បន្ទាយមានជ័យៈ
កិច្ចប្រតិប័ត្តការចុះផ្សព្វផ្សាយអប់រំ ដល់សិប្បកម្មដើម្បីបំរើដល់តម្រូវការរបស់ប្រជាពលរដ្ឋក្នុងការទទួលទានទឹក បរិសុទ្ធដែលប្រកបដោយគុណភាព សុខមាលភាព និងត្រួតពិនិត្យ អាជ្ញាប័ណ្ណសិប្បកម្មនៅក្នុងខេត្តបន្ទាយមានជ័យ លោក ញុិល ប៊ុនធឿន ប្រធានមន្ទីរ ឧeស្សាហកម្មនិងសិប្បកម្មខេត្តបន្ទាយមានជ័យបាន សហការជាមួយ មន្ត្រីមន្ទីរបរិស្ថាន ខេត្តនិង អាជ្ញាធរមូលដ្ឋាន ចុះធ្វើការអប់រំនិងផ្សព្វផ្សាយនូវច្បាប់ស្តី ពីការបង្កើត អាជីវកម្មផលិតទឹកសុទ្ធតាមស្តង់ដារ បច្ចេកទេសជាតិ បរិស្ថាន និងមានអនាម័យ។ការចុះអប់រំផ្សព្វផ្សាយនេះធ្វើឡើងនៅព្រឹកថ្ងៃទី២៧ខែសីហាឆ្នាំ២០១៤នេះ ហើយប្រព្រឹត្តិទៅ លើមូលដ្ឋាន សិប្បកម្មទាំងអស់ជាង១០កន្លែងក្នុងក្រុងសិរីសោភ័ណ។
លោក ញុិល ប៊ុនធឿន ប្រាប់ថា:គោលបំណងក្នុងប្រតិប័ត្តការនេះបានធ្វើការអប់រំដល់ សិប្បករដែលជាម្ចាស់សិប្បកម្មទឹកសុទ្ធ ធ្វើច្បាប់បន្តនៅពេលផុតអជ្ញាប័ណ្ណ រៀបចំប្រព័ន្ធផលិតកម្មតាមស្តង់ដាជាតិ មានការកែលំអរសោភ័ណភាព អនាម័យ បរិស្ថានជុំវិញការផលិត ការចុះកាលបរិច្ឆេទ លើដបអោយបានត្រឹមត្រូវ ពិសេស សង្វាក់ផលិតកម្ម ត្រូវមាន ទឹកត្រូវតែមានគុណភាពតាម ស្តង់ដារអន្តរជាតិ ព្រោះនៅឆ្នាំ២០១៥ ខាងមុខប្រទេស កម្ពុជានិងចូលជាទីផ្សារអាស៊ាន ណែនាំអោយកម្មករមានសម្លៀកបំពាក់ ឯកសណ្ឋាន ម៉ាស់មួក ស្បែកជើងនិងអោយម្ចាស់សិប្បកម្មនាំយក ទឹកពិសារដែលផលិតទៅពិសោធន៍នៅមន្ទីរពិសោតនៅក្រសួងឧស្សាហកម្មអោយបានទៀងទាត់ក្នុងរយះពេល៣ខែម្ដង
។
លោក ញុិល ប៊ុនធឿន បន្តប្រាប់ថា: យុទ្ធនាការនេះនិងត្រូវបន្តធ្វើរាល់ថ្ងៃរហូតបញ្ចប់លើ សហគ្រាស រោងចក្រ សិប្បកម្មចំនួន ៥៦៩កន្លែងនៅទូរទាំងខេត្តបន្ទាយមានជ័យ៕ដោយ:ឃិន គន្ធា
