ភ្នំពេញ៖ បុរសតែងខ្លួនជាស្រី ឬភេទទី៣ម្នាក់ បានចូលបន្លំលួចទំនិញក្នុងផ្សារទំនេីប “Kiwi Mart” ត្រូវបុគ្គលិកនិងសន្តិសុខនាំគ្នាចាប់បាន និងឆែករកឃេីញសម្ភារៈសម្រាប់ប្រេីប្រាស់គ្រឿងញៀនមួយចំនួនទៀត រួចប្រគល់ឲ្យសមត្ថកិច្ចប៉ុស្តិ៍ផ្សារថ្មីទី៣ យកទៅសាកសួរ ។
ហេតុការណ៍នេះបានកេីតឡេីងនៅវេលាម៉ោង០២:៣០នាទីយប់រំលងអាធ្រាត្រ ឈានចូលថ្ងៃទី១៦ ខែកុម្ភៈ ឆ្នាំ២០២១នេះ នៅចំណុចក្នុងផ្សារទំនេីប “Kiwi Mart” ស្ថិតតាមបណ្ដោយផ្លូវ៥១ កែងផ្លូវ១៧៤ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ។
ចំពោះករណីខាងលេី ពេលដែលបុគ្គលិកហាងនិងសន្តិសុខប្រគល់ឲ្យសមត្ថកិច្ច គឺមិនបានដាក់ពាក្យបណ្ដឹងអ្វីទេ គ្រាន់តែឲ្យសមត្ថកិច្ចធ្វេីកិច្ចសន្យាអប់រំណែនាំ បេីសិនជាមានលេីកក្រោយទៀតសមត្ថកិច្ចនិងឃាត់ខ្លួនចាត់ការតាមផ្លូវច្បាប់តែម្ដង ៕ ដោយ ៖ ភារ៉ា និងប៊ុនធី
