កំពង់ឆ្នាំង៖ ក្រោមការចង្អុលបង្ហាញនិងបញ្ជាផ្ទាល់ ពីលោក ឧត្តមសេនីយ៍ទោ ខូវ លី ស្នង ការនគរបាលខេត្តកំពង់ឆ្នាំង និងសម្រប សម្រួលផ្នែកច្បាប់ដោយ លោក អុិត សុធា ព្រះរាជអាជ្ញាសាលាដំបូងខេត្តកំពង់ឆ្នាំង ក្នុងស្មារតីអនុវត្តគោលនយោបាយភូមិឃុំមានសុវត្ថិភាពសមត្ថកិច្ចនគរបាលបង្ក្រាបនិងឃាត់ ខ្លួនជនសង្ស័យ០៣នាក់ ពាក់ព័ន្ធករណីផ្តល់ទីតាំង សមគំនិតជួញដូរ និងប្រើប្រាស់គ្រឿងញៀន ។
ការបង្ក្រាប ខាងលើនេះធ្វើឡើងនៅវេលាម៉ោង១៩៖២០នាទី នៅ ថ្ងៃទី០៦ ខែមករា ឆ្នាំ២០២១ ភូមិល្បើក ឃុំខុនរ៉ង ស្រុកបរិបូណ៍ ខេត្តកំពង់ឆ្នាំង ។
លោក វរសេនីយ៍ឯក ហ៊ុល វាសនា ស្នងការរង ទទួលផែនគ្រឿងញៀន បានឲ្យដឹងថា ជនសង្ស័យ ដែលកម្លាំងសមត្ថកិច្ចឃាត់ខ្លួន ឈ្មោះ ម៉ាច សុម៉ុន អាយុ ៣៨ឆ្នាំ ជនជាតិខ្មែរ មុខរបរមិនពិតប្រាកដ ពាក់ព័ន្ធករណីផ្តល់ទីតាំង ជួញដូរ និងប្រើប្រាស់ សារធាតុញៀនខុសច្បាប់, ឈ្មោះ វន សាវៃ អាយុ ៤០ឆ្នាំ ជនជាតិខ្មែរ មុខរបរមិនពិតប្រាកដ ពាក់ព័ន្ធករណី សមគំនិត ជួញដូរ និងប្រើប្រាស់ សារធាតុញៀនខុសច្បាប់ និង ឈ្មោះ ទីន ចាន់ណុំ អាយុ១៨ ឆ្នាំ ជនជាតិខ្មែរ មុខរបរកម្មករ ពាក់ព័ន្ធករណីសម គំនិត ជួញដូរ និងប្រើប្រាស់សារធាតុញៀនខុស ច្បាប់។ជនសង្ស័យទាំង៣នាក់ រស់នៅភូមិល្បើក ឃុំខុនរ៉ង ស្រុកបរិបូណ៌ ខេត្តកំពង់ឆ្នាំង ។
លោកវរសេនីយ៍ឯក ហ៊ុល វាសនា ស្នងការរង ទទួល ផែនគ្រឿងញៀន បានឲ្យដឹងទៀតថាក្នុងការបង្ក្រាបនេះដកហូតវត្ថុតាងថ្នាំញៀនចំនួន ០៣កញ្ចប់, ទូរសព្ទ័ ០៣គ្រឿង, ដាវ ០១ដើម,សម្ភារៈវេចខ្ចប់ និងឧបករណ៍ជក់មួយចំនួន។
ក្រោយចាប់ខ្លួនជនសង្ស័យទាំងអស់ត្រូវបានសមត្ថ កិច្ចជំនាញកំពុង ធ្វើការសាកសួរនិងកសាងសំណុំ រឿងបញ្ជូនទៅសាលាដំបូងខេត្តចាត់ការតាមនីតិវិធី៕
