សៀមរាប ៖ ដើម្បីចូលរួមអនុវត្តគោលនយោបាយកាត់បន្ថយភាពក្រីក្រ និងយុទ្ធសាស្ត្រចតុកោណ របស់រាជរដ្ឋាភិបាលកម្ពុជា ក៏ដូចជាការចូលរួមលើកកម្ពស់ក្នុងការទប់ស្កាត់នូវផលប៉ះពាល់ដល់សុខភាព និងប៉ះពាល់ដល់បរិស្ថាន ដែលកើតឡើងដោយសារបារី កាកសំណល់បារី និងផ្សែងបារី ឯ.ឧ ហោ សារុន រដ្ឋលេខាធិការក្រសួងទេសចរណ៍ តំណាងដ៏
ខ្ពង់ខ្ពស់ឯ.ឧបណ្ឌិត ថោង ខុន រដ្ឋមន្ត្រីក្រសួងទេសចរណ៍ បាន អញ្ផើញជាអធិបតីក្នុងសិក្ខាសាលាផ្សព្វផ្សាយស្តីពីវិធានការហាមជក់បារី និងបង្អុយផ្សែងផលិតផលថ្នាំជក់ នៅកន្លែងធ្វើការ និងកន្លែងសាធារណៈ នាព្រឹកថ្ងៃទី០៩ ខែកញ្ញា ឆ្នាំ២០១៤ នៅរដ្ឋបាលសាលាខេត្តសៀមរាប ដោយមានវត្តមានចូលរួមពីគណៈអភិបាលខេត្ត មន្ទីរ-អង្គភាពពាក់ព័ន្ធ អាជីវកម្មទេសចរណ៍ ប្រតិបត្តិករទេសចរណ៍ និស្សិតបានចូលរួមផងដែរ។
ក្នុងកិច្ចស្វាគមន៍របស់ឯ.ឧ ម៉ៅ វុឌ្ឍី អភិបាលរងខេត្តសៀមរាប បានមានប្រសាសន៍ថា អ្នកជក់បារី និងអ្នកស្រូបផ្សែងបារីអាចបណ្តាលឲ្យកើតជំងឺមហារីកស្ងួត ដាច់សសៃឈាមខួរក្បាល មហារីកមាត់ គាំងបេះដូង ក្រិនសសៃឈាម មហារីក្រពះ ប្លោកនោមរបស់អ្នកជក់ និងអ្នកនៅជុំវិញ ជាពិសេសស្ត្រីដែលមានផ្ទៃពោះ អាចធ្វើឲ្យទារកកើតមកខ្វះទំងន់ និងមានរាងកាយមិនគ្រប់លក្ខណៈ។
ថ្លែងក្នុងឳកាសនោះដែរឯ.ឧ ហោ សារុន រដ្ឋលេខាធិការក្រសួងទេសចរណ៍ បានមានប្រសាសន៍ថា គោលបំណងក្នុងអង្គសិក្ខាសាលានេះ ដើម្បីចូលរួមការពារសុខមាលភាពប្រជាពលរដ្ឋ ប្រតិបត្តិករទេសចរណ៍ មន្ត្រីរាជការពីការរងគ្រោះដោយសារផ្សែងផលិតផលថ្នាំជក់ ដែលបង្កឲ្យមានហានិភ័យដល់សុខភាពអ្នកនៅជុំវិញ ពិសេសភ្ងៀវទេសចរណ៍ ជួយជំរុញការការពារបរិស្ថាន និងការកាត់បន្ថយការប្រើប្រាស់ផលិតផលថ្នាំជក់ ។
ឯ.ឧ ហោ សារុន បានបញ្ផាក់ថា ការប្រើប្រាស់ថ្នាំជក់គឺជាកត្កាប្រឈមខ្ពស់ដែលនាំឲ្យកើតជំងឺមហារីកថ្នាំជក់គឺជាឃាតករដែលសម្លាប់មនុស្សប្រមាណ៦លាននាក់ទូទាំងពិភពលោកជារៀងរាល់ឆ្នាំ ដែលក្នុងនោះមនុស្សចំនួន៦សែននាក់បានស្លាប់ដោយសារការស្រូបផ្សែងថ្នាំជក់ពីគេ ដែលជាកត្កាមួយគួរឲ្យព្រួយបារម្ភជាខ្លាំង ហើយបើគ្មានវិធានការគ្រប់គ្រងឲ្យបានម៉ឹងម៉ាត់ពីការប្រើប្រាស់ថ្នាំជក់ នោះចំនួនអ្នកស្លាប់នឹងមានការកើនឡើង។ លោក ខេង ខេមរា