ក្រោយរយៈពេលយ៉ាងយូរដែលបាន ដាក់ស្ថានីយរុករកប្រេងតំបន់សមុទ្រទឹកជ្រៅធំបំផុត គឺស្ថានីយរុករកប្រេង HD981 ដែលបានដាក់ឱ្យរុករកនៅតំបន់ សមុទ្រចិនភាគខាងត្បូង ដោយលទ្ធផល បានរកឃើញអណ្ដូងរ៉ែឧស្ម័នធម្មជាតិនៅ ចម្ងាយពីកោះហៃណាំ១៥០គីឡូម៉ែត្រ ។ អ្នកឯកទេសពីការរុករកឧស្ម័នធម្មជាតិ បានប្រកាសឱ្យដឹងកាលពីខែសីហាកន្លង មកថា ស្ថានីយរុករកប្រេងបានរកឃើញ ឧស្ម័នធម្មជាតិដែលអាចផលិតបានឧស្ម័ន ហ្គាសរហូតដល់ ៥៦,៥លានម៉ែត្រគូប ក្នុង១ថ្ងៃ ជាចំនួនច្រើនបំផុតមិនធ្លាប់ មាន ។
ប្រធានក្រុមហ៊ុនរុករកប្រេងនៅ មហាសមុទ្រ CNOOC លោក Xie Yuhong បានឱ្យដឹងថា ការរកឃើញថ្មី នេះ គឺមានចំនួនថាមពលប្រេងច្រើន ជាងគេបំផុតមិនធ្លាប់មានក្នុងការរុករក នាពេលកន្លងមក ។ អណ្ដូងរ៉ែធម្មជាតិ នោះមានជម្រៅដល់ទៅ ១.៥០០ម៉ែត្រ ក្រោមបាតសមុទ្រ ។ ក្រុមអ្នកឯកទេសចិនបានប្រកាសឱ្យ ដឹងថា ដើម្បីខួងយកឧស្ម័នធម្មជាតិនោះ ទៅប្រើប្រាស់ គឺត្រូវការពេលវេលា ច្រើន ។
ស្ថានីយរុករកប្រេង HD981 បានដាក់ឱ្យដំណើរការតាំងពីដើមខែ ឧសភា ឆ្នាំ២០១២មកម្ល៉េះ ប៉ុន្ដែទើបតែ រកឃើញអណ្ដូងប្រេងដ៏ធំមួយនេះ ។ បើ ទោះបានរកឃើញឧស្ម័នធម្មជាតិ ប៉ុន្ដែ ត្រូវប្រើប្រាស់ពេលវេលាពី៤-៥ឆ្នាំទៀត ទើបអាចទាញយកឧស្ម័ននោះមកប្រើ ប្រាស់បាន ។ ដោយសារតែកង្វះហេដ្ឋា រចនាសម្ព័ន្ធ សម្ភារសម្រាប់ការខួងយក ឧស្ម័ន ។
ស្ថានីយរុករកប្រេង HD981 បានដាក់ ឱ្យដំណើរការនៅខែឧសភា ស្ថិតនៅ តំបន់សមុទ្រ ស្ថិតក្នុងអធិបតេយ្យភាព របស់វៀតណាមរយៈពេល២ខែកន្លះបង្ក ឱ្យមានវិវាទ និងការថ្កោលទោសយ៉ាង ខ្លាំងពីសហគមន៍អន្ដរជាតិ មុនពេល ស្ថានីយរុករកប្រេងនោះដកចេញ ។ ក្នុង អំឡុងពេលដែលដាក់ស្ថានីយខួងប្រេង នោះ ចិនក៏បានបញ្ជូននាវាចម្បាំង យន្ដ ហោះចម្បាំងជាច្រើនមកការពារ ដោយ ក្នុងនោះមានការប៉ះទង្គិចជាមួយនាវា យាមល្បាតរបស់វៀតណាមទៀតផង 9។ ដោយផន សុខជាតិ
