លោក ឈិត សុខុន អភិបាលខេត្តព្រះសីហនុ នឹងមានការចូលរួមពីមន្ត្រីនាយខណ្ឌរដ្ឋបាលជលផលកំពង់សោម និងប្រជាពលរដ្ឋក្នុងសហគមន៌ព្រៃនប់ពីរ បានធ្វើការលែងមេក្តាមពូជចំនួន ១០គីឡូក្រាម ស្មើរនឹង ៥៦ក្បាល ចូលទៅក្នុងសហគមន៌នេសាទព្រៃនប់ពីរ ស្ថិតក្នុងឃុំទឹកថ្លា ស្រុកព្រៃនប់ ខេត្តព្រះសីហនុ កាលពីរសៀលថ្ងៃទី១៩ ខែសីហា ឆ្នាំ២០១៤ ។ 
លោក ឈិត សុខុន អភិបាលខេត្តព្រះសីហនុ បានធ្វើការសំណេះសំណាលជាមួយប្រជាពលរដ្ឋសហគមន៌នេសាទព្រៃនប់ពីរ និងអញ្ជើញចូលរួមលែងក្តាមមេពូជក្នុងធនាគារក្តាមរបស់សហគមន៌នេសាទនាពេលនេះ គឺមានសារះសំខាន់ណាស់ក្នុងការបង្កើននូវធនធានជលផលសមុទ្រឲ្យបានគង់វង្ស ដើម្បីរក្សានូវប្រភពធនធានជលផល និងចូលរួមការពារថែរក្សាព្រៃកោងកាង និងព្រៃលិចទឹក និងជំរុញអនុវត្តការធ្វើវារីវប្បកម្មសមុទ្រឲ្យក្លាយទៅជាចលនាជាតិក្នុងការចិញ្ចឹមត្រី ក្តាមឲ្យមានបរិមាណកាន់តែសម្បូរបន្ថែមទៀត ព្រោះកំណើនប្រជាពលរដ្ឋ
មានការកើនឡើង ទាមទារឲ្យយើងទាំងអស់គ្នាបង្កើនការថែរក្សា និងចិញ្ចឹមត្រី ក្តាម និងធនធានជលផលសមុទ្រ ក៌ដូចជាធនធានជលផលទឺកសាមឲ្យបានច្រើន និងជួយជំរុញកំណើនជីវភាពរស់នៅប្រជាពលរដ្ឋនៅក្នុងសហគមន៌នេសាទកាន់តែមានជិវភាពប្រសើរឡើងទៀត ។ លោក នេន ចំរើន នាយខណ្ឌ័រដ្ឋបាលជលផលកំពង់សោម បានឲ្យដឹងថា ការធ្វើពិ ធីលែងក្តាមមេពូជក្នុងសហគមន៌នេសាទព្រៃនប់ពីរ ក្នុងគោលបំណងបំផុសប្រជានេសាទ និងប្រជាពលរដ្ឋចូលរួមថែរក្សា អភិរក្សនូវធនធានមច្ឆាជាតិក្នុងមូលដ្ឋាន ជាពិសេសការថែ រក្សាការពារព្រៃកោងកាងដែលជាជម្រកត្រី ក្តាម ពង កូន ។ កន្លងមកខណ្ឌ័រដ្ឋបាលជលផលកំពង់សោមកំពុងយកចិត្តទុកដាក់ក្នុងការថែរក្សា ដាំដុះព្រៃកោងកាងឡើងវិញ ព្រមទាំងបំផុសឲ្យប្រជាពលរដ្ឋចូលរួមអភិរក្សព្រៃកោងកាង ។
ការបង្កើនធនាគារក្តាម បង្កើតសួនអាពាហ៌ពិពាហ៌ និងជំរកសុវត្ថិភាពក្រេងឈាម លើផ្ទៃដីចំនួន ២២០ហិកតា ដែលមានប្រជាពលរដ្ឋក្នុងសហគមន៌នេសាទចំនួន ១២០គ្រួសារក្នុងសហគមន៌នេសាទក្នុងខេត្តព្រះសីហនុ ។ លោក នេន ចំរើន បានឲ្យដឹងទៀតថា ខណ្ឌ័រដ្ឋបាលជលផលកំពង់សោមបានធ្វើការបណ្តុះកូនកោងកាង និងបំផុសឲ្យប្រជាពលរដ្ឋក្នុងសហគមន៌នេសាទធ្វើការចិញ្ចឹមក្តាម ងាវ សាកល្បង ក្នុងសហគមន៌នេសាទព្រៃនប់ពីរ ហើយការសាកល្បងនេះ យើងអាចចាត់ទុកថា មានលក្ខណះរីកចំរើនគួរឲ្យចាប់អារម្មណ៌ ព្រមទាំងជំរុញអោយប្រជានេសាទក្នុងសហគមន៌នៅក្នុងខេត្តព្រះសីហនុ ការបង្កើតធនាគារក្តាម និងចិញ្ចឹមត្រីតាមគ្រួសារ និងបន្តការចូលរួមថែរក្សា និងអភិរក្សព្រៃ
លិចទឹកបន្ថែមទៀត ព្រោះការបង្កើតសហគមន៌ធនាគារក្តាមនាពេលកន្លងមកទទួលបានផ្លែផ្កា ដោយសារពួកគាត់មានការយល់ដឹង និងចូលរួមថែរក្សា និងអភិរក្សព្រៃកោងកាងកាត់បន្ថយនូវការកាប់បំផ្លាញព្រៃលិចទឹក និងព្រៃកោងកាងដែលជាជម្រកត្រី ក្តាម ពង កូន និងជីវះចម្រុះក្នុងដែននេសាទ ។ នៅខេត្តព្រះសីហនុមានសហគមន៌នេសាទចំនួន១៦ និងមានធនាគារក្តាមចំនួន ០៩កន្លែង ។ ក្នុងរយះពេល ៦ខែដើមឆ្នាំ២០១៤នេះ ធនាគារក្តាមបានដាក់កូនក្តាមមេពូជចំនួន ១.២០០គីឡូក្រាម មានក្តាមចំនួន ៦.៦០០ក្បាល ៕
