ភ្នំពេញ ៖ នារីម្នាក់ជិះម៉ូតូចេញពីរៀនក៏ត្រូវក្រុមចោរមួយក្រុមស្ទាក់ផ្លូវប្លន់យកម៉ូតូម៉ាក ស៊ុយស៊ូគីនិច មួយគ្រឿងបានសម្រេចនិងជិះគេចខ្លួនដោយសុវត្ថិភាព ។ ហេតុការណ៍នេះកើតឡើងកាលពីវេលាម៉ោង៨ និង៤០នាទីយប់ ថ្ងៃទី ៧ សីហា ២០១៤ នៅចំណុចផ្លូវ៥៣ BT ស្ថិតក្នុងភូមិបឹងទពុន
ខណ្ឌមានជ័យ ។នារីរងគ្រោះមានឈ្មោះ រស្មី អាយុ២១ឆ្នាំ ជានិស្សិត ស្នាក់នៅក្នុងភូមិបបឹងទំពុន ខណ្ឌមានជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ នារីរងគ្រោះបានចេញពីរៀនដោយជិះម៉ូតូម៉ាកស៊ុយស៊ូគីនិច ស៊េរីឆ្នាំ ២០១៤ ពណ៌ស ពាក់ស្លាកលេខភ្នំពេញ1TG-1934 មកដល់ចំណុចកើតហេតុក៏មានក្រុមចោរមួយក្រុមមានគ្នាបីនាក់ បានស្ទាក់ផ្លូវនិងធ្វើសកម្មភាពប្លន់ ដោយជនសង្ស័យបានយកកាំភ្លើង មួយដើមភ្ជង់នារីរងគ្រោះឱ្យចុះពីលើម៉ូតូ និងវាយទៅលើនារីរងគ្រោះនិងដំបងហើយនាំគ្នាឡើងជិះម៉ូតូជនរងគ្រោះគេចខ្លួនដោយសុវត្ថិភាព។
ក្រោយពេលកើតហេតុនារីរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលបឹងទំពុន៕