ព្រំដែនកម្ពុជា-ថៃ: កម្មករខ្មែរដែលថៃចាប់ ១៦នាក់ករណីចោទប្រកាន់បំពាននាំទំនិញគីបបន្លំខោអាវថ្មីចូលថៃត្រូវដោះលែងហើយពីពន្ធនាគារខេត្តស្រះកែវ ហើយបញ្ជូនមកដល់ព្រំដែននិងទទួលនៅប៉ុស្តិ៍នគរបាលច្រកទ្វារអន្តរជាតិប៉ោយប៉ែតនៅម៉ោង៧យប់ថ្ងៃទី ១៨ សីហាឆ្នាំ២០១៤។ 
លោក អាន វណ្ណះ ប្រធានទីស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតនិងលោកនេត្រ សេរី អគ្គកុងស៊ុលកម្ពុជាប្រចាំខេត្តស្រះកែវអោយដឹងនៅយប់ថ្ងៃទី១៨សីហាថា:និតិវិធីបែបបទនៅតុលាកាតខេត្តស្រះកែវដោះលែងកម្មករខ្មែរបានធ្វើរួចនៅព្រលប់ ហើយត្រូវចំណាយពេលដឹកជញ្ជូនដល់ព្រំដែន រូចធ្វើពិធីទទួលមួយនៅប៉ុស្តិ៍នគរបាលច្រកទ្វារអន្តរជាតិប៉ោយប៉ែត។ 
នៅទីនោះមានការចូលរួមស្វាគមន៍និងសាទរនូវការមានឥស្សរភាពឡើងវិញរបស់កម្មករខ្មែរទាំងនោះដោយ លោក នេត្រ សេរីអគ្គកុងស៊ុលកម្ពុជាប្រចាំខេត្តស្រះកែវប្រទេសថៃ,លោកវរសេនីយ៍ស៊ឹម សំអាត នាយប៉ុស្តិនគរបាលច្រកទ្វារអន្តរជាតិប៉ោយប៉ែត,លោក អាន វណ្ណះប្រធានទីស្នាក់ការត្រួតពិនិត្យច្រកទ្វារអន្តរជាតិប៉ោយប៉ែត,លោក ង៉ោ ម៉េងជ្រួន អភិបាលក្រុងប៉ោយប៉ែតនិងមន្ត្រីព្រមទាំងអ្នកសាព័ត៌មានជាច្រើននាក់។ 
កម្មករខ្មែរចំនួន16 នាក់មានឈ្មោះដូចខាងក្រោម:1/គង់. ពៅ. ប្រុស2/កុច. សំបូ. ប្រុស3/កុច. វិបុលប្រុស4/. អា. ឌី. ប្រុស5/. ធា. សារ៉ាត់. ប្រុស6/. សាយ. សុខ ចំរើន. ប្រុស7/. ហេង ប៊ុនឡេង. ប្រុស8/. អ៊ុន.ចយ. ប្រុស 9/. ចយ. ចំរើន. ប្រុស10/. តា. យួន. ប្រុស11/. ថោន. ចាន់ ួន ន. ប្រុស12/. យាយ. មៅ៉. ស្រី13/. នាង. ផុន. ស្រី 14/អា. មីត. ប្រុស15 អា. ខ្លា. ប្រុស16. យាយ. ហុប. ស្រី។ ក្រៅសួរសុខទុក្ខ ផ្តល់កម្លាំងចិត្ត ក៏មានផ្តល់អំណោយរបស់អគ្គនាយកដ្ឋានអន្តោប្រវេសន៍សម្រាប់កំដរដៃតិចតួចដល់កម្មករទាំងនោះរួមមាន ម្នាក់ៗបាន ថវិកា ៣ម៉ឺនរៀល នំប័ុង១ដើមនិងភេសជ្ជ:៕ ដោយ:ឃិន គន្ធា
