ភ្នំពេញ ៖ យ៉ាងហោចណាស់បុរស ២នាក់ ត្រូវរបួសធ្ងន់ស្រាលដោយសារពួកគេជិះ ២គ្រឿងបុកគ្នាយ៉ាងពេញទំហឹងនៅចំណុចខាងកើតវិមានឯករាជ្យតាមបណ្តោយមហាវិថីព្រះនរោត្តម កែងនិងផ្លូវព្រះសីហនុក្នុងសង្កាត់បឹងទន្លេបាសាកខណ្ឌចំការមនកាលពីវេលាម៉ោង១១និង ៣០
នាទីយប់ ថ្ងៃទី០៨ ខែកញ្ញាឆ្នាំ ២០១៤។
សាក្សីនៅកន្លែងកើតហេតុបានឲ្យដឹងថាមុនពេលកើតហេតុគេបានឃើញបុរស ២នាក់ជិះម៉ូតូមួយ គ្រឿងម៉ាកហុងដា ឌ្រឹមសេ១២៥ ពណ៌ខ្មៅពាក់ស្លាកលេខភ្នំពេញ 1AR-1010 ជិះដោយបុរសម្នាក់ ធ្វើដំណើរតាមបណ្តោយផ្លូវព្រះនរោត្តមល្បឿនយ៉ាងលឿនក្នុងទិសដៅពីត្បូងទៅជើងខណៈពេលមកដល់ចំណុចកើតហេតុក៏មានម៉ូតូមួយគ្រឿងម៉ាកហុងដា ឌ្រឹមសេ១២៥ ពណ៌ខ្មៅពាក់ស្លាកលេខភ្នំពេញ ១CA-8137ជិះដោយបុរសម្នាក់ ធ្វើដំណើរតាមបណ្តោយផ្លូវព្រះសីហនុក្នុងទិសដៅពីលិចទៅកើតក្នុងល្បឿនលឿនដូចគ្នា ធ្វើឲ្យម៉ូតូទាំងពីរបុកគ្នាចំពីមុខពេញទំហឹងបណ្ដាលឲ្យរបួសធ្ងន់ និងស្រាលទាំងសងខាងត្រូវបានរថយន្តសាមុយដឹងយកទៅមន្ទីរពេទ្យព្យាបាលភ្លាមៗ។ក្រោយពេលកើតហេតុកម្លាំងសមត្ថកិច្ចធ្វើការវាស់វែងរួចអូសយកទៅរក្សាទុកអធិការដ្ឋាននគរបាលខណ្ឌចំការមនរង់ចាំដោះស្រាយតាមផ្លូវច្បាប់ នាពេលក្រោយ ៕