សៀមរាម៖នៅស្នងការដ្ឋាននគរបាលខេត្តសៀមរាបកាលពីពេលថ្មីៗកន្លងទៅក្នុង ខែកញ្ញា ឆ្នាំ២០១៤ នេះលោកឩត្តមសេនីយ៍ត្រី ជៀវ សូរិយា ស្នងការរងនិងជាតំណាងដ៏ខ្ពង់ខ្ពស់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប។
បាននាំយកថវិកាសមាគមមិត្តនគរបាល ជាតិចំនួន២១លានរៀលមកធ្វើការ ប្រគល់ជូនដល់ក្រុមគ្រួសារសពរបស់មន្ត្រីនគរបាលជាតិចំណុះស្នងការដ្ឋាននគរបាលខេត្តសៀមរាប ដែលបានស្លាប់ក្នុងបុព្វហេតុជាតិ ចំនួន៦គ្រួសារ ក្នុងនោះមានប្រពន្ធរបស់មន្ត្រីនគរបាលស្លាប់ម្នាក់ផងដែរ ។ ដោយនៅក្នុងពិធីនោះក៏មានការចូលរួមពីសំណាក់អស់លោកជានាយរងការិយាល័យនិងនគរបាលការិយាល័យបុគ្គលិកនៃស្នងការដ្ឋាននគរបាលខេត្តសៀមរាបមួយចំនួនផងដែរ។
លោកឩត្តមសេនីយ៍ត្រី ជៀវ សូរិយា មានប្រសាសន៍ថា ថវិកាទាំងនេះ គឺបានមកពីការផ្តួច ផ្តើមឡើង ពីសំណាក់ឯកឧត្តមនាយឧត្តមសេនីយ៍អគ្គស្នងការនគរបាលជាតិ ដែលឯកឧត្តមតែងតែបានគិតគូរខ្ពស់ដល់កងកម្លាំងនគរបាលជាតិនៅក្នុងប្រទេសកម្ពុជារបស់យើង។ដោយឡែក ចំពោះថវិកាដែលក្រុមគ្រួសារសពរបស់មន្ត្រីនគរបាលជាតិចំណុះស្នងការដ្ឋាននគរបាលខេត្តសៀមរាប ទាំង៦គ្រួសារដែលបានមកទទួលថវិកានាពេលនេះ គឺដើម្បីយកទៅចាត់ចែងទៅតាមសេចក្តីត្រូវការក្នុងក្រុមគ្រួសាររៀងៗខ្លួនផងដែរ។
ដោយលោកឩត្តមសេនីយ៍ត្រី ជៀវ សូរិយា ស្នងការរងនិងជាតំណាងដ៏ខ្ពង់ខ្ពស់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប។ បានមានប្រសាសន៍បន្ថែមថា ចំពោះការបាត់បង់អាយុជីវិតរបស់កងកម្លាំងនគរបាលជាតិរបស់យើងដែលធ្លាប់បានចូលរួមចំណែកក្នុងការ ការ ពារថែរក្សា សន្តិសុខ សុវត្ថិភាពនិងសណ្តាប់ធ្នាប់សង្គមជូនជាតិមាតុភូមិពោល គឺជូនបងប្អូនប្រជាពលរដ្ឋបានយ៉ាងល្អប្រសើរកន្លងមកនេះ គឺជាការបាត់បង់មួយដ៏ធំធេងក៏ដូចជាយើង ទាំងអស់គ្នាមិនអាចបំភ្លេចបាននូវស្នាដៃល្អៗកន្លងមកផងដែរ៕ ដោយ លោក ខេង ខេមរា