សៀមរាប នាព្រឹកថ្ងៃទី ០៩ ខែ កញ្ញា ឆ្នាំ២០១៤ នៅសណ្ឋាគារអប្សរាអង្គរ ខេត្តសៀមរាប មានធ្វើសន្តិសិទ ស្តីពីការជម្រុញ ពាណិជ្ជកម្ម វិនិយោគ និងទេសចរណ៍ ក្នុងតំបន់អភិវឌ្ឍន៍ត្រីកោណ កម្ពុជា ឡាវ វៀតណាម លើកទី៨ ដែលត្រូវបានរៀបចំឡើងដោយក្រុមប្រឹក្សាអភិវឌ្ឍន៍កម្ពុជា ក្រោមកិច្ចសហប្រតិបត្តិការជាមួយក្រសួងពាណិជ្ជកម្មកម្ពុជា និងដៃគូពាក់ ព័ន្ធនានាផងដែរ ។ សន្និសិទនេះបានប្រព្រឹត្តទៅក្រោមអធិបតីភាពលោក ជា វុទ្ធី អគ្គលេខាធិការរង គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាលោកឃឹមប៊ុនសុង អភិបាលនៃគណៈអភិបាលខេត្តសៀមរាបនិងលោកស៊ុំចិត្រអិនថាមិត្ត អនុរដ្ឋមន្ត្រីក្រសួងផែនការនិងវិនិយោគនៃសាធារណរដ្ឋប្រជាធិបតេយ្យប្រជាមានិតឡាវ និង លោកឌូ ញ៉ាតហ៊ង់ អគ្គនាយក ទីភ្នាក់ងារវិនិយោគបរទេសនៃក្រសួងផែនការ និង វិនិយោគ នៃសាធារណរដ្ឋសង្គមនិយម វៀតណាម ដោយមាន
ការចូលរួមពីគណៈអភិបាលខេត្ត និង តំណាងខេត្តទាំង១៣ដែលជាប់តំបន់អភិវឌ្ឍន៍ត្រីកោណ របស់ប្រទេសកម្ពុជា ឡាវ វៀតណាម និង ថ្នាក់ដឹកនាំក្រសួង មន្ទីរពាក់ព័ន្ធ និង អ្នកវិនិយោគនៃប្រទេសទាំងបី សរុបចំនួន ៣៥០នាក់ដែលបានចូលរួម ។ នៅក្នុងកិច្ចស្វាគមន៍របស់លោកឃឹមប៊ុនសុងក៏បានលើកឡើងពីស្ថានភាពភូមិសាស្ត្រ ក៏ដូចជាសក្តានុពលរបស់ ខេត្តសៀមរាប ដែលជាខេត្តប្រវត្តិសាស្ត្រដ៏ល្បីល្បាញ របស់ព្រះរាជាណាចក្រកម្ពុជា ដែលបានទាក់ទាញដល់អារម្មណ៍ភ្ញៀវទេសចរណ៍ជាតិអន្តរជាតិចូលមកទស្សនាកម្សាន្ត។ ឯកឧត្តមក៏បានស្វាគមន៍ផងដែរក្នុងវត្តមានចំពោះអស់លោកលោកស្រី នៅលើទឹកដីប្រវត្តិសាស្ត្រអង្គរនៃយើងនេះនិងបានថ្លែងអំណរគុណដល់គណៈកម្មាធិការរៀបចំពិធី ដែលបានសម្រេចជ្រើសយកខេត្តសៀមរាប ធ្វើជាទីតាំងរៀបចំពិធីដ៏មហោឡារិកនេះ ។ ដោយ ប្រទេសនៃតំបន់អភិវឌ្ឍន៍ត្រីកោណ របស់ប្រទេស
កម្ពុជា ឡាវ វៀតណាម ទទួលធ្វើជាម្ចាស់ផ្ទះម្តងម្នាក់ ក្នុងការរៀបចំសន្និសិទ និង កិច្ចប្រជុំដទៃផ្សេងទៀត ត្រូវបានរៀបចំឡើងជាប្រចាំឆ្នាំ ដើម្បីតាមដាន និង ពិនិត្យពីវឌ្ឍន ភាព នៃការអនុវត្តផែនការ កែលម្អបរិស្ថាន វិនិយោគ ពាណិជ្ជកម្ម និង ទេសចរណ៍ ក្នុងតំបន់ត្រីកោណ ។ ក្នុងនាមរាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែននាយករដ្ឋមន្ត្រី