ខេត្ដសៀមរាប ៖ ក្រុមអ្នកស្រឡាញ់ភេទដូចគ្នាមានដូចជាបុរស ស្រលាញ់បុរស (MSM) ស្ដ្រី ស្រឡាញ់ ស្ដ្រី ត្រូវបានគេសង្កេតឃើញថា បាន និងកំពុង មានចំនួនកើនឡើងនៅកម្ពុជាហើយ មកដល់បច្ចុប្បន្ននេះពួកគេបានស្នើឱ្យមហាជនបញ្ចាប់ការរើសអើង។ការស្នើនេះត្រូវបានធ្វើឡើងក្នុងកម្មវិធីសិក្ខាសាលាមួយ ដើម្បីបញ្ជ្រាបចំណេះ ដឹងអំពីមេរោគអេដស៍និងការកាត់បន្ថយ ការរើសអើងអ្នកស្រលាញ់ភេទដូចគ្នា ដល់អ្នកសារព័ត៌មាននៅសណ្ឋាគារ មនោរាជ នាព្រឹកថ្ងៃទី២៦ ខែសីហា ឆ្នាំ២០១៤ក្រោមការរៀបចំដោយអង្គការសុខភាពបុរសនៅកម្ពុជា ក្រោមការគាំទ្រពីអង្គការខាណានិងUSAID ។ 
លោក សៅ សុភាព អ្នកសម្រប សម្រួលបណ្ដាញ Fonpamsនិងជាបុរសស្រឡាញ់បុរសដូចគ្នាបានបញ្ជាក់ថា បច្ចុប្បន្នការរើសអើងលើអ្នកស្រឡាញ់ ភេទដូចគ្នានៅតែបន្ដកើតមានពីច្រើនមជ្ឈដ្ឋានដូចជាក្រុមគ្រួសារ និងក្នុងសង្គម ជាដើម ។ បញ្ហារើសអើងដែលជួបប្រទះ ជាញឹកញាប់ពេលខ្លះមានទាំងការវាយដំការបណ្ដេញចេញ ការប្រមាថមាក់ងាយ ការមិនផ្ដល់ការងារឱ្យធ្វើជាដើម។លោក បញ្ជាក់ថា ដោយសារការរើសអើងបានធ្វើឱ្យក្រុមអ្នកស្រឡាញ់ភេទ បាត់បង់ឱកាសក្នុងការកសាងសង្គម។ក្រុមអ្នកស្រឡាញ់ភេទដូចគ្នាគឺជាកោ សិកាសង្គមដែលជាមនុស្សមានសមត្ថភាពមានជំនាញជួយជំរុញឱ្យសង្គម មានការអភិវឌ្ឍដែរ ។
លោកលើកឡើងដែរថា ការរើស អើងសម្រាប់អ្នកស្រឡាញ់ភេទដូចគ្នានឹង បង្កឱ្យមានការប៉ះទង្គិចផ្នែកផ្លូវចិត្ដហើយពួកគេក៏ជាមនុស្សដែលចង់បានសេចក្ដី ថ្លៃថ្នូរសិទ្ធិសេរីភាពដូចមនុស្សទូទៅដែរ។ បើទោះជាយ៉ាងណាយោងតាមការ បញ្ជាក់របស់លោក ម៉ី សុវណ្ណារ៉ាមន្ដ្រីជាន់ខ្ពស់ផ្នែកទំ នាក់ ទំនងនៃអង្គការខាណាបានបញ្ជាក់ថា ក្រុមអ្នកស្រឡាញ់ភេទ ដូចគ្នាគឺមានប្រមាណជាង២ម៉ឺននាក់ នេះគិតត្រឹមអ្នកទទួលសេវាអប់រំរបស់ បណ្ដាញអង្គការប៉ុណ្ណោះ ។ 
អ្វីដែលជាបញ្ហាប្រឈដែលអង្គការមានការព្រួយបារម្ភគឺការឆ្លងជំងឺផ្សេងៗដូចជាជំងឺអេដស៍ដែលទាមទារឱ្យអង្គ ការ ជាដៃគូធ្វើការ ផ្សព្វផ្សាយអប់រំបណ្ដុះបណ្ដាលដល់ពួកគេដើម្បីជៀសវាងពីបញ្ហាប្រឈម ទាំង នោះ ដែលរួមមានទាំងការប្រើប្រាស់គ្រឿង ញៀនផងដែរ។ លោក បញ្ជាក់ដែរថា បញ្ហារើស អើង អ្នកស្រឡាញ់ភេទដូចគ្នាក៏ជាបញ្ហាប្រឈម មួយដ៏សំខាន់ផងដែរ ដើម្បីឱ្យពួកគេ អាចចៀសផុតពីការរើសអើងសំខាន់គឺ ការបង្កើតឱ្យមានច្បាប់មួយស្ដីពីការលើក ស្ទួយនិងការការ ពារ សិទ្ធិដើម្បីធានាថា ពួកគេអាចរៀបការអាចប្ដូរលិខិតស្នាមផ្សេងៗទាក់ទង នឹង អត្ដ សញ្ញាណ របស់ពួកគេហើយតាមរយៈការរួមគ្នាអាចជា សំឡេងមួយធ្វើឱ្យមានការផ្លាស់ប្ដូរ។
យោងតាម ការបញ្ជាក់ពី លោក ម៉ៅ គីមរុន នាយកប្រតិបត្ដិអង្គការសុខ ភាពបុរសនៅកម្ពុជាបានបញ្ជាក់ថា កម្ម វិធីនេះធ្វើឡើងក្នុងរយៈពេល៣ថ្ងៃក្នុងគោល បំណងឱ្យអ្នកសារព័ត៌មាន បានយល់បានដឹងអំពីស្ថានភាពពិតរបស់អ្នក ស្រឡាញ់ភេទដូចគ្នា ។ លោកបញ្ជាក់ថា វគ្គបណ្ដុះបណ្ដាល នេះនឹងមានកម្មវិធីជាច្រើនដូចជាកិច្ច ពិភាក្សាអំពីអ្នកស្រឡាញ់ភេទដូចគ្នា ការរើសអើងពីសង្គមបញ្ហាប្រឈមនឹង ការប្រើប្រាស់គ្រឿងញៀន ផលប៉ះពាល់ផ្នែកច្បាប់ជាដើម ។
ចំណែកអង្គការសង្គមស៊ីវិល បានធ្វើការអំពាវនាវដល់ ក្រុមអ្នកស្រឡាញ់ភេទដូចគ្នា ឲ្យចេះការពារខ្លួនដោយប្រើស្រោមអនាម័យដើម្បីជៀសវាងការឆ្លងមេរោគអេដស៍ដោយយថា ហេតុ ជាពិសេសបើសិនជាយើងសង្ស័យថាខ្លួនយើងមានអ្វីប្លែកយើងត្រូវតែទៅពិគ្រោះជា មួយគ្រូពេទ្យជាក់ស្តែងតែម្តង ដោយពុំមានការលាក់បាំងឬក៏អៀនខ្មាស់នោះទេ៕
