ខ្សែបម្រើស្លាបក្លិបអ្នកមានបុណ្យ Barcelona (បាសេឡូណា) គឺកីឡាករ Ibrahim Afellay (អ៊ីប្រាហ៊ីម អាហ្វេឡាយ) បានឈានដល់កិច្ចព្រមព្រៀងផ្លាស់ទៅកាន់ក្លិប Olympiacos (អូឡាំព្យ៉ាកូស) របស់ក្រិក ជាលក្ខណៈខ្ចីជើង ។ កីឡាករសញ្ជាតិហូឡង់វ័យ២៨ឆ្នាំរូបនេះបានចូលលេងនៅទឹកដី Camp Nou (ខេមនូ) ក្នុងឆ្នាំ ២០១១ ប៉ុន្តែដោយសារតែបញ្ហារបួសរាំរ៉ៃបានធ្វើឲ្យរូបគេបង្ហាញខ្លួនបានតែ៣៥ប្រកួតប៉ុណ្ណោះឲ្យក្លិប Barcelona ចាប់តាំងពីពេលនោះមក ។
នៅពេលនេះ Afellay (អាហ្វេឡាយ) បានសម្រេចចិត្តផ្លាស់ទៅលេងនៅក្លិប Olympiacos (អូឡាំព្យ៉ាកូស) ក្នុងលក្ខណៈខ្ចីជើងហើយក្លិបនេះអាចនឹងទិញយករូបគេបើសិនជាទម្រង់លេងរបស់ Afellay (អាហ្វេឡាយ) មានការរីកចម្រើន ។ គួរបញ្ជាក់ថា នេះជាលើកទី២ហើយដែល Afellay (អាហ្វេឡាយ) ត្រូវបានក្លិបផ្សេងខ្ចីជើងដោយកាលពី រដូវកាលឆ្នាំ ២០១២-២០១៣ រូបគេក៏ត្រូវបានក្លិប Schalke (ស្កាល់) របស់អាល្លឺម៉ង់ខ្ចីជើងផងដែរ ៕