ភ្នំពេញ ៖ លោក ប៉ា សុជាតិវង្ស អភិបាលរាជធានីភ្នំពេញ និងមន្ដ្រីក្រោមឪវាទបានចូលរួម បើកការដ្ឋានស្ថាបនាពង្រីកផ្លូវ ៥៩៨ស្ថិតក្នុងសង្កាត់ទួល សង្កែ ខណ្ឌឬស្សីកែវ ដោយចាក់បេតុង ឆ្អឹងដែក កំរាស់២តឹក ប្រវែង៣២៥០ម៉ែត្រ ដែលមាន ទទឹង១៥ ម៉ែត្រ និងដាក់លូសង់ខាងផ្លូវទំហំ១ម៉ែត្រកន្លះ ចំណាយថវិកាប្រមាណជាង៥លានដុល្លារ ចាប់ពីផ្លូវជាតិលេខ៥ ដល់រង្វង់មូលកាំកូស៊ីធី ។
ជាផ្លូវបញ្ជៀស ការកក់ស្ទះចរាចរណ៍ដ៍សំខាន់ នៅក្នុងរាជធានីភ្នំពេញ កាលពីព្រឹកថ្ងៃទី ០៨ ខែកញ្ញា ឆ្នាំ២០១៤ ។ លោកសាំ ពិសិដ្ឋ នាយកមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងថា៖ កំណាត់ផ្លូវ ៥៩៨នេះមានប្រវែង៣២៥០ម៉ែត្រ ចាប់ពីផ្លូវជាតិលេខ៥ ដល់រវង្វង់មូលកាំ កូស៊ីធី (ផ្លូវជាសុផារ៉ា ) ។ ផ្លូវនេះត្រូវស្ថាបនាថ្មី ទទឹង១៥ ម៉ែត្រ ស្ថាបនាដោយចាក់បេតុងឆ្អឹងដែកកំរាស់២តឹក និងដាក់លូសង្ខាងផ្លូវ ទំហំ១ម៉ែត្រកន្លះ និងដាក់បង្គោលភ្លើងបំភ្លឺសាធារណៈ ផងដែរ។ 
ការសម្រេចស្ថាបនាផ្លូវ ៥៩៨ នេះ ត្រូវបានអ្នកធ្វើដំណើរ និងប្រជាពលរដ្ឋជាច្រើនអ្នកបានសាទរយ៉ាងខ្លាំង ព្រោះថា៖កន្លងមកផ្លួវមួយនេះមានការលំបាកបំផុតទាំងនៅរដូវវស្សានិងរដូវប្រាំង គឺនៅរដូវវស្សាទឹកលិច និងមានក្រឡុកធំៗ រីឯនៅរដូវប្រាំងហុយសំពោងមើលអ្វីមិនឃើញប្រៀបដូចវាលខ្សាច់សាហារ៉ា ។ ការស្ថាបនាផ្លូវ៥៩៨ នេះ គឺប្រើរយៈពេលចំនួន៩ខែ គិតចាប់ពីថ្ងៃបើកការដ្ឋាននេះតទៅ ដែលបានអនុវត្ដឡើងដោយក្រុមហ៊ុនCCES បានចំណាយថវិកាអស់ប្រមាណជាង៥លានដុល្លារអាម៉េរិក ជាថវិការបស់សាលារាជធានីភ្នំពេញទាំងស្រុង ។ 
លោកប៉ា សុជាតិវង្ស អភិបាលរាជធានីភ្នំពេញ បានបញ្ជាក់ថា៖ កំណាត់ផ្លូវ៥៩៨នេះគឺមានសារៈសំខាន់ ណាស់សម្រាប់ ឲ្យមន្ដ្រីរាជការ បងប្អូនប្រជាពលរដ្ឋកម្មក រោងចក្របានធ្វើ ដំណើរមានភាពងាយ ស្រួល ។ ខណ្ឌឬស្សីកែវ មានផ្លូវគមនាគមន៍ ខ្វាត់ ខ្វែងគ្រប់ ប្រភេទរហូត មកដល់ពេលនេះ សរុបមានចំនួន៧៨ខ្សែ ប្រវែង៣៨៨.៧៨៨ម៉ែត្រក្នុងនោះប្រភេទផ្លូវបេទី មីណឺ ប្រមាណ៩ខ្សែប្រ វែង ៣៤.១០៥ ម៉ែត្រ ប្រភេទផ្លូវស្រោចកៅស៊ូ (DBST)២៣ខ្សែ ប្រវែង២៧.៣៨០ ម៉ែត្រ ប្រភេទផ្លូវចាក់ សាប ៤៦ខ្សែ ប្រវែង៦៩៨ម៉ែត្រ ប្រភេទផ្លូវ ការ៉ូឡា៣ខ្សែ ប្រវែង ៧៩៩ ម៉ែត្រ និងប្រភេទផ្លូវដីស១០៣ខ្សែ ក្រាលគ្រួសក្រហម ៥១៩ខ្សែ ។ 
លោក ប៉ា សុជាតិវង្ស បានបន្ដថា៖ ការស្ថានាផ្លូវ ខ្វាត់ ខ្វែង ដោយក្រាលបេតុងក្រាលកៅស៊ូ ដ៏ស្អាតទាំងនៅកណ្ដាលទីក្រុងនិងនៅជាយក្រុង និងទាំងនៅតំបន់ ជាយក្រុងនាពេលនេះក៏ដោយសារមានការចង្អុលបង្ហាញពី សម្ដេចអគ្គមហា សេនាបតីតេជោ ហ៊ុន សែនដែល លោកបានជម្រុញ និងលើក ទឹកចិត្ដដល់មន្ដ្រីរាជការអាជ្ញាធរដែនដី និងវិស័យឯកជនឲ្យ ចូលរួមកិច្ចសហការជាមួយវិសយ័ឯកជន ដើម្បីធ្វើការអភិវឌ្ឍ រាជធានីភ្នំពេញឲ្យមានការរីក ចម្រើនយ៉ាងឆាប់រហ័ស ពិសេសការកសាងផ្លូវ ថ្នល់តាមរូបមន្ដរដ្ឋ និង ប្រជាជនរួមគ្នាកសាង តែពេលខ្លះ ចំបាច់រដ្ឋក៍ត្រូវតែចំណាយថវិកាទាំងស្រុងខ្លះដែរ ។
ក្នុងឱកាស នោះដែលលោកក៍បាន ស្នើឱ្យមន្ទីរសាធារណៈ ការនិងក្រុមហ៊ុន ម៉ៅការត្រូវអនុវត្ដក្នុងការ ស្ថាបនានេះឱ្យត្រូវតាមស្ដង់ដារបច្ចេកទេស ឲ្យបានម៉ត់ចត់ ។ ក្នុងបំណងដាក់ឱ្យបងប្អូនប្រជាពលរដ្ឋប្រើប្រាស់បានយូរអង្វែង តែត្រូវជៀសវាង គឺមិនចង់ឱ្យដូចពាក្យចាស់លោកពោលថា៖ ចាក់ក្រាស់ស៊ីតិច តែបើចាក់ស្ដើងស៊ីច្រើន និងពាក្យកប្លែងព្រុំម៉ាញថា៖ តើផ្លូវនៅប្រទេសណាធ្វើជាប់ជាងគេ ព្រុំម៉ាញថា៖មានតែផ្លូវស្រុកខ្មែរទេដែលធ្វើជាប់៕