ថ្នាក់ដឹកនាំក្រុមប្រឹក្សាអភិវឌ្ឍន៍ កម្ពុជា និង គណៈប្រតិភូកម្ពុជា លោកជា វុទ្ធីបានសម្តែងសេចក្តីសោមនុស្សរីករាយ ដែលបានសហការជាមួយគណៈ ប្រតិភូឡាវ និង វៀតណាម បានរៀបចំសន្និសីទលើកទី៨នេះឡើង ដូចសព្វដង ។ ហើយផ្លែផ្កានៃសន្និសិទ ដែលជានិច្ច កាល ប្រទេសទាំងបី សម្ខាន់ខេត្តទាំង១៣ បានទទួលនូវវឌ្ឍនភាព និង សមទ្ធិផលជាច្រើនក្នុងក្របខណ្ឌកិច្ចសហ-ប្រតិបត្តិការនៅក្នុងតំបន់ត្រីកោណអភិវឌ្ឍន៍និងជាពិសេសការទទួលបានផលដោយផ្ទាល់ ពីកិច្ចការជម្រុញការវិនិយោគ ពាណិជ្ជកម្ម និង ទេសចរណ៍ តាមរយៈការរៀបចំពិព័ណ៌ពាណិជ្ជកម្ម ការធ្វើសាមញ្ញកម្មនីតិវិធីនាំចេញ និង ដំណើរការ ចុះបញ្ជីពាណិជ្ជកម្ម ការផ្តល់នឹងលើកទឹកចិត្តពន្ធដារ ដើម្បីជាបច្ច័យដល់ការទាក់ទាញ និង លើកស្ទួយ
ការវិនិយោគ ពាណិជ្ជកម្ម និង ទេសចរណ៍នៅក្នុងតំបន់ត្រីកោណអភិវឌ្ឍន៍ ។ លោកជា វុទ្ធី ក៏បានបញ្ជាក់ផងដែរ ទន្ទឹមនឹងវឌ្ឍនភាពនិងសមទ្ធិផលខាងលើយើងបានរកឃើញនូវបញ្ហាប្រឈមមួយចំនួននិង បញ្ហាកង្វះខាតហេដ្ឋារចនាសម្ព័ន្ធរូបវ័ន្តមានផ្លូវថ្នល់និង កង្វះនូវយន្តការសម្របសម្រួលការអនុវត្តគោលនយោបាយអភិវឌ្ឍន៍ និង ការជម្រុញវិនិយោគ ពាណិជ្ជកម្ម និង ទេសចរណ៍ជាដើម ។ ឯកឧត្តមក៏លើកផងដែរថា តាមរយៈអង្គសន្តិសិទលើកទី៨នេះ នឹងរកឃើញនូវធាតុចូល ផ្សេងៗជាច្រើន ជូនដល់កិច្ចប្រជុំគណៈកម្មាធិការចម្រុះសម្របសម្រួល ដែលនឹងប្រព្រឹត្តទៅនៅថ្ងៃទី១២ កញ្ញា ២០១៤ បន្ទាប់ពីសន្និសិទនេះត្រូវបានបញ្ចប់ ។ ដោយចាត់ទុកវិស័យឯកជនជាដៃគូអភិវឌ្ឍន៍ដែលមិនអាចខ្វះបាននោះ លោកជាវុទី្ធក៏បាន
អំពាវនាវដល់អ្នកវិនិយោគជាតិនិងបរទេស ដែលមានវត្តមានក្នុងអង្គសន្និសិទ្ធនេះចូលរួមចំណែកការអភិវឌ្ឍន៍តំបន់ត្រីកោណ គឺអភិវឌ្ឍន៍ទៅតាមសក្តានុពលរបស់ខេត្តនិមួយៗ និងបានអំពាវនាវដល់អាជ្ញាធរខេត្តស្ទឹងត្រែង ក្រចេះ, រតនគីរី និង ខេត្តមណ្ឌលគីរីមេត្តាពិនិត្យ និង រៀបចំបញ្ជីតំបន់រមណីយដ្ឋានធម្មជាតិរបស់ខេត្តខ្លួននិង ឲ្យបាន ច្បាស់លាស់ ដើម្បីឲ្យអ្នលវិនិយោគ ចូលរួមអភិវឌ្ឍន៍តំបន់ទាំងនោះ ដើម្បីត្រៀមលក្ខណៈឲ្យបានគ្រប់គ្រាន់ដោយនៅឆ្នាំ ២០១៥ខាងមុខនេះកម្ពុជាយើងនឹង ធ្វើសមាហរណកម្មសេដ្ឋកិច្ចអាស៊ាន ក្នុងការតម្រូវការទីផ្សារនៅក្នុងតំបន់ផងដែរ៕ Bun rithy