ភ្នំពេញ៖ សាលាក្រុងភ្នំពេញ និងអង្គការJICA បានសហការគ្នា ជំរុញឲ្យមានគម្រោង រៀបចំផែនការកាត់បន្ថយការកក់ស្ទះចរាចរណ៍ឲ្យមានភាពប្រសើរឡើងចាប់ពីឆ្នាំ២០២០ទៅ ជាមួយនឹងមធ្យោបាយដឹកជញ្ជូនសាធារណៈតាមរយៈសេវាកម្មរថភ្លើង។ លោក ម៉ាសាតូ កូតូ អ្នកសម្របសម្រួលគម្រោងរបស់អង្គការJICAប្រចាំកម្ពុជា បានលើកឡើងនៅក្នុងកិច្ចប្រជុំបញ្ចប់គម្រោងផែនការមេដឹកជញ្ជូន ក្នុងរាជធានីភ្នំពេញកាលពីព្រឹកថ្ងៃទី១៩ ខែសីហា ឆ្នាំ២០១៤ នៅសាលារាជធានីភ្នំពេញថា៖ បន្ទាប់ពីមធ្យោបាយដឹកជញ្ជូនសាធារណៈ តាមរយៈរថយន្តក្រុង ដើម្បីរួមចំណែកកាត់បន្ថយបញ្ហាកកស្ទះចរារណ៍ក្នុងរាជធានីភ្នំពេញនោះចាប់ពីឆ្នាំ២០២០ទៅ រាជធានីភ្នំពេញត្រូវតែមានមធ្យោបាយរថភ្លើងបន្ថែមទៀតដើម្បីបំពេញទៅ នឹងកំណើនប្រជាពលរដ្ឋនិងយានយន្ត។
លោកបន្តថា ផែនការនេះ ត្រូវតែសម្រេចឲ្យបានឆាប់ក្នុងរង្វង់ចុងឆ្នាំ២០១៤នេះដើម្បីអាចចេញដំណើរស្ថាបនាឲ្យបាននៅឆ្នាំក្រោយ ស្របពេលដែលនៅឆ្នាំ២០២០នៅសល់តែ៥ឆ្នាំទៀតប៉ុណ្ណោះ ដោយផ្លូវទាំងអស់ក្នុងរាជធានីភ្នំពេញ មិនអាចពង្រីកបាន តទៅទៀតឡើយ។ គម្រោងការនេះ ត្រូវបានបង្ហាញឡើងតាមគម្រោងសិក្សាផែនការមេលើការងារដឹកជញ្ជូនក្នុងរាជធានីភ្នំពេញរហូតដល់ឆ្នាំ២០៣៥ដែលចំនួនចរាចរណ៍ក្នុងមួយថ្ងៃៗអាចកើនឡើង រហូតដល់ជាង៧លានដំណើរ ស្របពេលដែលបច្ចុប្បន្នមានត្រឹមជាង៤លានដំណើរបានធ្វើឲ្យរាជធានីភ្នំពេញកំពុងជួបបញ្ហាប្រឈមនៃការកកស្ទះចរាចរណ៍កើតឡើងស្ទើរជាប្រចាំថ្ងៃ។
តំណាងអង្គការអង្គការចៃការបានបញ្ជាក់ទៀតថា គម្រោងសាងសង់សេវាកម្មរថភ្លើងសាធារណៈ នេះ នឹងត្រូវធ្វើឡើងនៅលើផ្លូវណាដែលមានភាពមមាញឹកខ្លាំងជាងគេ និងនៅលើផ្លូវមួយចំនួនទៀត ដែលជាផ្លូវក្រវ៉ាតទីក្រុង ដើម្បីបញ្ជៀសកុំឲ្យចរាចរណ៍ហូរចូលគំហុកក្នុងទីក្រុង។ តាមផែនការជាក់ស្តែងនៃជំរើសខ្សែរត់ទី១នឹងត្រូវស្ថាបនានៅតាមបណ្តោយផ្លូវសហពន្ធ័រុស្សី ចាប់ពីរង្វង់មូលចោមចៅដល់ភ្លើងស្តុបកាណាឌីយ៉ាមានប្រវែង១៤គីឡូម៉ែត្រ ដោយគ្រោងចំណាយទឹកប្រាក់សរុបចំនួន៧៥៩លានដុល្លារ។ ជម្រើសទី២ ពីរង្វង់មូលចោមចៅតាមមហាវិថីសហពន្ធ័រុស្ស៊ីដល់មុខព្រះលានយន្ត ហោះបត់ទៅជើងដល់ផ្លូវរថភ្លើង ហើយឆ្ពោះមកស្តុបការណាឌីយ៉ា ដែលមានប្រវែងសរុបជាង១៥គីឡូម៉ែត្រគ្រោងចំណាយថវិកាចំនួន៦៤៥លានដុល្លារ។ ចំណែកជម្រើសទី៣ ចេញពីមុខព្រលានយន្ត ហោះឡើងទៅលិចតាមមហាវិថីសហពន្ធ័រុស្ស៊ី កាត់តាមក្រោមដីនៃព្រលានយន្តហោះអន្តរជាតិ ភ្នំពេញដលើផ្លូវវែងស្រេង ហើយឆ្ពោះដំណើរទៅស្តុបអាងទឹកអូឡាំពិក មានប្រជាងជិត១៣គីឡូម៉ែត្រ គ្រោងចំណាយថវិកាចំនួន៥៨៦ដុល្លារ។
