សៀមរាប៖បងប្អូនប្រជាពលរដ្ឋចំនួន១២៨៦នាក់ដែលរស់នៅក្នុងឃុំស្វាយស ស្រុកវ៉ារិនខេត្តសៀមរាប កាលពីព្រឹកថ្ងៃទី២១ខែកុម្ភះឆ្នាំ២០១៤កន្លងទៅនេះ បានចូលរួមក្នុងពិធីបើកវេទិកាសាធារណៈស្តីពីការអនុវត្តគោលនយោបាយភូមិឃុំមានសុវត្ថិភាពនិងពិធីចែកអត្តសញ្ញាណប័ណ្ណសញ្ជាតិខ្មែរជូនដល់បងប្អូនប្រជាពលរដ្ឋទាំង១២៨៦នាក់ផងដែរ។
ដោយពិធីនេះប្រព្រឹត្តទៅក្រោមអធិបតីភាព លោកស្រី យ៉ុង ផារី អភិបាលរងស្រុកវ៉ារិន លោកវរសេនីយ៍ត្រី ណុប សារ៉ាក់ អធិការនគរបាលស្រុក និងមានការចូលរួមពីសំណាក់អស់លោក លោកស្រី តំណាងមន្ទីរអង្គភាពស្ថាប័នអាជា្ញធរមូលដ្ឋាន ក៏ដូចជានគរបាលជំនាញដែលពាក់ព័ន្ឋក្នុងការ អនុវត្តគោលនយោបាយភូមិឃុំមានសុវត្ថិភាពបានចូលរួម យ៉ាងច្រើនផងដែរ។
ដោយកម្មវិធីនេះបានប្រារព្វធ្វើឡើងគឺក្នុងគោលបំណងដើម្បីឲ្យបងប្អូនទាំងអស់បានយល់ដឹងកាន់តែច្បាស់បន្ថែមទៀតក្នុងការចូលរួមអនុវត្តគោលនយោបាយភូមិឃុំមានសុវត្ថិភាពដែលមានលក្ខណ:សម្បត្តិទាំង៩យ៉ាងដើម្បីយើងរួមគ្នាពិភាក្សា រកគន្លឹះល្អៗយកទៅអនុវត្តបន្តក្នុងការបង្ការទប់ស្កាត់និងធ្វើការបង្ក្រាបឲ្យបាន ទាន់ពេលវេលានៅរាល់បទល្មើសទាំងឡាយណាដែលបំរ៉ុងនិងកើតមានឡើងនៅក្នុងមូលដ្ឋានរបស់បងប្អូនដើម្បីយើងធានាបាននូវការកាត់បន្ថយបទល្មើសគ្រប់ប្រភេទដែលនៅសេសសល់បន្តិបន្តួចអោយអស់ពីភូមិឃុំរបស់យើង។
ក៏ដូចជាសូមឲ្យបងប្អូនប្រជាពលរដ្ឋទាំងអស់បន្តការចូលរួមសហការណ៍គ្នាបន្តទៀតជាមួយសមត្ថកិច្ចនិងអាជ្ងាធរមាន សមត្ថកិច្ច គ្រប់លំដាប់ថ្នាក់ក្នុងការផ្តល់ព៌តមានជូនដល់សមត្ថកិច្ចបន្តជំរុញលើចលនា ប្រជាការពារភូមិឃុំ ក៏ដូចជាសូមឲ្យបងប្អូនដែលមានមុខនៅទីនេះបន្តផ្សព្វផ្សាយគោល នយោបាយភូមិឃុំ មានសុវត្ថិភាពជូនដល់បងប្អូនប្រជាពលរដ្ឋ ផ្សេងទៀត ដែលមិនទាន់ បាន យល់ជ្រាបច្បាស់ឲ្យពួកគាត់បានយល់ស៊ីជំរៅនិងគ្រប់រូបភាពសំដៅរួមការកាត់បន្ថយបាននូវបទល្មើស គ្រប់ ប្រភេទ រក្សាបាននូវសន្តិសុខសុវត្ថិភាពនិងសណ្តាប់ធ្នាប់សាធារណះឲ្យ បានកាន់តែល្អប្រសើរថ្វេរឡើង។
ស្របពេលដែលប្រទេសជាតិរបស់យើងកពុងតែមានភាពរីកចំរើនលើគ្រប់វិស័យដោយឥតឈប់ឈរក្រោមការដឹកនាំប្រទេសប្រកបដោយគិតិបណ្ឌិតដ៏ខ្ពង់ខ្ពស់ពីសំណាក់សម្តេច អគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។បន្តមកគណ:អធិបតីក៏បានធ្វើការចែកជូននៅអត្តសញ្ញាណប័ណ្ណសញ្ជាតិខ្មែរជូនដល់បងប្អូនប្រជាពលរដ្ឋចំនួន១២៨៦នាក់ផងដែរដោយគណ:អធិបតីទាំងអស់ក៏បានធ្វើការផ្តាំផ្ញើរដល់បងប្អូនបន្ទាប់ពីទទួលបាននៅអត្តសញ្ញាណប័ណ្ណនេះហើយត្រូវយកទៅប្រើប្រាស់ឲ្យបានល្អកុំឲ្យមានការខូចខាតឫក៏បាត់បង់ព្រោះអត្តសញ្ញាណប័ណ្ណនេះវាមានតំម្លៃណាស់សម្រាប់បងប្អូនយកទៅប្រើការក្នុងករណីចាំបាច់ផងដែរ៕
ដោយ លោក ខេង ខេមរា