កំពង់ធំ=ឯកឧត្តមគង់វិមានអភិបាលរងខេត្តអញ្ចើញជាអធិតីភាពក្នុងពិធីប្រជុំស្ដីពីរផែនការ បង្ការ បង្ក្រាបបទល្មើសព្រៃក្នុងភូមិសាស្ដ្រខេត្តកំពង់ធំ ដោយមានការចូលរួមពីអភិបាលស្រុកស្ទោង អភិបាលរងស្រុក ព្រមទាំងមន្ដ្រីតាមមន្ទឺរនានាជុំវិញខេត្តជាច្រើននាក់ កាលពីព្រឹកថ្ងៃទី០៨ កញ្ញា ឆ្នាំ២០១៤។
លោក ព្រឹមរដ្ឋា អភិបាលស្រុកស្ទោងបានមានប្រសាសន៍រាយការណ៍សង្ខេប ស្ដីពីបទល្មើសព្រៃឈើដែលធ្លាប់បានផ្សព្វផ្សាយជាច្រើនលើកជាច្រើនសារជូនដល់ប្រជាពលរដ្នបានយល់ដឹងពីរច្បាប់ព្រៃឈើ ការកាប់ឈើទទ្រាន់យកដីធ្វើជាកម្មសិទ្ធ ដែលធ្វើអោយមានទោសទន់ដល់ខ្លួននិងបញ្ឈប់រាល់ការប្រព្រឹត្តនូវអ្វីដែលខុសពីច្បាប់ព្រៃឈើ និងកំពុងធ្វើការផ្សព្វផ្សាយបន្តទៅទៀតដើម្បីអោយប្រជាពលរដ្នបានយល់ដឹងច្បាប់ព្រៃឈើកាន់តែច្បាស់។
លោកម៉ាក់ គឹមហ៊ុង នាយករដ្នបាលសាលាខេត្តកំពង់ធំបានអានសេចក្ដីប្រកាសស្ដីពីផែនការ បង្កា បង្ក្រាបបទល្មើសព្រៃឈើក្នុងភូមិសាស្ដ្រខេត្តកំពង់ធំ យោងតាមលិខិតលេខ ០១៣ផក,កធ ចុះថ្ងៃទី១២ ខែឧសភា ឆ្នាំ២០១៤តាមសេចក្ដីសម្រេចលេខ ០០៨សសរ ចុះថ្ងៃទី១៦/៧/២០១៤ របស់គណះកម្មាធិការជាតិទប់ស្កាត់លុបបំបាត់ និងបង្ក្រាបការកាប់រាន ដុតឈូសឆាយនិងហ៊ុមព័ទ្ធដីព្រៃឈើដើម្បីវាតយកដីធ្វើកម្មសិទ្ធ=អនុវត្តន៍អោយមានប្រសិទ្ធភាពតាមបទបញ្ចាលេខ០០១ប.បនិងគោលនយោបាយរាជរដ្នាភិបាល ច្បាប់ការពារធនធានធម្មជាតិ ច្បាប់គាំពារបរិស្ថាន ច្បាប់ព្រៃឈើ ការបង្ក្រាបទប់ស្កាត់កាន់កាប់ដោយអនាធិតេយ្យបម្រើអោយការជួញដូរខុសច្បាប់និងការយកដីដាំដុះជាកម្មសិទ្ធលក់ដូរអោយជននៅពីរក្រោយខ្នងនិងជនឪកាសនិយម, ព្រៃឡង ព្រៃរក្សាការពារ ព្រៃស្រាវជ្រាវនិងព្រៃរបស់រដ្ន និងការដឹកជញ្ចូនកែឆ្នៃដោយគ្មានច្បាប់ក្នុងតំបន់ភូមិសាស្ដ្រទូទាំងខេត្ត, អង្គភាពរដ្នបាលព្រៃឈើគ្រប់ថ្នាក់ គ្រប់ផ្នែក សង្កាត់ និងកងកំលាំងទាំង៣ឈរជើង ឬចល័តតាមស្ថានភាពជាក់ស្ដែង, ការផ្សព្វផ្សាយច្បាប់បទដ្ថាននានាពាក់ព័ន្ធអំពើបទល្មើសព្រៃឈើដល់ប្រជាពលរដ្នទូទៅតាមភូមិ ឃុំ និងតាមព្រៃ, ស្រង់ស្ថិតិមុខសញ្ញាពាក់ព័ន្ធនិងបទល្មើស ទប់ស្កាត់ការធ្វើអាជីវកម្មការកាប់ទន្ទ្រានដីព្រៃ, បង្កើតយន្ដការគ្រប់គ្រងថែរក្សាដីដែលទទួលរងការកាប់បំផ្លាញ ដកហូតឬថែរក្សាដោយអាជ្ញាធរ ឬបញ្ចូនទៅស្ថាប័ន តុលាការ អោយបានគង់វង្សនិងមានប្រសិទ្ធភាព ,ការដោះស្រាយនិងការទទួលខុសត្រូវដឹកនាំបញ្ចាដោយថ្នាក់ខេត្ត ថ្នាក់ស្រុក និងឃុំ សង្កាត់។
ឯកឧត្តមគង់វិមាន បានមានប្រសាសន៍ថា បង្កើនការផ្សព្វផ្សាយសង្កត់ធ្ងន់លើការងារចាស់ដែលបានផ្សព្វផ្សាយ កន្លងមក តាមការចាត់តាំងរបស់ឯកឧត្តមអភិបាលខេត្ត ក្នុងការរឹតបន្តឹងដល់សមត្ថកិច្ចដែលពាក់ព័ន្ធ ទប់ស្កាត់ បង្ក្រាបនិងផ្សព្វផ្សាយដល់ប្រជាពលរដ្នអោយទូលំទូលាយពាក់ព័ន្ធនិងការចូលរួមថែរក្សាព្រៃឈើធនធានធម្មជាតិ,ទប់ស្កាត់ការឈូសឆាយរុករានទន្ទ្រានដីព្រៃដោយខុសច្បាប់,ខិតខំដោះស្រាយបញ្ហាប្រឈមមុខទាំងឡាយអោយអស់ពីរសមត្ថភាពជូនប្រជាពលរដ្នដោយ
យកចិត្តទុកដាក់, ការពិនិត្យការលួចដាក់ប៉ុស្ដិពិនិត្យដោយអាណាធិតេយ្យ កុំអោយមានព្រោះកន្លងមកត្រូវបានពិនិត្យរួចរាល់ហើយ ម្យ៉ាងទៀតដីតំបន់២និងតំបន់៣ការពារអោយបានតឹងរឹងបំផុតដើម្បីទប់ស្កាត់បទល្មើសកុំអោយមានក្នុងខេត្តកំពង់ធំ ,ដាក់ការផ្សព្វផ្សាយពីថ្នាក់ភូមិ ឃុំ ស្រុក ដើម្បីអោយប្រជាពលរដ្នបានយល់ពីផ្លូវច្បាប់និងមានការចូលរួមសហការជាមួយអាជ្ញាធរមូលដ្ឋាន ទប់ស្កាត់បទល្មើសនេសាទ បទល្មើសព្រៃឈើទាំងលើគោក ទាំងក្នុងទឹក និងរាយការណ៍ជាប្រចាំខែ៕ប៊ុនរិទ្ធី