ខេត្តព្រះសីហនុ លោកវរសេនីយ៌ឯក សាន់ ប៊ុនថន ស្នងការរងទទួលបន្ទុកប្រធានការិយាល័យកណ្តាលប្រឆាំងបទល្មើសនៃស្នងការដ្ឋាននគរបាលខេត្តព្រះសីហនុ មានប្រសាសន៌ឲ្យដឹងថា ក្នុងឆមាសទី១ដើមឆ្នាំ២០១៤នេះ មន្ត្រីជំនាញការិយាល័យប្រឆាំងគ្រឿងញៀនបានធ្វើការបង្ក្រាបបទល្មើសគ្រឿងញៀនបានចំនួន ១៥លើក ឃាត់ខ្លួន ២៤មុខសញ្ញា លើ០៦លើក បើប្រៀបធៀបឆមាសទី១ ឆ្នាំ២០១៣ មានការកើនឡើងចំនួន ០៩លើក ។ លោកស្នងការរងបានឲ្យដឹងទៀតថា សមត្ថកិច្ចបានធ្វើការស្រាវជ្រាវបង្ក្រាបករណីចំនួន ១០លើក ឃាត់ខ្លួនជនសង្ស័យបានចំនួន ១៥មុខសញ្ញា ស្រី០១ មុខសញ្ញាជា (ខ្មែរ) ក្នុងនោះករណីកាន់កាប់រក្សាទុកគ្រឿងញៀនដោយខុសច្បាប់ចំនួន ០៦លើក ឃាត់ខ្លួន ០៦មុខសញ្ញា ករណីប្រើប្រាស់គ្រឿងញៀនចំនួន ០២លើក ឃាត់ខ្លួន ០៩មុខសញ្ញា ស្រី ០១មុខសញ្ញា(ខ្មែរ) បង្ក្រាបអាជីវកម្ម លក់ស៊ីហ្សា SISHA និងបារីអេឡិចត្រូនិកចំនួន០២លើក ឃាត់ខ្លួន ០៤មុខសញ្ញា ។
លោកវរសេនីយ៌ឯក សាន់ ប៊ុនថន បានអោយដឹងបន្ថែមទៀតថា កម្លាំងជំនាញនគរបាលការិយាល័យប្រឆាំងគ្រឿងញៀនបានសហការបង្ក្រាបបានចំនួន ០៥លើក ឃាត់ខ្លួន ០៩មុខសញ្ញា ក្នុងនោះករណីកាន់កាប់រក្សាទុកគ្រឿងញៀនដោយខុសច្បាប់ចំនួន០៣លើក ឃាត់ខ្លួន ០៣មុខសញ្ញា ស្រី ០១មុខសញ្ញា (ឃុំអូរត្រេះ ស្រុកស្ទឹងហាវ ០១ករណី ឃាត់ខ្លួន ០១មុខសញ្ញា ស្រី) (ភូមិ២ សង្កាត់លេខ២ ចំនួន០១លើក ឃាត់ខ្លួន ០១មុខសញ្ញា) (ភូមិ៣ សង្កាត់លេខ៣ ចំនួន ០១លើក ឃាត់ខ្លួន ០១មុខសញ្ញា) ។ ករណីដាំដុះដំណាំកញ្ឆាចំនួន ០១លើក ឃាត់ខ្លួន ០១មុខសញ្ញា បានធ្វើការអប់រំធ្វើកិច្ចសន្យានៅឃុំទឹកថ្លា ស្រុកព្រៃនប់ ។ ករណីប្រើប្រាស់គ្រឿងញៀន ០១លើក ឃាត់ខ្លួន ០៥មុខសញ្ញា ឃុំទឹកថ្លា ស្រុកព្រៃនប់ ។ វត្ថុតាងដែលមន្ត្រីជំនាញធ្វើការចាប់យកមកបានរួមមាន ថ្នាំញៀនមេតំហ្វេតាមីន Ice ទឹកកកចំនួន ០៤កញ្ចប់ធំ និង៧៧កញ្ចប់តូច មានទម្ងន់ស្មើ ៣៥.៧ក្រាម ។
ថ្នាំញៀនមេតំហ្វេតាមីន WY ចំនួន ៨៥គ្រាប់ ។កញ្ឆាក្រៀមចំនួន ០៧កញ្ចប់ មានទម្ងន់ស្មើ ៣១៤.២ក្រាម ។ ដើមកញ្ឆាស្រស់ចំនួន ០៣ដើម។ ម៉ូតូ ០៣គ្រឿង ទូរសព្ទ័ដៃចំនួន ០៨គ្រឿង បំពង់ សំរាប់ជក់ថ្នាំចំនួន ០១ ។ ការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តព្រះសីហនុបានសហការជាមួយមន្ទីរអប់រំ បានធ្វើការផ្សព្វផ្សាយផលប៉ះពាល់ដោយសារគ្រឿងញៀនដល់សិស្សានុសិស្សនៅសាលាវិទ្យាល័យស្រុកព្រៃនប់ ចំនួន ២០០នាក់ ស្រី ចំនួន ៨៥នាក់ បុគ្គលិកសិក្សាចំនួន ១៦នាក់ ស្រី ០៥នាក់ ។ យើងនឹងមានគម្រោងធ្វើការផ្សព្វផ្សាយបន្តទៀតដល់សិស្សានុសិស្ស និងប្រជាពលរដ្ឋឲ្យចាកឆ្ងាយពីគ្រឿងញៀន ព្រោះគ្រឿងញៀនបង្កគំរាមកំហែង ចូលរួមត្រួតពិនិត្យ និងទប់ស្កាត់បទល្មើសគ្រឿងញៀនឥតឈប់ឈរចាប់ពីថ្នាក់មូលដ្ឋាន ឃុំ សង្កាត់ ស្រុក ខណ្ឌ រួមចំណែកយ៉ាងធំធេងជាមួយរាជរដ្ឋាភិបាលកម្ពុជា ក្នុងការជំរុញនិងអនុវត្តគោលនយោបាយភូមិ ឃុំ សុវត្ថិភាព កសាងបាននូវសុខសន្តិភាព និងការអភិវឌ្ឍន៌សេដ្ឋកិច្ចសង្គម ពិសេសការថែរក្សាសន្តិសុខ និងស្ថេរភាពការអភិវឌ្ឍន៌ក្នុងមូលដ្ឋាន ៕ 
