ខេត្តប៉ៃលិន៖ នៅព្រឹកថ្ងៃទី២១ ខែសីហា ឆ្នាំ២០១៤ ក្នុងបរិវេនសាលាបឋមសិក្សាអូរតាវ៉ៅមាន ប្រារព្ធពិធីបុណ្យរុក្ខទិវា ៩ កក្កដា ក្រោមអធិបតីភាពលោក អ៊ី ឈាន ប្រធានក្រុមប្រឹក្សាខេត្ត ,លោក កើត សុធា អភិបាល នៃគណៈអភិបាលខេត្តប៉ៃលិន ព្រមទាំងមានការចូលរួមពីលោក អភិបាលរងខេត្ត ,លោកប្រធានសាលាដំបូងខេត្ត ,លោកប្រធាន-អនុប្រធានមន្ទីរជុំវិញខេត្ត , សហភាពសហព័ន្ធយុវជនកម្ពុជាខេត្ត ,កងកម្លាំងប្រដាប់អាវុធ ,លោកគ្រូ-អ្នកគ្រូ និងប្រជាពល រដ្ឋ យ៉ាងច្រើនកុះករ ។
លោក ឳម វិរៈ រដ្ឋបាលព្រៃឈើ បានឲ្យដឹងថា៖ខេត្តប៉ៃលិន បានប្រារព្ធពិធីបុណ្យរុក្ខទិវា នេះ ជារៀងរាល់ឆ្នាំ គឺចាប់តាំងពីឆ្នាំ១៩៩៩មក រហូតដល់បច្ចុប្បន្ន ។ជាក់ស្តែងក្នុងឆ្នាំ២០១៤នេះ រដ្ឋបាលព្រៃឈើ បានរួមសហការជាមួយអាជ្ញាធរមូលដ្ឋាន ដោយមានការអនុញ្ញតដ៍ខ្ពង់ខ្ពស់ ពីឯកឧត្តម អភិបាលនៃគណៈអភិបាលខេត្តប៉ៃលិន បានប្រារព្ធពិធី រុក្ខទិវា នៅសាលាបឋមសិក្សាអូរតាវ៉ៅ ។ លោកបន្តថា ក្នុងពេលនេះរដ្ឋបាលព្រៃឈើ បានរៀបចំ កូនឈើប្រភេទ គគីរ អាកាស្យាស្លឹកធំ សរុបចំនូន១០,៥០០ដើម ព្រមទាំងចែកជូនបណ្តាអង្គភាព វត្តអារាម សាលារៀន និងបងប្អូនប្រជាពលរដ្ឋដាំតាមបណ្តោយអមសងខាង ផ្លូវជាតិលេខ៥៧ ផងដែរ ។
ថ្លែងក្នុងឪកាសនោះដែរលោក អ៊ី ឈាន ប្រធានក្រុមប្រឹក្សាខេត្តប៉ៃលិន បានមានប្រសាសន៍ថា៖ ពេលនេះយើងប្រារុព្ធបុណ្យរុក្ខទិវា ដាំកូនឈើ ហើយនេះជាភារកិច្ចរបស់រដ្ឋបាលព្រៃឈើ ហេតុអីមេៗបាត់អស់ ព្រោះវាមិនចំទិសដៅអនុវត្តន៍ ភារកិច្ចរបស់ខ្លួនឫ? ថ្ងៃនេះមានលោក-លោកស្រីបងប្អូនមកច្រើនណាស់ដើម្បីរៀនដាំដើមឈើ តែ មេៗវាអត់មក។ លោកមានប្រសាសន៍បន្តថា នេះជាភារកិច្ចរបស់មេៗ គេថា «ទៅឲ្យដល់ ចូលឲ្យជ្រៅ មើលឲ្យឃើញ» ក្នុងសកម្មភាពការងារជាក់ស្តែងរបស់ខ្លួន ប៉ុន្តែវាអត់សោះ ហើយពេលនេះខ្លាចតែប្អួនៗមិនបានស៊ី តែមេបីនាក់នោះស៊ីអស់។ លោកបន្តទៀតថា៖ នេះជាលើកទី៥ហើយ ដែលបានចូលរួម ហើយការដាំដើមឈើនេះហើយបើយើងដាំវាបានគឺបម្រើរសេចក្កីត្រួវការរបស់យើងទី១ផ្នែកទេសចរណ៏ ,ទី២ បញ្ហាផ្លួវ បើយើងដាំចង្អៀត វា
ការពារបានម្លប់ ដូច្នោះសូមបងប្អួនទាំងអស់យើងរួមគ្នាដាំ មើលថែរក្សា ខាងរដ្ឋបាលព្រៃឈើដាក់ផែនការខ្លួនឯង ហើយយើងដាំដើមឈើ គឺដើម្បីខ្លួនយើងអញ្ចឹង ជាទីបញ្ចប់ លោកសូមអំពាវនាវ ដល់ប្រជាពលរដ្ឋទាំងអស់ ក៍ដូចជាស្ថាប័នពាក់ព័ន្ធកងកម្លាំងប្រដាប់អាវុធ អាជ្ញាធរមូលដ្ឋាន រួមគ្នាអនុវត្តបទបញ្ជា របស់រដ្ឋាភិបាល ឲ្យបានសម្រេចជោគជ័យ និងមានប្រសិទ្ធភាព ដោយរួមសហការជាមួយមន្ត្រីរដ្ឋបាលព្រៃឈើ ដើម្បីស្តា និងដាំដើមឈើឡើងវិញ ឲ្យស្របទៅតាមគោលដៅ អភិវឌ្ឍន៏សហស្សសវត្សកម្ពុជាឆ្នាំ២០១៥ ដោយរក្សាគម្របព្រៃឈើឲ្យបាន៦០% ៕