បារាំង ៖ ខ្សែការពារ David Luiz ដែលមានតម្លៃខ្លួនខ្ពស់បំផុត រហូតដល់ទៅ ៥០ លានផោន ប្រហែល ៨៤ លានដុល្លារ ត្រូវបាន ក្លិប PSG ទិញ ពីតោខៀវ មុនការប្រកួត World Cup 2014 នៅប្រេស៊ីល។
David Luiz ដែលជួបរឿងអាក្រក់បំផុត នៅវគ្គពាក់កណ្តាលផ្តាច់ព្រ័ត្រ ខណៈដែលខ្លួនជួបអាល្លឺម៉ង់ ដោយលុត ៧ – ១ វាជារឿងអាម៉ាសបំផុត ក្នុងប្រវត្តិបាល់ទាត់ប្រេស៊ីល ។ តែទោះជាយ៉ាងណា កីឡាកររូបនេះ សង្ឈឹមថា ខ្លួនអាចនឹងធ្វើឲ្យល្អប្រសើរ នៅ PSG ដោយជួយដល់ Les Parisiens ដែលប្រឈមបញ្ហាខាងមុខ ។
កីឡាករវ័យ ២៧ ឆ្នាំរូបនេះ បាននិយាយថា ” រឿង អាម៉ាសរបស់ប្រេស៊ីល ខ្លួនមិនអាចភ្លេចនោះទេ ក៏ប៉ុន្តែ ពេលនេះ អ្វីដែលខ្លួនត្រូវធ្វើគឺ ជួយដល់ PSG មួយទំហឹង ។ ខ្ញុំពិតជាសប្បាយរីករាយខ្លាំងណាស់ ដោយមើលទៅ ដូចជាមាន ឯកសិទ្ធខ្លាំងណាស់ ជាមួយនឹងក្លិបដ៏ធំនេះ ដោយសង្ឈឹមថានឹងឈ្នះពាន Champions League ទៀតផង” ។
