ខេត្តបន្ទាយមានជ័យ៖ ក្រុមឈ្មូញថៃ នាំគ្នាសំរុកទិញយកអង្កាមពីស្រុកខ្មែរ ក្នុងតម្លៃខ្ពស់បំផុត ហើយគេយកអង្កាមទាំងនោះ ទៅកែឆ្នៃជាថាមពល អគ្គីសនិយ និងផលិតជាថាមពលហ្គាស់ទៀតផង ដោយឡែកក៏មានពលរដ្ឋខ្មែរជាច្រើន កំពុងនាំគ្នាដើររកទិញអង្កាមនៅតាមរោងម៉ាស៊ីនកិនស្រូវនានា ក្នុងខេត្តបន្ទាយមានជ័យ និងខេត្តបាត់ដំបង ដើម្បីយកទៅលក់អោយឈ្មួញថៃនោះ។
សូមបញ្ជាក់ថា គេបានសង្គេតឃើញ មានក្រុមតៃកុងរថយន្តកូរ៉េខ្នាតធំ និងរថយន្តយីឌុក រថយន្តហ្វុយ សូរជាដើម បាននាំគ្នាកែឆ្នៃទ្រុងរថយន្តងាយស្រួល ដឹកអង្កាមទៅលក់អោយថៃ រហូតមានចំនួនរថយន្តកើនឡើងសរុប៤០គ្រឿង ឯណោះនៅក្នុងខែកក្កដា ឆ្នាំ២០១៤នេះ បើព្រាបធាបនិងថ្ងៃដំបូងគឺមានត្រឹមតែ១៥រថយន្តប៉ុណ្ណោះ ដែលបានប្រកបមុខរបរដឹកអង្កាចេញពីស្រុកខ្មែរទៅលក់អោយថៃនៅតាមច្រករបៀងសព្វថ្ងៃនេះ។ 
តាមកាឡើកឡើងរបស់ក្រុមតៃកុងរថយន្ត ដឹកអង្កាមទៅលក់អោយថៃនោះ បានប្រាប់កម្ពុជាថ្មីថា ក្នុងហេតុកាដែលពួកគាត់ភ្ញាក់ផ្អើលនាំគ្នាទៅដឹកអង្កាមដែលលក់អោយថៃនោះ គឺកើតមានរយះពេល៣ ខែមកហើយ គឺចាប់ពីខែឧសភា រហូតដល់ខែកក្កដា នេះតែម្តង ក្រុមតៃកុងរថយន្តខាងលើបានបន្តទៀតថា អង្កាមទាំងនោះ គឺពួកគាត់ខ្លះមិនបានទិញពីម្ចាស់រោងម៉ាស៊ីននោះទេ គឺគេហៅអោយពួកគាត់យកអង្កាមចេញពីកន្លែងគេតែម្តង ដូចឆ្នេះពួកគាត់មិនអស់លុយទិញអង្កាមទេ គឺគ្រាន់តែអស់ថ្លៃសាហ៊ុយគ្រឿងចាក់សំរាប់ជោកអង្កាមមកដាក់លើរថយន្ត
ប៉ុណ្ណោះ តៃកុងរថយន្តទាំងនោះ បន្តទៀតថា មានរថយន្តចំនួន៤០គ្រឿងដែលបានដឹកអង្កាមទៅលក់អោយថៃ តាមច្រករបៀងចំកាគ ស្ថិតនៅក្នុងស្រុកស្វាយចេក ខេត្តបន្ទាយមានជ័យ ដោយក្នុងមួយតោនអង្កាមថៃ ហ៊ានទិញក្នុងតម្លៃ៥០០ទៅ ៧៥០បាតឯណោះ គេបានបន្តទៀតថា ក្នុងរថយន្តនិមួយដឹកបានចំណុះ ត្រឹមតែ៨តោនទៅ១៣តោនប៉ុណ្ណោះតាមរថយន្តតូច រឺធំ នោះ តៃកុងរថយន្តដ៏ដែលបានបញ្ជាក់ទៀតថា ពួកគាត់សល់តែថ្លៃប្រេងដឹកនិងថ្លៃចូកប៉ុណ្ណោះ ហើយគាត់កាត់កងទៅសល់លុយមួយចំនួនធំផងដែរ ទើបអ្នកមានរថយន្តធំៗខ្លះនាំគ្នាសំរុកប្រកបមុខរបរដឹកអង្កាមទៅលក់អោយថៃកាន់តែមានចំនួនច្រើនរហូតមក ហើយមិនអស់លុយបង់ផ្លូវជូនគយ ជូនទៅសមត្ថកិច្ចណានោះទេ នេះជាមុខរបរបានលុយយ៉ាងស្រួលបំផុតនោះ៕ដោយពៅរី
