កំពង់ធំៈ អាគាសាលប្រជុំរបស់កងយោធពលខេមរៈភូមិន្ទ វរៈសេនាតូចលេខ១ ចំណុះឲ្យតំបន់ប្រតិបត្តិការសឹករងកំពង់ធំ កំពុងតែដំណើរការឆ្ពោះទៅមុខ ពីមួយថ្ងៃទៅមួយថ្ងៃនិងបានផុសចេញជារូបរាង ដ៏ស្រស់ស្អាតក្រោយការផ្ចិតផ្ចង់ដោយជាងចំណាន របស់កងយោធពលខេមរៈភូមិន្ទវរើសេនាតូចលេខ១ ដែលបាន រួមគ្នាសាមគ្គីគ្នាប្រឡោក ក្នុងការសាងសង់អាគារសាលប្រជុំមួយខ្នងនេះ ។ 
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ព្រមទាំងមេបញ្ជាការង និងនាយទាហានជាច្រើនរូប បានអញ្ជើញចុះត្រួតពិនិត្យសំណង់អាគារសាលប្រជុំ របស់វរៈសេនាតូចលេខ១ នៅព្រឹកថ្ងៃទី ២៦ ខែ សីហា ឆ្នាំ ២០១៤ ដែលមានទីតាំងនៅ ភូមិតាឡែកថ្មី ឃុំសាលាវិស័យ ស្រុកប្រាសាទបាល្ល័ង្គ ខេត្តកំពង់ធំ ។
អាគារសាលប្រជុំមួយខ្នងនេះ ត្រូវបានសាងសង់កាលពីថ្ងៃទី៣១ ខែ ឧសភា ឆ្នាំ ២០១៤ ដែលមានទំហំ៨.៣០ម គុណនិង១៨ម រហូតមកដល់ពេលនេះ សំណង់អាគារនេះ បានសាងសង់បាន ៨០ភាគរយហើយ សម្រាប់ជាងគឺជាពលទាហាន និងនាទាហាន ដែលបានរួមចិត្តសាមគ្គីគ្នា សាងសង់អាគារជិតរួចជាស្ថាពរ ១០០ភាគរយ ហើយនិងធ្វើពិធីសម្ពោធនៅពេលឆាប់ខាងមុខនេះ ។ 
ក្នុងឳកាសនោះ ក្នុងនាមឯកឧត្តម ជាមេបញ្ជាការសឹករងកំពង់ធំ សូមថ្លែងអំណរគុណ ដល់ឯកឧត្តម ហ៊ុន ម៉ាណែត ឯកឧត្តម មាស សុភា លោកឧញ៉ា ទ្រី ភាព និងឯកឧត្តម អ៊ុត សំអន អភិបាលខេត្តកំពង់ធំ ព្រមទាំង ស្ថាប័ន មន្ទីរ ក្រុមហ៊ុននានា និងសប្បុរសជនទាំងអស់ ទាំងបានឧបត្ថម្ភគាំទ្រា ក្នុងជួយសាងសង់អាគា សាលប្រជុំមួយខ្នងនេះ ។
ដោយសារតែកន្លងមកនៅក្នុងវរៈសេនាតូចលេខ១នេះ គឺជាតំបន់សុទ្ធតែជាព្រៃឈើ ដោយមានការឯកភាពពីថ្នាក់ដឹកនាំ ឲ្យមានការផ្លាស់ប្តូរវរៈសេនាតូចលេខ១ ពីចំនុចថ្នល់បែក ឃុំ ត្រពាំងឬស្សី កាន់ទីតាំងថ្មី គឺវរៈសេនាតូចលេខ១ មានការខ្វះខាត គ្រប់សព្វបែបយ៉ាង ទាំងអាគារសាសប្រជុំ និងអាគារទីបញ្ជាការ កងយោធពលទាំងអស់ ត្រូវបានបោះតង់ជាជម្រកស្នាក់នៅ ប្រជមក្រោមដើមឈើ តែដោយមានការ ចង្អុលបង្ហាញ
ពីឯកឧត្តម មេបញ្ជាការក្រសួងការពារជាតិ និងណែនាំពីសំណាក់ឯកឧត្តម មេបញ្ជាការយោធភូមិភាគទី៤ ឲ្យមានការកសាងបន្ទាយដើម្បីជាជម្រកស្នាក់នៅដ៏សមរម្យរបស់កងយោធពល ខេមរៈភូមិន្ទ និងជាការយកចិត្តទុកដាក់របស់ ឯកឧត្តម ឧត្តមសេនីយ៍ត្រី សោម ស៊ុន បានព្យាយាមគៀងគរ សម្បុរសជនជិតឆ្ងាយ ដើម្បីសុំការឧបត្ថម្ភទាំងសម្ភារៈ និងថវិការសម្រាប់នាំយកមកសម្រាប់កសាងបន្ទាយ។ 
