វិរបុរសបាល់ទាត់របស់អាហ្សង់ទីនលោក Diego Maradona បានអះអាងថា ពានរង្វាន់បាល់មាសរបស់ FIFA មិនសមឲ្យទៅកីឡាករ Lionel
Messi នោះទេគឺវាសមនឹងឲ្យទៅកីឡាករ James Rodriguez របស់កូឡុំប៊ីវិញ ។ លោក Maradona បាននិយាយថា Messi លេងមិនបានល្អទេក្នុងការប្រកួត World Cup លើកនេះ ហើយពានរង្វាន់បាល់មាសគួរតែឲ្យទៅកីឡាករ playmaker របស់ក្លិប Monaco វិញ ។ លោក Maradona ប្រាប់សារព័ត៌មាន The Telegraph ថា “Messi ជាកីឡាករល្បី ប៉ុន្តែក្រុមគណៈកម្មការ មិនសមឲ្យពាននេះទៅ Messi ទេ” ។ លោកបានបន្តថា “James Rodriguez ជាកីឡាករល្អជាង ហើយការឲ្យ ពាននេះទៅ Messi ខ្ញុំគិតថាវាទាក់ទងនឹងទីផ្សារពាណិជ្ជកម្ម” ។ គួរបញ្ជាក់ថា កីឡាករ Rodriguez គឺជាអ្នកស៊ុតបញ្ចូលទីបានច្រើនជាងគេក្នុងការប្រកួត World Cup ដោយស៊ុតបានចំនួន៦គ្រាប់ ៕