ស្ទឹងត្រែង៖កំលាំងការិយាល័យផ្សព្វផ្សាយអប់រំនៃមន្ទីរប្រឆាំងគ្រឿងញៀនបានសហការជាមួយកំលាំការិយាល័យ ប្រឆាំងគ្រឿងញៀនខេត្ត និងមានការចូលរួមពីលោកស្រី ស៊ុន យ៉ឹតព្រះរាជអាជ្ញារងសាលាដំបូងខេត្តចុះឃាត់ខ្លួនជនសង្ស័យជនជាតិឡាវម្នាក់ លបានធ្វើសកម្មភាពឆ្លងដែន ចូលមកទឹកដីកម្ពុជា នាំគ្រឿងញៀនប្រភេទមេតំហ្វេតាមីន(ម៉ាទឹកកក)ជិតមួយគីឡូក្រាម ចាប់ញ្ជូនមកកាន់ស្នងការដ្ឋានខេត្ត ធ្វើការសាកសួរ។ 
ប្រតិបត្តិការចុះឃាត់ខ្លួនជនសង្ស័យជនជាតិឡាវម្នាក់នេះ បានធ្វើឡើងនៅវេលាម៉ោង១១និង៣៥នាទីថ្ងៃអង្គារ៍ទី២៩ខែកក្កដាឆ្នាំ២០១៤នៅចំនុចផ្លូវ៧៣៩ចំម្ងាយពីព្រំដែនប្រាំរយម៉ែត្រ ស្ថិតក្នុងភូមិអូរស្វាយ ឃុំអូរស្វាយ ស្រុកថាឡាបរិវ៉ាត់ ខេត្តស្ទឹងត្រែង៕ លោក នូ ហួរវរៈសេនីយ៍ទោនាយការិយាល័យប្រឆាំងគ្រឿងញៀនខេត្តបានអោយដឹងថាជនសង្ស័យជនជាតិឡាវម្នាក់នេះ មានឈ្មោះសៀង មី ភេទប្រុសអាយុ៣៩ឆ្នាំមានទីលំនៅក្នុងភូមិស៊ុបណាវ ស្រុកម៉ូវ ខេត្តយ៉ុង សាលី ប្រទេសឡាវ។
លោកនាយការិយាល័យបានបន្តថាករណីឃាត់ខ្លួនជនសង្ស័យជនជាតិឡាវខាងលើកំលាំងមន្ទីរប្រឆាំងគ្រឿងញៀន បានសហការជាមួយការិយាល័យប្រឆាំងគ្រឿងញៀនខេត្ត ស៊ើបអង្កេតយ៉ាងយកចិត្រទុដាក់ នៅតាមខ្សែបន្ទាត់ព្រំដែន ដែលក្រុមឧក្រិដ្ឋជន តែងតែឈ្លៀតឱកាស ពេលដែលសមត្ថកិច្ចយើងមានការឆកល្វែង។តែទោះជាយ៉ាងក្រុមឧក្រិដ្ឋជន មិនអាចគេចរួចពីអន្ទាក់សមត្ថកិច្ចបានឡើយ។
លោកវរៈសេនីយ៍ទោបន្តថាជាក់ស្តែងដូចជាករណីខាងលើ គ្រាន់តែជនសង្ស័យបានឈានចូលទឹកដីកម្ពុជា កំលាំងសម្ងាត់បានត្រៀមរួចជាស្រេច ខណដែលជនជាតិឡាវម្នាក់នេះ កំពុងធ្វើសកម្មភាពដើរចូល បានប្រហែលប្រាំរយម៉ែត្រពីព្រំដែន កំលាំងជំនាញបានធ្វើការឃាត់ខ្លួនភ្លាមៗ រួមនិងវត្ថុតាងគ្រឿងញៀនប្រភេទមេតំហ្វេតាមីន(ម៉ាទឹកក)ចំនួន៩៩៣.៩ក្រាម នាំយកមកកាន់ស្នងការដ្ឋាននគរបានខេត្តធ្វើការសាកសួរ។ក្រោមចំម្លើយសារភាពរបស់ជនសង្ស័យជាភាសារឡាវ ថាថ្នាំញៀននេះពិតជារបស់ខ្លួនមែន និងបានធ្វើតេស្តចំពោះមុខ ថាពិតជាមានសារធាតុញៀនពិតប្រាកដមែន។ 
បច្ចុប្បន្នជនសង្ស័យជនជាតិឡាវ រួមនិងវត្ថុតាងថ្នាំញៀនជិតមួយគីឡូក្រាម សមត្ថកិច្ចកំពុងរៀបចំសំណុំឯកសារ ពាក់ព័ន្ធក្នុងករណីជួញដូរគ្រឿងញៀន ឆ្លងដែនដោយខុសច្បាប់ បញ្ជូនខ្លួនទៅកាន់អយ្យការអមសាលាដំបូងខេត្តចាត់ការតាមនីតិវិធី៕
