បន្ទាយមានជ័យៈ បញ្ហាកង្វល់ទាំង៤ចំនុចរបស់ប្រជាពលរដ្ឋនៅក្នុងឃុំឫស្សីក្រោក និងឃុំគយម៉ែង ស្រុកមង្គលបូរី ខេត្តបន្ទាយមានជ័យ ត្រូវបានក្រុមការងារថ្នាក់ជាតិចុះជួយស្រុកមង្គលបូរីទទួលយកទៅប្រជំពិភាក្សារកដំណោះស្រាយ ដែលបានស្នើរសំក្នុងពិធីវេទិការសាធារណៈនាព្រឹកថ្ងៃទី១៧ កក្តដា ២០១៤នៅវត្តគយម៉ែង ស្រុកមង្គលបូរី ។
បញ្ហា៤ចំនុច ដែលប្រជាពលរដ្ឋបានធ្វើការស្នើរសំជំនួយពីក្រុមការងារថ្នាក់ជាតិចុះជួយស្រុកមង្គលបូរី រួមមាន ១.ជួយអន្តរាគមន៍លើការដាក់មង្គោលភ្លើងពីចំណុចអ័ក្សផ្លូវចំងាយ២៥ម៉ែត្រដែលគម្រោងនេះប៉ះពាល់ដីនិងផលប្រយោជន៍ប្រជាពលរដ្ឋ ២. សុំដាក់បណ្តាញអគ្គីសនីទៅភូមិចំនួន៥ រួមមាន ភូមិផ្លូវសៀម, ភូមិតានង, ភូមិស្តីលើ, ភូមិស្តីក្រោម, ភូមិគយម៉ែង ព្រោះគ្មានបណ្តាញអគ្គីសនីប្រើជាយូឆ្នាំមកហើយ ៣.សុំស្តារប្រឡាយទឹកចាស់ជាង៤.០០០ម៉ែត្រ ៤.សុំប្រព័ន្ធធារាសាស្គ្រ ១កន្លែងនៅចំណុចស្ទឹងភូមិកសាងថ្មីដែលអាចប្រើប្រាស់បានទាំង ស្រុកមង្គលបូរី និងស្រុកព្រះនេត្រព្រះ ។ 
ឆ្លើយតបនិងសំនូមពររបស់ប្រជាពលរដ្ឋខាងលើលោក សន ស៊ីថន រដ្ឋលេខាធិការក្រសួងផែនការនិងជាប្រធានក្រុមការងាររាជរដ្ឋាភិបាលចុះជួយស្រុកមង្គលបូរី បានអោយដឹងថា ថ្ងៃនេះក្រុមការងាររាជរដ្ឋាភិបាលចុះជួយស្រុកមង្គលបូរីដែលបានរៀបចំវេទិការសាធារណះនេះ គឺមិនទាន់មានលទ្ធិភាពរកដំណោះស្រាយជួនបងប្អូននៅឡើយទេ ។ 
ពោលគឺជំហ៊ានដំបូងក្រុមការងារបានមកសម្រង់បញ្ហាប្រឈមហើយជាបញ្ហាកង្វល់ក៏ដូចជាសំណូមពរពីសំណាក់បងប្អូនប្រជាពលរដ្ឋ ដើម្បីទទួលយកទៅពិភាក្សាគ្នានៅថ្នាក់ជាតិ និងរកគន្លឹះដោះស្រាយជូនប្រជាពលរដ្ឋអោយមានតម្លាភាពយុត្តិធម៌ ។ តើត្រូវអោយក្រុមការងារស្រុកឫខេត្តនិងថ្នាក់ជាតិត្រូវដោះស្រាយជូនអោយបានឆាប់៕
