ពោធិសាត់៖ ថ្ងៃទី០៤ ខែ សីហា ឆ្នាំ២០១៤ ថ្ងៃទី០៤ ខែសីហា ឆ្នាំ ២០១៤ នៅសាលាខេត្តពោធិសាត់ បានរៀបចំកិច្ចប្រជុំផ្សព្វផ្សាយលិខិតលេខ១០៤៤សជណរបស់ទីស្តីការគណរដ្ឋមន្ត្រីអំពីលទ្ធផលនៃកិច្ចប្រជុំស្តីពលទ្ធផលនិងបញ្ហាតំបន់៣ជុំវិញបឹងទន្លេសាបខេត្តកំពង់ធំក្រោមធធិបតី
ភាពឯកឧត្តមទេសរដ្ឋមន្ត្រីចន្ទ័សារុនអនុប្រធានក្រុមប្រឹក្សាស្តារនិងអភិវឌ្ឍន៏វិសយ័កសិកម្មនិងអភិវឌ្ឍន៏ជនបទ ។
ឯកឧត្តមបណ្ឌិតចន្ទ័សារុនបានថ្លែងនូវអំណរគុណយ៉ាងជ្រាលជ្រៅជូនចំពោះឯកឧត្តមអភិបាលខេត្តពោធិសាត់ដែលបានធ្វើរបាយការណ៏យ៉ាងក្បោះក្បាយជូនអង្គប្រជុំ។ ឯកឧត្តម ចន្ទ័ សារុនបានមានប្រសាសន៏ថានៅក្នុង៧ចំនុច នៃ សេចក្តីជូនដំណឹងចំនុចទី១ អស់លោកមេឃុំ
ដែលមានប្រជាពលរដ្ឋធ្វើស្រែនៅក្នុងតំបន់៣ប្រការដែលត្រូវចងចាំបានអនុញ្ញាត្តិឲ្យធ្វើតែមិនជាដីកម្មសិទ្ធនោះទេប៉ុន្តែប្រជាពលរដ្ឋមានសិទ្ធិអាស្រយ័ផលតែមិនបានចេញប្លង់កម្មសិទ្ធិជូនទេដែលអាជ្ញាធរនិងអាចឃ្វាលជូនបានតែមិនមានសិទ្ធិក្នុងការចាត់ចែងនោះទេ។ចំនុចទី២រាល់ការស្នើសុំដីឬឃ្វៀលដីជូនប្រជាពលរដ្ឋត្រូវមានផែនទីបញ្ជាក់ទីតាំងនិងនិយាមកាមច្បាស់លាស់ ។ចំនុចទី៣សូមឲ្យអនុវត្តឲ្យបានម៉ាំងម៉ាត់នូវចំណាររបស់សម្តេចតេជោនាយករដ្ឋមន្ត្រីចុះថ្ងៃទី ១៦ខែ មិនាឆ្នាំ២០១២លើសំណើរបស់ក្រសួងធនធានទឹកនិងឧតុនិយមចុះថ្ងៃទី៩ខែមិនាឆ្នាំ២០១២ក្នុងការបែងចែកដីធ្លីជូនប្រជាជន ចំនួន ៤០០៤ គ្រួសារ នៅក្នុងទាំង៦ឃុំក្នុងស្រុក ស្ទោងខេត្តកំពង់ធំ ។
ចំនុចទី៤ដែលមានការទាក់ទងនិងខេត្តពោធិ៍សាត់ដីទាំងអស់នៅក្នុងតំបន់៣ កន្លងមកមានវិនិយោគបានសុំទិញដីពីប្រជាពលរដ្ឋដែលធ្វើស្រែក្នុងតំបន់មកធ្វើអាជីវកម្មមិនអនុញ្ញាត្តិចំពោះបណ្តាខេត្តដែលនៅជាប់បឹងទន្លេសាប។ចំនុចទី៥បានប្រគល់ឲ្យសមត្ថកិច្ចធនធានទឹកអាជ្ញាធរទន្លេសាប និងសមាសភាពពីក្រសួងពាក់ពន្ធ័សហការជាមួយក្រុមការងារថ្នាក់ជាតិចុះជួយខេត្ត និង គណបញ្ជាការឯកភាពខេត្តចុះសិក្សាឲ្យបានម៉ត់ចត់និងការបែងចែកដីអាស្រយ័ផល ក្នុងតំបន់៣ ។
ចំនុចទី៦ដីក្នុងតំបន់២អាចធ្វើស្រែបង្កបង្កើនផលបានតែបើមានព្រៃលិចទឹកប្រជាពលរដ្ឋត្រូវហាមកាប់តែត្រូវរក្សាទុកដោយមិនបណ្តែតឲ្យកាប់ឆ្ការយកដីនេះបន្តទៀតនោះទេ។ចំនុចទី៧ គឺជាបញ្ជាទៅឲ្យក្រសួងធនធានទឹក រៀបចំបោះបង្គោលឲ្យបានញឹកបន្តិច ដោយឃ្លាតពីបង្គោលមួយទៅបង្គោលមួយប្រវែង៥០០ម៉ែត្រ ដើម្បីឲ្យប្រជាពលរដ្ឋយើងបានយល់អំពីតំបន់៣ និងតំបន់២ ។