ខេត្តព្រះសីហនុ លោក យូ ដាណាង ប្រធានការិយាល័យដឹកជញ្ជូន នៃមន្ទីរសាធារណះការណ៌ខេត្តព្រះសីហនុបានអោយដឹងថា ចាប់ពីឆ្នាំ២០០៦ មកដល់ខែមិថុនា ឆ្នាំ២០១៤នេះ មន្ទីរសាធារណះការណ៌ខេត្តព្រះសីហនុ បានចេញបណ្ណស្លាកលេខម៉ូតូបានចំនួន ៣៨.៨៥៣គ្រឿង និងរថយន្តគ្រប់ប្រភេទចំនួន ៣.២១៩គ្រឿង បានមកធ្វើស្លាកលេខ ។ លោកប្រធានការិយាល័យដឹកជញ្ជូនបានអោយដឹងទៀតថា គិតចាប់ពីថ្ងៃទី០៦ ខែមិថុនា
ឆ្នាំ២០១៣ រហូតមកដល់ថ្ងៃទី ២៤ធ្នូ ឆ្នាំ២០១៣ មានរថយន្តចំនួន ៣.៨១២គ្រឿងបានចូលមកឈៀកនៅមន្ទីរសាធារណះការណ៌ខេត្ត ដោយឡែករយះពេល ៧ខែដើមឆ្នាំ២០១៤នេះ ក៌មានរថយន្តចំនួន ៥.២៩៩គ្រឿង ចូលមកធ្វើឈៀកនៅមន្ទីរសាធារណះការខេត្តព្រះសីហនុ មានការកើនឡើងជាងឆ្នាំ២០១៣ ដោយសារម្ចាស់យានយន្តមានការយល់ដឹងកាន់តែច្បាស់អំពីសុវត្ថិភាពក្នុងការបើកបរ ទើបនាំគ្នាយករថយន្តមកឈៀកកាន់តែច្រើនឡើង នេះដោយសារការយកចិត្តទុកដាក់ពីមន្ត្រីក្នុងការបំរើសេវាកម្មជូនអតិថិជនបានលឿន ។ 
លោកបានបន្តទៀតថា ដោយសារកាធ្វើប្រតិភូកម្មរបស់ក្រសួងមហាផ្ទៃ បើកច្រកចេញចូលតែមួយនៅតាមក្រុង ស្រុក ប្រជាពលរដ្ឋទៅទទួលសេវានៅច្រកចេញចូលតែមួយ តាមក្រុង ស្រុកកាន់តែច្រើនឡើង ។ ក្នុងឆ្នាំ២០១៣ ការិយាល័យដឹកជញ្ជូនបានធ្វើស្លាក លេខម៉ូតូជូនអតិថិជនបានចំនួន ១.២៤៥គ្រឿង និងក្នុងឆមាសទី១ដើមឆ្នាំ២០១៤នេះ ការិយាល័យដឹកជញ្ជូនបានធ្វើស្លាកលេខម៉ូតូជូនអតិថិជនបានចំនួន ៤៩៧គ្រឿង និងមានការថយចុះ ៣០% ការថយចុះដោយសារតែក្រសួងមហាផ្ទៃធ្វើប្រតិភូកម្មបង្កើតច្រកចេញ ចូលនៅតាមស្រុក ក្រុង០៣ នៃខេត្តព្រះសីហនុ ។
លោក យូ ដាណាង បានបញ្ជាក់ថា បច្ចុប្បន្នមន្ត្រីរបស់យើងបានចុះទៅធ្វើការសហការជាមួយមន្ត្រីជំនាញពិនិត្យជាប្រចាំនូវលក្ខណះបច្ចេកទេសយានយន្តគ្រប់ប្រភេទ ជាពិសេសរថយន្តធុនធំដឹកកុងតឺន័រ នៅតាមចំណុចគោលដៅមានដូចជា កំពង់ផែអន្តរជាតិក្រុងព្រះសីហនុ ផែគមនាគមន៌ទំនប់រលក ក្នុងសង្កាត់លេខ១ និងចំណុចឃ្លាំងលើ ។ ចាប់ពីថ្ងៃទី២០ ខែធ្នូ ឆ្នាំ២០១២ រហូតដល់ថ្ងៃទី២៥ ខែធ្នូឆ្នាំ២០១៣ការពិនិត្យបច្ចេកទេសយានយន្តបានចំនួន ២.៨០០គ្រឿង ។
ក្នុងឆ្នាំ២០១៤ គិតមកដល់ថ្ងៃទី៣០ ខែមិថុនា ឆ្នាំ២០១៤ ការពិនិត្យបច្ចេកទេសយានយន្តបានចំនួន ១.២១៧គ្រឿង ដោយសារបច្ចុប្បន្នម្ចាស់រថយន្តកាន់តែមានការយល់ដឹង ចូលរួមគោរពនូវលក្ខណបច្ចេកទេសបានល្អ និងមានបណ្ណ័បើកបរត្រឹមត្រូវតាមកំរិតនៃការបើកបរ ក៌ប៉ុន្តែនៅមានរថយន្តតិចតួចប៉ុណ្ណោះនៅមិនទាន់បានធ្វើការកែលំអរ នូវលក្ខណះបច្ចេកទេស យើងនឹងធ្វើការអប់រំពួកគាត់បន្ថែមទៀត ប្រសិនម្ចាស់នៅមិនគោរពតាមផ្លូវច្បាប់យើងនឹងធ្វើការផាកពិន័យ ដើម្បីកាត់បន្ថយនូវគ្រោះថ្នាក់ចរាចរណ៌នៅលើដងផ្លូវសាធារណះ ដែលបង្កអោយខូចខាតទ្រព្យសម្បត្តិសាធារណះ ក៌ដូចជាទ្រព្យសម្បត្តិឯកជន ជាពិសេសការបង្ករគ្រោះថ្នាក់បណ្តាលឲ្យបាត់បតង់ជីវិតមនុស្សដែលធ្វើដំណើរតាមដងផ្លូវ សាធារណះ៕
