ខេត្តព្រះសីហនុ រសៀលថ្ងៃទី២៩ ខែកក្កដា ឆ្នាំ២០១៤ ក្រុមហ៊ុនអាកាសចរ ស្តាយវីង អេស៊ា អ៊ែឡាញ បានធ្វើការហោះហើរត្រង់ពីប្រទេសកូរ៉ចុះចតនៅព្រលានយន្តហោះអន្តរជាតិខេត្តព្រះសីហនុ ។ លោក Khek Norinda Communications Dirimor Cambodia Airports មានប្រសាសន៌ថា ក្រុមហ៊ុនស្កាយវីង អេស៊ា អ៊ែឡាញ ហោះហើរ អាបើស ៣២០ ត្រង់មកពីទីក្រុងសេអូលជើងទីមួយមកកាន់
ព្រលានយន្តហោះអន្តរជាតិកងកេងខេត្តព្រះសីហនុ ជើងហោះហើររបស់ក្រុមហ៊ុនអន្តរជាតិ បានធ្វើការចុះចតនៅព្រលានយន្តហោះអន្តរជាតិខេត្តព្រះសីហនុ បង្ហាញថាទី១ ព្រលានយន្តហោះនៅខេត្តព្រះសីហនុយើងធំ ទី២ ភ្ញៀវទេសចរណ៌បរទេសចាប់អារម្មណ៌ឆ្មេរសមុទ្ររបស់កម្ពុជា ពួកគាត់អាចមកសម្រាកនៅឆ្មេរសមុទ្របានយូរ ដោយកន្លងមកភ្ញៀវទេសចរមកស្នាក់នៅកម្ពុជា ប្រហែល ៥ទៅ៦ថ្ងៃ បើគាត់មកលេងកំសាន្តតំបន់ឆ្មេរសមុទ្រ ពួកគាត់អាចស្នាក់នៅយូររហូតដល់ ១០ថ្ងៃ ដោយសាប្រទេសកម្ពុជាយើងមានការអភិវឌ្ឍន៌រីកចំរើន ។ 
លោក Khek Norinda CommunicaTions Dirimor Cambodia Airports បានបញ្ជាក់ថា ការហោះហើរត្រង់របស់ក្រុមហ៊ុន ស្កាយវីង អេស៊ា អ៊ែឡាញ ថ្ងៃនេះ មានភ្ញៀវសរុប១៧២នាក់ និង៦០នាក់ផ្សេងទៀតទៅចុះចតខេត្តសៀមរាប ។ ការហោះហើរត្រង់ពីប្រទេសកូរ៉េនាពេលនេះ គឺជាការចាប់ផ្តើមដំបូង និងជាការសិក្សារលើទីផ្សាររបស់កម្ពុជាផងដែរ ក្នុងការចាប់ផ្តើមការហោះហើរត្រង់ក្នុងខែកក្កដានេះ មាន០៤ជើងក្នុងមួយខែ ហើយប្រសិននៅខែ១០ និងខែ ១១ខាងមុខ មានភ្ញៀវទេសចរមកច្រើន ក្រុមហ៊ុនស្កាយវីង អេស៊ា អ៊ែឡាញ និងបង្កើនការហោះហើរត្រង់មកកាន់ខេត្តព្រះសីហនុជារៀងរាល់ថ្ងៃ ។
លោក ឈិត សុខុន អភិបាលខេត្តព្រះសីហនុ បានមានប្រសាសន៌ថា ការហោះហើរត្រង់មកខេត្តព្រះសីហនុរបស់យើង ជាសក្តានុពលយ៉ាងសំខាន់ ដោយអនុវត្តតាមប្រសាសន៌សម្តេចតេជោ ហ៊ុន សែន បើកចំហរជើងមេឃទូលាយសម្រាប់ឲ្យការ ហោះហើរទាំងអស់ទាក់ទិន្ននិងភ្ញៀវទេសចរណ៌មកទស្សនកិច្ចនៅព្រះរាជាណាចក្រកម្ពុជា ខេត្តព្រះសីហនុមានសក្តានុពលខាងសេដ្ឋកិច្ច ពាណិជ្ជកម្ម និងធនធានធម្មជាតិ ដែលជា ខេត្តមួយក្នុងចំណោមខេត្តទាំង៣ និងជាប៉ូលទេសចរណ៌យ៉ាងសំខាន់របស់រដ្ឋាភិបាល ខេត្តយើងទទួលបានភ្ញៀវទេសចរជាច្រើនកន្លងមក ដោយសារយើងមានរមណីយដ្ឋានមួយចំនួនមានដូចជា កោះរុង ឆ្មេរអូឈើទាល និងមានសណ្ឋាគារធំៗជាច្រើន និងការបំរើភ្ញៀវនៅតាម ភោជនីយដ្ឋានធ្វើអោយភ្ញៀវមកសម្រាកលំហែកាយ ។
យើងមានគម្រោងនៅមុខព្រលាន រៀបចំជាសួនច្បារ ដើម្បីអោយផ្លូវទាំងអស់នេះស្អាត ហើយចាប់ពីព្រលានរហូតដល់ក្រុងព្រះសីហនុ យើងត្រូវដាំដើមឈើរអមសងខាងផ្លូវ យើងក៌មានគម្រោងបើកផ្លូវថ្មីមួយបន្ថែមទៀត គឺចេញពីព្រលានកាត់តាមពយម៉ាចូវរហូតដល់អូត្រេះ ធ្វើឲ្យខេត្តព្រះសីហនុមានផ្លូវជារង្វង់មូល គឺទៅដល់ហើយមិនត្រឡប់មកក្រោយវិញនោះទេ ហើយកាគិតគូនេះ ដោយសារផ្លូវ ចំណោទរាម គឺជាផ្លូវរថយន្តដឹកកុងតីនរធុនធំឆ្លងកាត់ចុះឡើងច្រើនដែលតែងតែបង្កគ្រោះថ្នាក់ដល់អ្នកដំណើរ ក៌ដូចជាភ្ញៀវទេសចរ នៅចុងឆ្នាំ២០១៤នេះយើងចាប់ផ្តើមឈូសឆាយផ្លូវនេះ ។
លោកអភិបាលខេត្តឲ្យដឹងបន្ថែមទៀតថា យើងមានគម្រោងស្មើសុំទៅសម្តេចតេជោ ដើម្បីបើកផ្លូវថ្មីមួយនេះអោយបាន ៣០ម៉ែត្រ ដើម្បីសម្រួលចរាចរណ៌ជូនភ្ញៀវទេសចរជាតិ និងអន្តរជាតិដែលមកលេងកំសាន្តនៅខេត្តព្រះសីហនុ ៕
