សៀមរាប ៖ ឡានធុនធំចំនួនពីរគ្រឿងនេះដែលបានដឹកឈើប្រភេទលេខ ពីរ គ្មានច្បាប់ត្រូវបានកម្លាំងនគរបាលការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តសៀមរាប ធ្វើការចាប់ឃាត់នៅត្រង់ចំណុចភូមិ តាកុះ ឃុំ ព្រះដាក់ ស្រុកបន្ទាយស្រីខេត្តសៀមរាប កាលពីវេលា អំឡុងម៉ោង ៤ ថ្ងៃទី២៥ខែសីហាឆ្នាំ២០១៤នេះ។
លោកវរសេនីយ៍ឯក អ៊ុំ អមរា ស្នងការរងនិងជាប្រធានការិយាល័យកណ្តាលប្រឆាំងបទល្មើសនិងលោកវរសេនីយ៍ឯក សឿន សេន នាយការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តសៀមរាប ។ បានឲ្យដឹងថា ក្នុងកិច្ចចុះប្រតិបត្តិការណ៍ខាងលើសមត្ថកិច្ចបានធ្វើការចាប់ឃាត់ឡានធុនធំចំនួនពីរគ្រឿងនេះនិងបានធ្វើការឆែកឆែរឃើញមានប្រភេទលេខ ពីរ គ្មានច្បាប់អនុញ្ញាតពេញឡានតែម្តង ។
លោកវរសេនីយ៍ឯក សឿន សេន នាយការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តសៀមរាបបានបញ្ជាក់ថាបន្ទាប់ពីកម្លាំងសមត្ថកិច្ចរបស់លោកបានធ្វើការចាប់ឃាត់ឡានធុនធំចំនួនពីរគ្រឿងនេះដែលបានដឹកឈើប្រភេទលេខ ពីរ គ្មានច្បាប់អនុញ្ញាតនៅត្រង់ចំណុចភូមិ តាកុះ ឃុំ ព្រះដាក់ ស្រុកបន្ទាយស្រីខេត្តសៀមរាបបានហើយនោះកម្លាំងសមត្ថកិច្ចការិយាល័យប្រឆាំងបទល្មើសសេដ្ឋកិច្ចក៏បានធ្វើការប្រគល់ទៅឲ្យជំនាញរដ្ឋបាលព្រៃឈើសៀមរាបដើម្បីចំណាត់ការទៅតាមនិតិវិធីបន្ត ។ ដោយឡែកអ្នកបើកឡានបានរត់គេចខ្លួនបាត់ ៕ លោក ខេង ខេមរា
