ខេត្តបន្ទាយមានជ័យ៖ លោកគោស៊ុំ សារឿត អភិបាលខេត្តបន្ទាយមានជ័យនិងប្រធានគណបញ្ជាការឯកភាពខេត្តទើបដាក់វិធានការក្តៅដល់មន្ត្រីតាមជំនាញត្រូវយកចិត្តទុកដាក់និងជម្រុញដោះស្រាយបញ្ហាទំនាស់ដីធ្លីនិងបញ្ហាអគ្គីសនីរួមទាំង ការប្រមូលពន្ធ ។ការលើកឡើងបែបនេះក្នុងពេលដែលលោកអភិបាលខេត្តចូលរួមក្នុងកិច្ចប្រជុំប្រចាំសប្តាហ៍របស់គណៈបញ្ជាការឯកភាពខេត្តកាលពីព្រឹកថ្ងៃទី២១ខែសីហាឆ្នាំ២០១៤នៅសាលប្រជុំសាលាខេត្ត។ 
លោក គោស៊ុំ សារឿត បានលើកឡើងថា៖នៅខេត្តបន្ទាយមានជ័យមានរឿងរ៉ាវជាច្រើនដែលមិនដោះស្រាយបានដូចជាផ្ទៃក្នុងការងាររវាងមន្ទីរនិងមន្ទីរខ្លះកំពុងជះទឹកដាក់គ្នាដូចជាសាខាពន្ធដារខេត្តនិងមន្ទីរៀបចំដែនដីនគរូបណីយ៍កម្មសំណង់និងសូរិយោលដីខេត្តបញ្ហាថវិការពន្ធ។ ដែលត្រូវដោះស្រាយអោយបានច្បាស់គឺធ្វើការដើម្បីប្រជាពលរដ្ឋនិងប្រទេសជាតិមិនមែនប្រយោជន៍ផ្ទាល់ខ្លួននោះទេ។ 
លោកបានលើកឡើងថា៖ដូចជារឿងវិវាទដីធ្លីដែលកើតឡើងនៅភូមិបឹងស្នោរឃុំស្លរក្រាមស្រុកស្វាយចេកមានប្រជាពលរដ្ឋដែលមន្ត្រីជំនាញចេញបង្កាន់ដៃហើយបិទប្រកាសរាប់ខែទើបប្តឹងជំនាស់។ប៉ុន្តែអាជ្ញាធរស្រុកនិងមន្ត្រីជំនាញខេត្តត្រូវស្រាវជ្រាវដោះស្រាយបានឆាប់ហើយអោយមានយុត្តិធម៌។ចំណែកចំណុចតំបន់សេដ្ឋកិច្ចបឹងស្នោរក្រុមហ៊ុនសំ ផាន់រិទ្ធ ជាប់ជាយដែនក្នុងស្រុកស្វាយចេកតើពេលណានិងក្លាយជាតំបន់អភិវឌ្ឍន៍សេដ្ឋកិច្ចហើយបើធ្វើមិនបានទុកយូរទុកអោយអ្នកមានលទ្ធិភាពធ្វើ។
លោក គោស៊ុំ សារឿត បានលើកឡើងថា៖ស្តង់សត្វឃាតដ្ឋាននៅក្រុងប៉ោយប៉ែតមានចំនួន២កន្លែងមាន១.ស្តង់សត្វឃាតដ្ឋានលោក ខូយ ប្រការ មានច្បាប់ក្រសួងកសិកម្មតែគ្មានច្បាប់ក្រសួងហិរញ្ញវត្ថុហើយស្តង់ធ្វើជាប់ព្រំដែនដែលខុសពីគោលការច្បាប់ដែលកើតមានរាល់បទល្មើសផ្សេងៗ។២.ស្តង់សត្វឃាតដ្ឋានលោក ផាន់ តារារិទ្ធ មានសៀវភៅបន្ទុកតែគ្មានច្បាប់ក្រសួងកសិកម្ម។
លោកបានលើកឡើងថា៖បញ្ហាអគ្គីសនីនៅស្រុកភ្នំស្រុកជាតំបន់ទេសចរណ៍ដែលគ្មានភ្លើងប្រើប្រាស់ប្រជាពលរដ្ឋស្នើសុំអគ្គីសនីកម្ពុជាបន្ទាយមានជ័យនិងអាជ្ញាធរស្រុកដោះស្រាយដល់ណាហើយ។ឆ្លើយតបពីអាជ្ញាធរជំនាញគឺកន្លងមកប្រជាពលរដ្ឋប្រើភ្លើងឯកជន១គីឡូវ៉ាតតំលៃ៣.៦០០រៀលហើយនៅថ្ងៃទី០១កញ្ញា២០១៤នេះត្រូវបានអោយដំណើរការភ្លើងរដ្ឋ១គីឡូវ៉ាត់តំលៃ១.៦០០រៀលឲ្យបាន។ លោក គោស៊ុំ សារឿត បានដាក់វិធានដល់មន្ត្រីស្ថាប័នពាក់ព័ន្ធរាល់ការងារដែលសេសសល់ទាំងប៉ុន្មានជាពិសេសទំនាស់ដីធ្លីត្រូវតែមានវិធានដោះស្រាយអោយមានតម្លាភាពនិងយុត្តិធម៌ជូនប្រជាពលរដ្ឋនិងធ្វើការបំរើប្រទេសជាតិឈានទៅកាត់បន្ថោយភាពក្រីក្រជូនប្រជាពលរដ្ឋ៕
