ភ្នំពេញ ៖ ម៉ូតូរ៉ឺម៉កកង់៣បើកបុកគ្នាជាមួយរថយន្តកាមរីឆ្លាមមួយគ្រឿងព្យាយាម បត់រថយន្ត ត្រលប់ក្រោយ បណ្តាលឲ្យរងខូចខាតទាំងសងខាង កាលវេលាម៉ោង ៩និង ៣០ នាទីយប់ ថ្ងៃទី២៩ ខែកក្កដា ឆ្នាំ២០១៤ នៅចំណុចមុខក្រុមហ៊ុន តូយ៉ូតា តាមបណ្តោយ
មហាវិថិ សហពន្ធ័រុស្ស៊ី ក្នុងសង្កាត់ ទឹកថ្លា ខណ្ឌសែនសុខ។
ប៉ូលិសចរាចរណ៍ខណ្ឌសែនសុខ បានឲ្យដឹងថា មុនពេលកើតហេតុ មានបុរសម្នាកបានជិះម៉ូតូ ម៉ូតូរ៉ឺម៉កកង់៣ មួយគ្រឿង មិនមានស្លាក់លេខ បានធ្វើដដំណើរ តាមបណ្តោយមហាវិថី សហពន្ធ័រុស្ស៊ី ក្នុងទិសដៅពីកើតទៅលិច ក្នុងល្បឿនលឿន ហើយខណៈមកដល់ចំណុច មុខក្រុមហ៊ុន តូយ៉ូតាក៏បានវាក់អើជាមួយ រថយន្តកាមរីឆ្លាមមួយគ្រឿង ពណ៌ស្ករ ពាក់ស្លាក់លេខ ភ្នំពេញ 2O- 6309 មួយគ្រឿងដែលបើកបរដោយបុរសម្នាក់ ដែលព្យាយាម បត់រថយន្ត ត្រលប់ក្រោយ តាមបណ្តោយ មហាវិថី សហពន្ធ័រុស្ស៊ី ក្នុងទិសដៅពីលិចទៅកើត ដោយមិនបានគោរពស្លាកសញ្ញា ចរាចរណ៌ហាមមិនឲ្យបត់ត្រលប់ ក្រោយ ក៏ធ្វើឲ្យ ម៉ូតូរ៉ឺម៉កកង់៣ជ្រុលទៅបុករថយន្ត ចំកង់មុខខាងស្តាំបែកសង្គៀង រងការខូចខាត់ ហើយចំណែក ម៉ូតូរ៉ឺម៉កកង់៣ វិញក៏រងការខូចខាតដូចគ្នា ។ ក្រោយពេលកើតហេតុដោយសមត្ថកិច្ចបានចុះមកដល់រួចក៏បានធ្វើការសម្របសម្រួល ភាគីទាំងពីរ ហើយក៏ម្ចាស់ ម៉ូតូរ៉ឺម៉កកង់៣ ខ្ជិលមានរឿងវែងឆ្ងាយ ក៏ចេញថ្លៃខូចខាតឲ្យម្ចាស់រថយន្តកាមរីឆ្លាម ចំនួន១០០ $ ដើម្បីបញ្ចប់រឿង៕
