ខេត្តកំពង់ធំ.ប្រជាពលរដ្ឋ ដែលរស់នៅក្នុងស្រុកសន្ទុកខេត្តកំពង់ធំ ចំនួន៥ឃុំ បានទទួលអំណោយពី លោកជំទាវខៀវស៊ីណា ជាចាន់តូ អនុប្រធានកិត្តិយសសាខាកាកបាទក្រហមកម្ពុជាខេត្តកំពង់ធំ និងឯកឧត្តមសុខលូ ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ធំ បានអញ្ជើញចុះចែកអំណោយដល់បងប្អូនប្រជាពលរដ្ឋ ដែលកំពុងតែរងគ្រោះដោយសារទឹកជំនន់ ពិធីនេះបានធ្វើឡើងនៅវត្តកំពង់ថ្ម នៅព្រឹកថ្ងៃទី២០ ខែតុលាឆ្នាំ២០២០។
ប្រជាពលរដ្ឋ ដែលបានទទួលអំណោយចំនួន២០៧គ្រួសារ មកពី៥ឃុំ ក្នុងនោះមានឃុំ ក្រយា ឃុំបឹងល្វា ឃុំកំពង់ថ្ម ឃុំតាំងក្រសាំង និង ឃុំប្រាសាទ ក្នុងមួយគ្រួសារទទួលបានអង្ករ២៥គ.ក មីមួយកេស ទឹកស៊ីអ៊ីវទឹកត្រី ២យួរ ត្រីខមួយយួរ សាប៊ូមួយដុំ។
លោកជំទាវ.ខៀវស៊ីណា ជាចាន់តូ បានមានប្រសាសន៍ថា កោតសរសើរថ្នាក់ដឹកនាំខេត្តកំពង់ធំ និងមន្ទីរអង្គភាពពាក់ព័ន្ធ ដែលបានលះបង់ទាំងកម្លាំងចិត្តកម្លាំងកាយ និងសេចក្តីសុខផ្ទាល់ខ្លួន គិតគូរពីសុខទុក្ខរបស់ប្រជាពលរដ្ឋ.ចុះជួយអន្តរាគមន៍ សង្រ្គោះដោះស្រាយ បងប្អូនប្រជាពលរដ្ឋដែលកំពុងតែរងគ្រោះដោយសារទឹកជំនន់ គ្រប់ទីកន្លែង ទីណាមានទុក្ខទីនោះមាន ក្រុមការងារកាកបាទក្រហមចុះជួយ បានទាន់ពេល។
លោក ជំទាវក៏បាន សម្តែងនូវការព្រួយបារម្ភណ៍ ពីសុខទុក្ខរបស់ បងប្អូនប្រជាពលរដ្ឋ និងបានសំណូមពរ ឲ្យចូលរួមគោរពច្បាប់ចរាចរណ៍ផ្លូវគោក ទាំងអស់គ្នា ដើម្បីកាត់បន្ថយការគ្រោះថ្នាក់ចរាចរណ៍និង សូមអប់រំកូនចៅឲ្យចៀសឆ្ងាយពី គ្រឿងញៀន៕
ដោយប៊ុន រដ្ឋា