ភ្នំពេញ៖ យុវជន២នាក់បានរងរបួសធ្ងន់និងស្រាលខណៈដែលពួកគេទើបតែចេញពីផឹកស៊ីហើយត្រូវរថយន្តមិនស្គាលម៉ាកបុកចំពីក្រោយយ៉ាងពេញទំហឹង កាលពីវេលាម៉ោង១២និង០៥នាទីរំលងអាធ្រាត ឈានចូលថ្ងៃទី២១ ខែកុម្ពៈ ឆ្នាំ២០១៤ តាមផ្លូវលេខ៣១៥ ត្រង់ចំណុចភ្លើងស្តុបផ្សារមាន់អាំង ស្ថិតក្នុងសង្កាត់ទបឹងកក់ទី២ ខណ្ឌទូលគោក។
តាមសំដីរបស់ជនរងគ្រោះឈ្មោះហ៊ួន ទូពិសី ភេទប្រុស អាយុ២២ឆ្នាំជាអ្នកបើក ស្នាក់នៅម្តុំរោងចក្រឆ្នាំងនិងមិត្តភ័ក្រម្នាក់ទៀតឈ្នោះ គង់សុជាតិ ភេទប្រុស អាយុ២២ឆ្នាំ ស្នាក់នៅជាមួយគ្នា ជិះម៉ូតូម៉ាកនិក ពណ៌ផ្កាឈូកលាយខ្មៅ គ្មានស្លាកលេខ នៅមុនពេលកើតហេតុពួកគេទើបចេញពីហាងផឹកស៊ីនៅវិចិត្រ៣ ម្តុំបឹងកក់ទី១ ក្រោយមកក៍ចេញក៍ជិះទៅតាមផ្លូវលេខ៣១៥ ក្នុងទិសដៅពីកើតទៅលិចបំណងទៅចូលរាំលេងក្នុងក្លឹបកំសាន្តពេលជិះម៉ូតូមកដល់ចំណុចកើតហេតុខាងលើខណៈដែលខ្លួនកំពុងនិយាយទូរស័ព្ទក៏ស្រាប់តែត្រូវរថយន្តមិនស្គាលម៉ាកបុកពីក្រោយយ៉ាងពេញទំហឹងពីក្រោយធ្វើឲ្យរងបួសធ្ងន់និងស្រាលតែម្តងទៅ។
ក្រោយពេលកើតហេតុកម្លាំងសមត្ថកិច្ចបានចុះមកធ្វើការវាស់វែងនិងយកម៉ូតូរងរបស់ជនរងគ្រោះទៅរក្សាទុក ចំណែកជនរងគ្រោះទាំង២នាក់ត្រូវរថយន្តសង្គ្រោះដឹងទៅមន្ទីរពេទ្យកាលម៉ែត្រចំណែកម្នាក់ទៀតត្រូវសំរាកព្យាបាលនៅគ្លីនិកឯកជនផងដែរ៕ 
