ខេត្តព្រះសីហនុ សាខាកាកបាទក្រហមកម្ពុជាខេត្តព្រះសីហនុ បើកវគ្គបណ្តុះបណ្តាល ស្តីពីសុវត្ថិភាពចរាចរណ៌ដល់អ្នកស្មគ្រ័ចិត្ត និងយុវជជនកាកបាទក្រហមកម្ពុជាខេត្តព្រះសីហនុរយះពេល ២ថ្ងៃ គឺថ្ងៃទី២ ដល់ទី៣ ខែកញ្ញា ឆ្នាំ២០១៤ ។ លោកស្រី ញឹម សុភាព អភិបាលរងក្រុងព្រះសីហនុ បានមានប្រសាសន៌ស្វាគមន៌វគ្គបណ្តុះបណ្តាលនេះ ក្នុងគោលបំណងបង្ហាញពីស្ថានភាពនៃគ្រោះថ្នាក់ចរាចរណ៌ ដែលតែងតែកើតមានឡើងនៅលើសកលលោក ប្រទេសកម្ពុជា ពិសេសខេត្ត![Snapshot[25]](https://i0.wp.com/www.khemaradaily.com/wp-content/uploads/2014/09/Snapshot25.jpg?resize=420%2C336)
ព្រះសីហនុ ដោយជ្រើសរើសអ្នកស្មគ្រ័ចិត្តក្នុងសង្កាត់លេខ១ ក្រុងព្រះសីហនុ ជាគោលដៅក្នុងការបណ្តុះបណ្តាលឲ្យទទួលបាននូវការយល់ដឹងស្តីពីសុវត្ថិភាពគ្រោះថ្នាក់ចរាចរណ៌ ច្បាប់ចរាចរណ៌ និងការយល់ដឹងពីកត្តាហានិភ័យ និងបញ្ហាប្រឈមនានាៗដែលបណ្តាលមកពីការមិនពាក់មួកសុវត្ថិភាព ខ្សែក្រវ៉ាត់សុវត្ថិភាព និងការបើកបរក្រោមឥទ្ធិពលនៃគ្រឿងស្រវឹង ដើម្បីឲ្យអ្នកស្មគ្រ័ចិត្ត និងយុវជនកាកបាទក្រហមយកទៅផ្សព្វផ្សាយដល់សហគមន៌មូលដ្ឋានឲ្យបានទូលំទូលាយ ចូលរួមកាត់បន្ថយគ្រោះថ្នាក់ចរាចរណ៌ ។
លោកស្រី ញឹម សុភាព បានបន្តថា គ្រោះថ្នាក់ចរាចរណ៌កំពុងក្លាយជាឃាតករសម្លាប់ជីវិតមនុស្សនៅលើដងផ្លូវសាធារណះជាច្រើនបំផុត និងបង្កឲ្យប៉ះពាល់យ៉ាងខ្លាំងដល់សុខភាពសាធារណះក្នុងប្រទេសកម្ពុជា រយះពេល ៦ខែចុងក្រោយនេះ មានអ្នកស្លាប់ដោយគ្រោះថ្នាក់ចរាចរណ៌កើនឡើងទ្វេរដង បើប្រៀបធៀបរយះពេល៦ខែ ឆ្នាំ២០១៣ ហើយមនុស្សប្រមាណជិត ២០០០នាក់ បានស្លាប់បាត់បង់ជីវិត និងច្រើនពាន់អ្នកផ្សេងទៀតរងរបួសធ្ងន់ ស្រាល ធ្វើឲ្យប្រទេសកម្ពុជាខាតបង់ថវិកាច្រើនរយលានដុល្លា ។
ដោយមើលឃើញពីស្ថានភាពនៃគ្រោះថ្នាក់ចរាចរណ៌ពីមួយឆ្នាំទៅមួយឆ្នាំមានការកើនឡើង សាខាកាកបាទក្រហមកម្ពុជាខេត្ត បាននឹងជំរុញឲ្យមានអ្នកស្មគ្រ័ចិត្ត និងយុវជនកាកបាទក្រហមកម្ពុជា ចុះសហការជាមួយមន្ត្រីចរាចរណ៌ផ្លូវគោក នៅតាមចំណុចគោលដៅ ដើម្បីផ្សព្វផ្សាយពីផលប៉ះពាល់ដោយសារគ្រោះថ្នាក់ចរាចរណ៌ និងធ្វើការណែនាំឲ្យអ្នកបើកបរទាំងអស់ត្រូវពាក់មួកសុវត្ថិភាព ខ្សែក្រវ៉ាត់សុវត្ថិភាព និងការបើកបរក្រោមឥទ្ធិពលគ្រឿងស្រវឹង ។![Snapshot[27]](https://i0.wp.com/www.khemaradaily.com/wp-content/uploads/2014/09/Snapshot27.jpg?resize=420%2C336)
លោកស្រីបន្តទៀតថា គ្រោះថ្នាក់កំពុងសម្លាប់មនុស្សជាច្រើនពាន់នាក់ក្នុងមួយឆ្នាំៗពិសេសប្រទេសកំពុងអភិវឌ្ឍន៌សេដ្ឋកិច្ច ខណះពេលដែលជីវភាពប្រជាពលរដ្ឋកាន់តែប្រសើរឡើង ផ្លូវកាន់តែធំទូលាយ យានយន្តកាន់តែច្រើនឡើង គ្រោះថ្នាក់ចរាចរណ៌ជាឃាតករមានប្រជាប្រិយ៌ភាព ។ កត្តាសំខាន់ជាងគេ គឺយើងចូលរួមប្រុងប្រយ័តការធ្វើដំណើរតាមដងផ្លូវ កត្តាមនុស្សត្រូវចេះយោគយល់គ្នាជាលក្ខណះសំខាន់ ដើម្បីបញ្ចៀសបាននូវគ្រោះថ្នាក់ចរាចរណ៌ដោយយថាហេតុនៅក្នុងប្រទេសកម្ពុជា៕
