បន្ទាយមានជ័យ: នៅវេលាម៉ោង ២និង០០នាទីថ្ងៃទី៣១ កក្ដដា ២០១៤តាមបណ្តោយផ្លូវ ជាតិលេខ៥ត្រង់ចំណុចភូមិភ្នំតូចត្បូងឃុំភ្នំតូចស្រុក មង្គលបូរីមានករណីគ្រោះថ្នាក់ចរាចរកើតឡើងរវាងរថយន្ត អ៊ីសុ៊យស៊ុយដឹកដីប្រលះម៉ូតូវេវ១១០ ពីក្រោយបណ្ដាលអោយកុម៉ាម្នាក់ស្លាប់ភ្លានៗ
នៅនិងកន្លែង។
សាក្សីកន្លែងកើតហេតុប្រាប់ថា: រថយន្តបង្ករ១គ្រឿង ម៉ាកអ៊ីស៊ុយស៊ុយធុនធំបើកបរពីជើងទៅត្បូងលុះដល់ចំណុចត្រង់ចំណុចភូមិភ្នំតូចត្បូងឃុំភ្នំតូចស្រុក បុកម៉ូតូពីក្រោយ ខ្ទាតទៅម្ខាងថ្នល់ បណ្តាលអោយក្មេងម្នាក់ស្លាប់ភ្លាមៗមួយរំពេច។
លោក អ៊ុំ សុផល អធិការស្រុកមង្គលបូរីប្រាប់ថា: រថយន្តបង្ករ១គ្រឿង ម៉ាកអ៊ីស៊ុយស៊ុយធុនធំ(បែនដឹកដី)ព៌ណទឹកប្រាក់ស្លាកលេខភ្នំពេញ3A.1507បើកបរដោយឈ្មោះទុយ ធីភេទប្រុសអាយុ30ឆ្នាំភូមិបឹងត្រស់ឃុំភ្នំតូចស្រុកមង្គលបូរី (រត់គេចខ្លួនបាត់)បើកបរពីជើងទៅត្បូងលុះដល់ចំណុចកើតហេតុបានបុកម៉ូតូពីក្រោយ ម៉ូតូនោះម៉ាកហុងដាវ៉េវសេ110ឆ្នាំ2001ព៌ណក្រហមស្លាកលេខភ្នំពេញ1F.9829បើកបរដោយឈ្មោះ ហូយ ហួ ភេទស្រីអាយុ40 ឆ្នាំភូមិព្រៃចង្ហាលិចឃុំបន្ទាយនាងស្រុកមង្គលបូរីឌុបកូនស្រី2នាក់,1.ឈ្មោះរ៉ា វីរីយ៉ាអាយុ10ឆ្នាំ និង 2. ឈ្មោះរ៉ា ហេងហ្វា អាយុ2ឆ្នាំ ។
ក្នុងគ្រោះថ្នាក់នេះបណ្ដាលអោយកុម៉ារឈ្មោះ រ៉ា វីរីយ៉ា ស្លាប់នៅនឹងកន្លែងកើតហេតុ,ឈ្មោះហូយ ហួ របួស ស្រាល,ឈ្មោះ រ៉ា ហេងហ្វា គ្មានរងរបួស ។ ចំណែករថយន្តខូចខាតស្រាល,ម៉ូតូខូចខាតធ្ងន់យកមករក្សារទុកនៅអធិការនគរបាលស្រុកមង្គលបូរី ៕
