ភ្នំពេញ-មនុស្ស២ក្រុមមានគ្នាប្រមាណ១២នាក់បានឈ្លោះប្រកែកគ្នារហូតដល់វាយតប់គ្នាបែកក្បាលក៏ឈានដល់ ការផ្ទុះអាវុធចំនួន៣គ្រាប់ បង្កអោយមានភាពភ្ញាក់ផ្អើលដល់មន្ត្រីយោធា ក្នុងបន្ទាយ៩៩៩ ដែលនៅក្បែរនោះ ចេញ អន្តរាគមន៍នឹងធ្វើការឃាត់ខ្លួនពួកបង្កភាពអនាធិបតេយ្យ
ទាំងនោះតែដោយសារស្ថានការមានភាពរញ៉េរញ៉ៃខ្លាំងពេក ក្រុមមន្ត្រីយោធាទាំងនោះក៏សម្រេចចិត្តបាញ់១០គ្រាប់សង់វិញដើម្បីអោយក្រុមដែលវាយតប់គ្នាហើយមានកាំភ្លើង ទាំងនោះភ័យស្លោនស្លោររត់ចែកជើងគ្នាគេចខ្លួនបាត់អស់ស្រមោលអស់ទៅ ដែលហេតុការណ៍នេះបានកើតឡើង កាលពីវេលាម៉ោង៩នឹង២៥នាទីយប់ ថ្ងៃទី២៨ ខែកញ្ញា ឆ្នាំ២០១៤ នៅតាមបណ្តោយផ្លូវ២០០៤ ស្ថិតនៅក្នុង ភូមិត្រពាំងល្វា សង្កាត់កាកាប់ខណ្ឌសពោធិសែនជ័យ។
យោងតាមការអោយដឹងពីរមេការក្នុងហាងផឹកស៊ី៩៩៩៩ដែលសុំមិនបញ្ចេញឈ្មោះបានប្រាប់ក្រុមអ្នកយកពត៏មាននឹងសមត្ថកិច្ចអោយដឹងថានៅមុនពេលកើតហេតុមានមនុស្ស១ក្រុមមានគ្នា៦នាក់ដោយក្នុងនោះម្នាក់មានកាំភ្លើងនៅចង្កោះបានជិះម៉ូតូ៣គ្រឿងមិនចាំម៉ាកចូលមកផឹកស៊ីក្នុងហាងរបស់គាត់តាំងពីរម៉ោង៦ល្ងាចរហូតដល់ម៉ោង៧ក៏មានមនុស្ស ១ក្រុមទៀតមានគ្នា៦នាក់ជិះម៉ូតូ៣គ្រឿងដែលបានចូលមកផឹកស៊ីនៅក្នុងហាងរបស់គាត់ដូចគ្នាហើយក៏អង្គុយតុក្បែរគ្នាទៀត ដោយពេលនោះភាគីម្ខាំងដែលចូលមកផឹកមុនស្រវឹងខ្លាំងក៏បានឡូឡាហើយបានបោកកំប៉ុងស្រាបៀរ២កំប៉ុង បណ្តាលអោយខ្ទាតស្រាបៀរទៅប្រឡាក់នឹងខោវអាវភាគីម្ខាំងទៀតដែលអង្គុយក្បែរនោះ ធ្វើអោយភាគីខាងនោះខឹង ក៏ដើរទៅសួរថាម៉េចបាន ពួកលោកឯងផឹកស៊ីបោកកំប៉ុងស្រាបៀរទៅប្រឡាក់ខោវអាវពួកគាត់បែបនេះ ឭដូចនោះភាគី ម្ខាងទៀតបានឆ្លើយតបវិញថាបើអាចបោកកំប៉ុងស្រាបៀរទៅប្រឡាក់ខោវអាវពួកហ្អែងប៉ុណ្ណឹងវាយ៉ាងម៉េច ពួកហ្អែង អត់ស្គាល់កាំភ្លើងទេហ្អេស ឬក៏ចង់ងាប់ និយាយរួចក៏បានស្ទុះទៅវាយភាគីម្ខាំងនោះតែម្តង់ទៅធ្វើអោយមានការ វាយតប់គ្នាទៅវិញទៅមក រហូតដល់មានការផ្ទុះអាវុធចំនួន៣គ្រាប់ក្នុងហាងផឹកស៊ីនោះតែម្តង់ទៅ បង្កអោយមាន ភាពភ្ញាក់ផ្អើលដល់មន្ត្រីយោធានៅក្នុងបន្ទាយកង់ដឹកជញ្ចូន៩៩៩ដែលនៅក្បែរនោះចេញមកអន្តរាគមន៍ ដេញឃាត់ នឹងដេញចាប់មនុស្សទាំង២ក្រុមដែលកំពុងវាយតប់គ្នាក្នុងហាងផឹកស៊ីនោះ តែដោយឃើញស្ថានភាពរញ៉េរញ៉ៃ មិនជានរណាវាយនរណា ហើយមនុស្សក៏នាំគ្នាចោមរោមមើលច្រើនទៀតនោះ ក្រុមមន្ត្រីយោធាទាំងនោះក៏បាន បាញ់១០គ្រាប់ទៀត ដើម្បីបង្អើលដល់មនុស្សទាំង២ក្រុមនោះភ័យស្លោនស្លោរ រត់ចែកជើងគ្នាអស់ទៅ។ ក្រោយពេល កើតហេតុសមត្ថកិច្ចខណ្ឌពោធិសែនជ័យដែលមានទាំងកងរាជអាវុធហត្ថខណ្ឌនឹងប៉ូលីសខណ្ឌពោធិសែនជ័យបានចុះទៅដល់កន្លែងកើតហេតុហើយកំពុងធ្វើការសួរនាំក្រុមមន្ត្រីយោធាទាំងនោះនឹងប្រជាពលរដ្ឋនៅក្បែរនោះស្រាប់តែមានបុរស២នាក់ជិះម៉ូតូធន់ធំម៉ាកភូសា ពណ៌ស មួយគ្រឿងពាក់ស្លាកលេខ1CK-8555 បានមកជេប្រមាណសមត្ថកិច្ចថា ធ្វើការដូចឆ្កួត ពេលក្រុមជនល្មើសបង្កហេតុមិនព្រមចុះមកទេ ទាល់តែក្រុមជនល្មើសរត់អស់បាននាំគ្នាមកធ្វើការសួរនាំ ពេលនិយាយរួចក៏ជិះម៉ូតូចេញ ធ្វើអោយក្រុមសមត្ថកិច្ចខឹងក៏ធ្វើការឃាត់នឹងធ្វើការសួរនាំបុរសទាំង២នាក់នោះ ហើយ អោយបុរសទាំង២នាក់សុំទោសពួកគាត់ ទើបអោយត្រលប់ទៅផ្ទះវិញ។ ដោយធ្វើការសួរនាំនៅកន្លែងកើតហេតុនោះ រួចសមត្ថកិច្ចខណ្ឌពោធិសែនជ័យក៏បានធ្វើការឃាត់ខ្លួនបុរសម្នាក់ជាមេការនឹងស្ត្រីម្នាក់ទៀតដែលបំរើការងារក្នុងហាង ផឹកស៊ី៩៩៩៩នោះយកទៅធ្វើការសាកសួរនៅអធិការដ្ឋាននគរបាលខណ្ឌពោធិសែនជ័យដើម្បីឈានទៅធ្វើការឃាត់ ខ្លួនមនុស្សទាំង២ក្រុមដែលចូលមកផឹកស៊ីហើយវាយតប់គ្នានឹងផ្ទុះអាវុធបង្កភាពអនាធិបតេយ្យក្នុងរាជធានីភ្នំពេញ បែបនេះយកផន្ទាទោសទៅតាមផ្លូវច្បាប់៕
