ភ្នំពេញ-មនុស្សប្រុសស្រី២នាក់បានរងរបួសធ្ងន់ធ្ងរដេកសន្លប់ស្តូកស្តឹងនៅក្នុងថ្លុកឈាម នឹងមនុស្សស្រី២នាក់ទៀត រងរបួសស្រាល ដោយគ្រាន់តែរលាត់ដៃជើងតិចតួចខណះពេលជិះម៉ូតូស៊ូហ្ស៊ឺគីនិចពណ៌សមួយគ្រឿងលឿនដូចហោះ ក៏ទៅបុកនឹងរថយន្តរ៉េនរ៉ូវើលពណ៌ខ្មៅមួយគ្រឿងរបស់ថៅកែខារ៉ាអូខេវិមានស្ទឹងលាភដែលកំពុងបត់ឆ្វេងឆ្លង់ផ្លូវចូល ខារ៉ាអូខេនោះចំពីចំហៀងគូទរថយន្តពេញទំហឹង កាលពីវេលាម៉ោង១២នឹង២៥នាទីរំលង់អាធ្រាត្រឈានចូល ថ្ងៃទី២៩ខែកញ្ញា ឆ្នាំ២០១៤តាមបណ្តោយផ្លូវ១៩៨៦ ទល់មុខនឹងខារ៉ាអូខេខាងលើស្ថិតក្នុងសង្កាត់ភ្នំពេញថ្មី ខណ្ឌសែនជ័យ។
មនុស្សប្រុសស្រីដែលរងរបួសធ្ងន់ស្រាលទាំង៤នាក់ ទី១ ឈ្មោះបឿន អាយុ២៥ឆ្នាំ ភេទប្រុស ជាអ្នកបើកម៉ូតូទី២ ជានារីឈ្មោះស្រីល័ក្ឋ អាយុ២៤ឆ្នាំ ទាំង២នាក់រងរបួសធ្ងន់ធ្ងរចំណែកនារី២នាក់ទៀត រងរបួសស្រាលនោះឈ្មោះទឹម យ៉ា អាយុ១៧ឆ្នាំ ទី៤ឈ្មោះរស់ ណែត អាយុ២១ឆ្នាំ ទាំង៤នាក់ស្នាក់នៅ ក្នុងសង្កាត់កាកាប ខណ្ឌពោធិសែនជ័យ។ ចំណែកអ្នកបើករថយន្តរ៉េនរ៉ូវើលដែលគេស្គាល់ថាជាម្ចាស់ខារ៉ាអូខេ វិមានស្ទឹងលាភនោះសមត្ថកិច្ចខណ្ឌសែនសុខមិនទាន់ស្គាល់អត្តសញ្ញានៅឡើយទេ។
ប្រភពពត៏មានពីកន្លែងកើតហេតុបានអោយដឹងថាមុនពេលកើតហេតុគេឃើញរថយន្តរ៉េនរ៉ូវើលពណ៌ខ្មៅមួយគ្រឿង ពាក់ស្លាកលេខភ្នំពេញ2V-3355 បើកបរដោយបុរសម្នាក់ដែលគេស្គាល់ថាជាថៅកែខារ៉ាអូខេ វិមាន ស្ទឹងលាភ បានធ្វើ ដំណើរយ៉ាងលឿនតាមបណ្តោយផ្លូវ១៩៨៦ក្នុងទិសដៅពីលិចទៅកើតស្រាប់តែមកដល់មុខខារ៉ាអូខេរបស់ខ្លួនក៏បាន បត់ឆ្វេងឆ្លង់ផ្លូវក៏ត្រូវម៉ូតូស៊ូហ្ស៊ឺគី និច ពណ៌ស មួយគ្រឿងពាក់ស្លាកលេខ កណ្តាល 1O-5920 បើកដោយបុរសម្នាក់ រួមដំណើរដោយនារី៣នាក់បុកចំពីចំហៀងគូទខាងឆ្វេងពេញទំហឹង បណ្តាលអោយបុរសជាអ្នកបើកម៉ូតូ នឹងនារីម្នាក់ ទៀតដែលជិះនៅកណ្តាលបានប៉ើងហោះទៅបុកផ្ទប់នឹងកញ្ចក់ក្រោយខាងឆ្វេងនោះបែកក្បាលហូរឈាមកក្លាក់ រងរបួសធ្ងន់ធ្ងរ ត្រូវបានរថយន្តសាមុយដឹកយកទៅសង្គ្រោះបន្ទាន់នៅគ្លីនិចឯកជនមួយ ចំណែកនារី២នាក់ទៀត ជិះពីក្រោយរងរបួសស្រាលដោយគ្រាន់តែរលាត់ដៃជើងតិចតួច ។
ឃើញដូចនោះអ្នកបើករថយន្តរ៉េន រ៉ូ វើល ដែលគេ ស្គាល់ថាជាថៅកែខារ៉ា អូខេ វិមាន ស្ទឹងលាភខាងលើបានបើករថយន្តរបស់ខ្លួនចេញពីកន្លែងកើតហេតុ ហើយទៅឈប់ ចតនៅមុខខារ៉ាអូខេរបស់ខ្លួនដែលនៅក្បែរនោះ រួចចុះពីលើរថយន្តដើរចូលទៅក្នុងខារ៉ាអូខេនោះបាត់ទៅ។ ក្រោយពេលកើតហេតុសមត្ថកិច្ចបានធ្វើការវាល់វែងយករថយន្តនឹងម៉ូតូខាងលើទៅរក្សាទុកនៅការិយាល័យចរាចរផ្លូវគោកនៃស្នង់ការដ្ឋាននគរបាលរាជធានីភ្នំពេញដើម្បីធ្វើការដោះស្រាយគ្នាទៅតាមផ្លូវច្បាប់៕
