្ថយបទល្មើស គ្រប់ ប្រភេទ រក្សាបាននូវសន្តិសុខសុវត្ថិភាពនិងសណ្តាប់ធ្នាប់សាធារណះអោយ បានកាន់តែល្អប្រសើរថ្វេរឡើង។ស្របពេលដែលប្រទេសជាតិរបស់យើងកំពុងតែមានភាពរីកចំរើនលើគ្រប់វិស័យដោយឥតឈប់ឈរក្រោមមាគាដឹកនាំប្រទេសប្រកបដោយគិតិបណ្ឌិតដ៏ខ្ពង់ខ្ពស់ពីសំណាក់សម្តេច អគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រូបភាព និង អត្ថបទ លោក ខេង ខេមរា
