ខេត្តកំពង់ធំ. ឯកឧត្តម ឧត្តមសេនីយ៍ទោ សោម ស៊ុន មេបញ្ជាការតំបន់ ប្រតិបត្តិ ការសឹករងកំពង់ធំ មានប្រសាសន៍ថា ដោយសារគុណតម្លៃនៃសន្តិភាពក្រោមនយោបាយឈ្នះ ឈ្នះ ដឹកនាំដោយសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានធ្វើឲ្យប្រទេសជាតិយើងមានការអភិវឌ្ឍន៍ លេីគ្រប់វិស័យ ដូចជាបណ្ដាញទឹកស្អាតសម្រាប់ប្រើប្រាស់ដល់លំនៅដ្ឋាន ផ្លូវថ្នល់ខ្វាត់ខ្វែង ភ្លេីងអគ្គីសនីភ្លឺព្រោងព្រាត ជាក់ស្តែងប្រទេសមានសន្តិភាព ប្រជាពលរដ្ឋខ្មែរនាំគ្នាសប្បាយនិងធ្វើបុណ្យទាន គ្រប់រដូវកាល.តាមទំនៀមទម្លាប់ប្រពៃណីខ្មែរ។
នៅក្នុងឱកាសបុណ្យកាន់បិណ្ឌ ភ្ជុំបិណ្ឌ វេនបិណ្ឌទី១៣ ត្រូវនិងថ្ងៃទី១៥ ខែកញ្ញា ឆ្នាំ២០២០ ឯកឧត្តម ឧត្តមសេនីយ៍ទោ សោម ស៊ុន មេបញ្ជាការ តំបន់ប្រតិបត្តិការសឹករងកំពង់ធំ និងលោកជំទាវ ព្រមទាំងលោកយាយឧបាសិការហ៊ុល រ៉េន ជា អ្នកម្តាយជាទីគោរពស្រលាញ់ រួមជាមួយសហការី បានសំណេះ សំណាលសាកសួរសុខទុក្ខ និងបានឧបត្ថម្ភ ស្បៀងអាហារ ភេសជ្ជៈ និងថវិកា ផ្តល់ជូនដល់ លោកយាយ លោកតា ចាស់ជរា និងប្រជាពលរដ្ឋ ទីទ័លក្រ ចំនួន ១៦ គ្រួសារ គឺជាទឹកចិត្តសប្បុរសធម៌របស់ឯកឧត្តមផ្ទាល់ រួមទាំងសប្បុរសជន មួយចំនួនចូលរួម។
នៅស្រុកកំណើត ស្ថិតនៅភូមិកំញ៉ាត ឃុំទ្រៀល ស្រុកតាំងគោក ខេត្តកំពង់ធំ ។
ចំណែកអំណោយដែលបាន ឧបត្ថម្ភក្នុងមួយគ្រួសារទទួលបាន មី ចំនួន មួយកេស ,ទឹកបរិសុទ្ធចំនួនមួយ កេស ,ទឹកដោះគោខាប់០២ កំប៉ុង ,ស្ករស ចំនួន០១ គ.ក្រ ,ត្រី.ខ កំប៉ុងចំនួន០៥ កំប៉ុង ,ធូបទាន ០១ ដុំ និងថវិកាមួយចំនួនផងដែរ ។
ឯកឧត្តមសោម ស៊ុន បានបញ្ជាក់ថា កាលពីមុនទីនេះជាសមរភូមិប្រយុទ្ឋគ្នា ក្នុងរបបវាលពិឃាដប៉ុលពត វត្តអារ៉ាមយើងនៅទីនេះជាកន្លែងឃ្លាំងស្តុកស្រូវ និងជារោងបាយសម្រាប់ហូបអាហាររួមគ្នាដូច្នេះត្រូវចងចាំរួមគ្នាថែរក្សាសន្តិភាពនេះឲ្យបាន
សន្តិភាព អរគុណនយោបាយ ឈ្នះ! ឈ្នះ! ដឹងគុណស្ថាបនិក មគ្គុទ្ទេសក៍ឯក និងប្រតិបត្តិករ នយោបាយ ឈ្នះ! ឈ្នះ!
លោកយាយ លោកតា ចាស់ជរា និងប្រជាពលរដ្ឋទីទ័លក្រ សូមអរគុណ ឯកឧត្តម និងលោកជំទាវ ព្រមទាំងលោកយាយឧបាសិការហ៊ុលរ៉េន រួមជាមួយសហការី សូមឧទ្ទិសកុសលផលបុណ្យនេះ បានទៅដល់អ្នកមានគុណ ជីដូនជីតា ញាតិការទាំងប្រាំពីរសណ្តាន និងវិញ្ញណក្ខន្ធកម្មាភិបាល យុទ្ធជន ដែលបានពលីជីវិតដើម្បីបុព្វហេតុជាតិ និងប្រជាជនកម្ពុជាទាំងអស់ សូមអនុមោទនាទទួលយកកុំបីខានឡើយ ៕