ក្លិបបាល់ទាត់ Lazio ត្រូវបានគេរាយការណ៍ថា កំពុងតែចរចារគ្នាជាមួយក្លិប Tottenham Hotspur លើការផ្ទេរខ្សែការពារគឺកីឡាករ Younes Kaboul ។
បញ្ហារបួសជង្គង់បានធ្វើឲ្យ Kaboul មិនសូវជាបានចូលលេងទេឲ្យក្លិប Spurs បន្ទាប់ពីកីឡាកររូបនេះបានផ្លាស់ ពីក្លិប Portsmouth ក្នុងឆ្នាំ ២០១០ ហើយក្លិប Spurs ត្រូវបានគេជឿថា កំពុងតែត្រៀមលក់ចេញខ្សែការពារ វ័យ២៨ឆ្នាំរូបនេះ ។
យោងតាមសារព័ត៌មានកីឡាក្នុងប្រទេសអង់គ្លេសបានចុះផ្សាយថា ក្លិបបាល់ទាត់ក្នុងក្របខណ្ឌអ៊ីតាលី Serie A គឺ Lazio កំពុងតែគ្រោងដាក់សំណើរប្រមាណ៤.៨លានផោនដើម្បីនាំយក Kaboul ។
ទោះបីជាយ៉ាងណាក៏ដោយ Spurs អាចនឹងពិចារណាលើការលក់ Kaboul បើសិនណាជា Lazio ហ៊ាន ចំណាយប្រាក់ចំនួន៦លានផោន ៕
