សៀមរាប : វគ្គបណ្តុះបណ្តាលខាងលើនេះបានប្រព្រឹត្តទៅក្រោមអធិបតីភាព លោកស្រី វរសេនីយ៍ឯក សុខ សំ ស្នងការរងទទួលបន្ទុកយេនឌ័រនៃស្នងការដ្ឋានននគរបាលខេត្តសៀមរាប ។ ព្រមទាំងតំណាងគំរោង LEAP របស់ក្រសួងមហាផ្ទៃ និង ការគាំទ្រពីអង្គការ UNICEF និងអង្គការ KAMONOHASHI របស់ជប៉ុន ។
ដោយមានសិក្ខាកាមជានគរបាលមកពីបណ្តាប៉ុស្តិ៍នគរបាលរដ្ឋបាលទាំង១២ក្រុង ស្រុកចំណុះស្នងការដ្ឋាននគរបាលខេត្តសៀមរាបចំនួន៥០ នាក់បានទទួលចូលរៀនក្នុងវគ្គបណ្តុះបណ្តាលនេះ ។ មានមតិចាប់អារម្មណ៍ពីសំណាក់លោក សរ ដារុន អនុប្រធាននាយកដ្ឋានបុគ្គលិកនិង បណ្តុះបណ្តាលវិជ្ជាជីវ:ជាតំណាងគំរោង LEAP របស់ក្រសួងមហាផ្ទៃក្នុងអង្គពិធីក៏ដូចជា មានប្រសាសន៍បើកវគ្គបណ្តុះបណ្តាលនគរបាលមូលដ្ឋានស្តីពីការអនុវត្តច្បាប់ពន្លឿនកិច្ចការពារកុមារ និង ជនងាយរងគ្រោះរយះពេល២ថ្ងៃនៅស្នងការដ្ឋាននគរ បាលខេត្តសៀមរាបនាឱកាសនោះ ។
លោកស្រី វរសេនីយ៍ឯក សុខ សំ ស្នងការរងទទួលបន្ទុកយេនឌ័រនៃស្នងការដ្ឋានននគរបាលខេត្តសៀមរាបបានមានប្រសាសន៍បញ្ជាក់ដល់សិក្ខាកាមទាំងអស់ថាដើម្បីធ្វើឲ្យការអនុវត្តនូវគោលនយោបាយភូមិឃុំមានសុវត្ថិភាពឲ្យកាន់តែទទួលបាននូវប្រសិទ្ធភាពថ្វេរដងនោះជាក់ស្តែងសិក្ខាកាមជានគរបាលមកពីបណ្តាប៉ុស្តិ៍នគរបាលរដ្ឋបាលទាំង១២ក្រុង ស្រុកចំណុះស្នងការដ្ឋាននគរបាលខេត្តសៀមរាបមានចំនួន៥០ នាក់បានទទួលចូលរៀនក្នុងវគ្គបណ្តុះបណ្តាលខាងលើនេះមានរយះពេលពីរថ្ងៃចាប់ពីថ្ងៃទី២៩ដល់ថ្ងៃទី៣០ខែកក្តដាឆ្នាំ២០១៤នេះ គឺក្នុងគោលបំណង ដើម្បីបំប៉នបន្ថែមដល់នគរបាលជាតិថ្នាក់មូលដ្ឋាននូវជំនាញប្រយុទ្ធប្រឆាំងរាល់ការរំលោភបំពាននិងការកេងប្រវេញ្ចផ្លូវភេទលើកុមារ និងយេនឌ័រ ។
ម្យ៉ាងវិញទៀតគឺចង់ឲ្យកម្លាំងនគរបាលរបស់យើងបានយល់ដឹងកាន់តែច្បាស់ពីសមភាព សមធម៍និងតួនាទីយេនឌ័រនៅតាមអង្គភាពឲ្យកាន់តែទទួលបាននូវចំណេះដឹងស៊ីជំរៅដើម្បីយកទៅអនុវត្តបន្តប្រកបដោយប្រសិទ្ធខ្ពស់ ៕ លោក ខេង ខេមរា