លោកបានអៈអាងថា ជម្រើសទាំង៣ខ្សែនេះ ជាផ្លូវអាទិភាព ដោយសម្រួលចរាចរណ៍ដល់ប្រជាពលរដ្ឋផង និងភ្ញៀវទេសចរណ៍ជាតិ អន្តរជាតិ ដែលឆ្លង កាត់ព្រលានយន្តហោះអន្តរជាតិភ្នំពេញផង ដែលបច្ចុប្បន្ន ពួកគេតែងតែមានភាពរអូរទាំនៅពេលឆ្លងកាត់ផ្លូវនេះ។ លោក សុជាតិវង្ស អភិបាលរាជធានីភ្នំពេញបានឯកភាពចំពោះប្លង់មេនេះ ដែលបានបំរើផលប្រយោជនដ៏ច្រើនដល់រាជធានីភ្នំពេញ ដើម្បីកាត់បន្ថយការកក់ស្ទះចរាចរណ៍ ប៉ុន្តែលោកបានបញ្ជាក់ថា ប្លង់មេនេះ សុំពិភាក្សាជាមួយមន្ទីរជំនាញឲ្យបានល្អិតល្អន់ជាមុនសិន មុននឹងបញ្ជូនទៅគណៈរដ្ឋមន្ត្រី ធ្វើការសម្រេច និងអនុមត័នៅក្នុងខែវិច្ឆិកាខាងមុខ។
លោកអភិបាល បានអៈអាង ជាមធ្យោបាយដោះស្រាយចំពោះមុខក្នុងស្រួលប្រពន្ធ័ចរាចរណ៍តាមមហាវិថីសហពន្ធ័រុស្ស៊ីនេះ ក្នុងរវង្វងចុងខែសីហាឬដើមខែកញ្ញាខាងមុខ នឹងបើកការដ្ឋាន ស្ថាបនាស្ពានអាកាស និងផ្លូវក្រោមដីមួយកន្លែងទៀតត្រង់ចំនុចភ្លើងស្តុបតិចណូ បន្ទាប់មកនឹងត្រូវ សាងសង់ស្ពានអាកាសបន្តទៀតនៅចំនុចភ្លើងស្តុបហាណូឬស្តុបផ្សារដីហុយ ក្រៅពីនេះ អាជ្ញាធរក៏ នឹងពុងរៀបចំបើកឲ្យមានចរាចរណ៍ទៅមកស្របតាមបណ្តោយ ផ្លូវរថភ្លើងផងដែរហើយបន្ទាប់ពី ដោះស្រាយផលប៉ៈពាល់ដល់ពលរដ្ឋដែលរស់នៅអមសាងខាងផ្លូវនេះរួច នឹងបង្កើតឲ្យក្លាយជាង ផ្លូវហាយវ៉េ ឬផ្លូវអាកាសអមសាងខាងផងដែរ។
សូមបញ្ជាក់ថា៖ មធ្យោបាយដោះស្រាយបញ្ហាកកស្ទះចរាចរណ៍ក្នុងរាជធានីភ្នំពេញតាមផែនការមេ ឆ្នាំ២០៣៥បានបង្ហាញថា ចាប់ពីឆ្នាំ២០១៦ទៅ នឹងបង្កើតឲ្យមានសេវាកម្មរថយន្តក្រុងចំនួន៥ខ្សែ ឆ្នាំ២០២០ មានសេវាកម្មរថយន្តក្រុងចំនួន១០ខ្សែ រួមជាមួយនឹងសេវារថភ្លើងសម្រាប់អ្នកធ្វើការ ឆ្នាំ២០២៥មានរថយន្តក្រុង រថភ្លើងសម្រាប់អ្នកធ្វើការ និងរថភ្លើងល្បឿនលឿនទាំងលើដីលើអាកាសនិង ក្រោមដី ហើយដល់ឆ្នាំ២០៣៥ អ្វីៗទាំងអស់ត្រូវបានរៀបចំរួចរាល់មានភាពងាយស្រួលដល់អ្នកធ្វើ ដំណើរគ្រប់ប្រភេទ៕