កំពង់ធំ ៖ នៅក្នុងសាលាប្រជុំ គណៈបក្សប្រជាជនកម្ពុជា ស្រុកប្រាសាទសំបូរ មានពិធីតែងតាំង និងផ្លាស់ ប្តូរតួរនាទីមួយចំនួន របស់គណៈបក្សប្រជាជនកម្ពុជា ក្រោមអធិបតីភាព ឯកឧត្តម ផាន់ សុផេង ទីប្រឹក្សា ឯកឧត្តម ងួន ញ៉ិល អនុប្រធានទី១ នៃរដ្ឋសភាព និងជាអនុប្រធាន ក្រុមការងារចុះជួយស្រុកស្ទោង ស្រុក សណ្តាន់ និងស្រុកប្រាសាទសំបូរ ព្រមទាំងថ្នាក់ដឹកនាំក្នុងជួរគណៈជាច្រើននាក់ចួលរួម នៅព្រឹកថ្ងៃទី ១ ខែ មិនា ឆ្នាំ ២០១៤ ។
ស្រុកប្រាសាទសំបូរ កាលដើមឡើយ លោក ម៉ា ហ៊ុន ជាប្រធានគណៈបក្សសម្រាប់បំរើសចក្តីត្រូវការរបស់ បងប្អូនប្រជាពលរដ្ឋ ខណៈពេលនេះត្រូវបានផ្លាស់ប្តូរ ឲ្យទៅបំរើការងារនៅខេត្តវិញម្តង ទើបត្រូវបានជ្រើស តាំង លោក ខៀវ ប៉ាង ជាអភិបាលស្រុកប្រាសាទសំបូរ និងជាប្រធាន គណៈបក្សប្រជាជនកម្ពុជា ក្នុងការដឹកនាំនាវាសន្តិភាពនេះ ឲ្យឈានរកភាពរីកចម្រើន នៅក្នុងដែនដី នៃស្រុកប្រាសាទសំបូរនេះ ក៏ដូចជាការស្ម័គ្រ ចិត្តឥតមានការប្រកែក ក្នុងការព្វកិច្ចចូលខ្លួនបំរើប្រជាពលរដ្ឋ បំរើជាតិសាសនា រាជរដ្ឋាភិបាលស្របច្បាប់ព្រះមហាក្សត្រ ។
លោក ខៀវ ប៉ាង បានប្តេជ្ញាចិត្ត និងខិតខំរកដំណោះស្រាយ ដោយសមស្រប មានភាពសច្ចះធម៌ យុត្តិធម៌ស្មោះត្រង់មិនលំអៀង តាមការស្នើរសុំរបស់ប្រជាពល រដ្ឋ និងព្យាយាមគៀងគរ រកអ្នកវិនិយោគទុន មក អភិវឌ្ឍន៍ ក្នុងមូលដ្ឋាន ឲ្យមានភាពរីកចម្រើន នៅក្នុងមូលដ្ឋាន ។
ឯកឧត្តម ផាន់ សុផេង អនុប្រធានចុះជួយស្រុកប្រាសាទសំបូរ បានមានមតិផ្តាំផ្ញើរ ដល់លោក ខៀវ ប៉ាង ប្រធានគណៈប្រជាជនកម្ពុជា ស្រុកប្រាសាទសំបូរ ឲ្យមានការយកចិត្តទុកដាក់ ចំពោះផលប្រយោជន៍របស់ ប្រជាពលរដ្ឋ ជារឿងសំខាន់ ដើម្បីឲ្យមានការជឿជាក់ និងមានទំនុកចិត្តចំពោះគណៈបក្សប្រជាជនកម្ពុជា និងចុះជួយរាល់ ប្រជាពលរដ្ឋមានទុក្ខលំបាក ចូលរួមសហការជាមួយសមត្ថកិច្ច ក្នុងការបង្ក្រាប
បទល្មើស ផ្សេងៗនៅក្នុងមូលដ្ឋាន ត្រូវអនុវត្តន៍ នូវគោលនយោបាយភូមិឃុំ មានសុវត្តិភាពទាំង៩ចំនុច ព្រោះក្នុងនាម យើងជាថ្នាក់ដឹកនាំ ប្រៀបដូចជាឳពុក ម្តាយ និងជាអាណាព្យាបាយ ជាទីពឹងពាក់របស់ប្រជាជលរដ្ឋ ដឹកនាំប្រជាពលរដ្ឋ ឲ្យចូលរួមទប់ស្កាត់ រាល់បទល្មើសផ្សេងៗ ដើម្បីឲ្យមានសុវត្តិភាពនៅក្នុងភូមិ ឃុំ ។