បន្ទាយមានជ័យ ៖ព្រះករុណាព្រះបាទសម្តេចព្រះបរមនាថ នរោត្តម សីហមុនីបានត្រាស់បង្គាប់ធ្វើការបន្ធូរ បន្ថយទោស ដល់ទណ្ឌិតពី៣ខែ ដល់៦ខែចំនួន ១៩នាក់ ក្នុងនោះស្រី០នាក់ មានទណ្ឌិតពី៣ខែមានចំនួន១៧នាក់ និងទណ្ឌិតពី៦ខែមានចំនួន២នាក់ នៅព្រឹក ថ្ងៃទី ១៥ ខែ មិថុនា ឆ្នាំ ២០២៣ក្នុងឪកាសពិធីបុណ្យជាតិធំៗ។
លោក ង៉ោ ម៉េងជ្រួន អភិបាលខេត្តបន្ទាយមានជ័យស្តីទី អញ្ជើញជាធិបតីក្នុងកិច្ចប្រជុំប្រកាស ព្រះរាជក្រឹត្យបន្ធូរបន្ថយទោស និងលើកលែងទោសក្នុងឱកាសពិធីបុណ្យចូលឆ្នាំ ប្រពៃណីជាតិ និងបុណ្យវិសាខបូជា ជូនទណ្ឌិតជាប់ឃុំក្នុងពន្ធនាគារខេត្ត ដោយមានការចូលរួម លោក ស៊ិន វិសុទ្ធ ព្រះរាជអាជ្ញារង នៃអយ្យការអមសាលាដំបូងខេត្ត តំណាងដ៏ខ្ពង់ខ្ពស់ ឯកឧត្តម កើត វណ្ណារ៉េត ព្រះរាជអាជ្ញា នៃអយ្យការអមសាលាដំបូងខេត្តបន្ទាយមានជ័យ លោកឧត្តមអត្គានុរក្សថ្នាក់លេខ២ អ៊ុង សុីផាន ប្រធានពន្ធនាគារ លោកវរសេនីយ៍ឯក ពៅ ខេមរ៉ា ស្នងការរងនគរបាលខេត្តបន្ទាយមានជ័យ អ្នកពាក់ព័ន្ធ ធ្វេីឡេីងនៅក្នុងពន្ធនាគារខេត្តបន្ទាយមានជ័យ ស្ថិតនៅភូមិទំនប់ជ្រៃ សង្កាតទឹកថ្លា ក្រុងសិរីសោភ័ណ ខេត្តបន្ទាយមានជ័យ។
លោកឧត្តមអត្ថានុរក្សថ្នាក់លេខ២ អ៊ុង សុីផាន ន៊ជាប្រធានពន្ធនាគារខេត្តបន្ទាយមានជ័យបានមានប្រសាសន៍ឲ្យដឹងថា អ្នកទោសដែលជាប់ឃុំឃាំងជាក់ស្តែង មានចំនួន១.៦០២នាក់ មានស្រី៨៣នាក់ ក្នុងនោះ មានជនត្រូវចោទមានចំនួន២៩៧នាក់ ស្រីមានចំនួន១៦នាក់ ជនជាប់ចោទមានចំនួន២៨៧នាក់ ស្រីមានចំនួន១៦នាក់ ពិរុទ្ធជនមានចំនួន៧៦២នាក់ ស្រីមានចំនួន៤០នាក់ អនិតិជនមានចំនួន២២៥នាក់ ស្រីមានចំនួន៦នាក់ ជនបរទេសសរុបមានចំនួន៦៥នាក់ ស្រី៤នាក់ ក្នុងនោះមានជនជាតិថៃមានចំនួន៥១នាក់ស្រី២នាក់ ជនជាតិវៀតណាមមានចំនួន៥នាក់ស្រី២នាក់ ជនជាតិឥណ្ឌូនេសុីមានចំនួន៤នាក់ ស្រី០នាក់ ជនជាតិចិនមានចំនួន៤នាក់ស្រី០នាក់ជនជាតិសិង្ហបូរីមានចំនួន១នាក់ស្រី០នាក់ ជនពិកាមានចំនួន២៦នាក់។
លោកអ៊ុងសុីផាន បានមានប្រសសន៍ឲ្យដឹងបន្តទៀតថា
ពន្ធនាគារខេត្តបន្ទាយមានជ័យ បានអនុវត្តនៅតួនាទីភារកិច្ចរបស់ខ្លួនដូចជា ការអប់រំកែប្រែស្ដានិតិសម្បទា ការបណ្ដុះបណ្ដាលវិជ្ជាជីវៈ ការរក្សាសន្តិសុខសណ្ដាប់ធ្នាប់នៅក្នុងពន្ធនាគារ ការងារកសិកម្មសិប្បកម្ម ការអភិវឌ្ឍន៍ធនធានមនុស្ស និងការអភិវឌ្ឍន៍ហេដ្ឋារចនាសម្ព័ន្ធនានា ប្រកបដោយភាពទទួលខុសត្រូវខ្ពស់ ។
ក្រៅពីនេះអង្គភាពមានប៉ុស្តិ៍សុខភាពមួយខ្នងដែលគ្រប់គ្រងដោយអង្គភាពផ្ទាល់នឹងមានផ្នែកសុខាភិបាលជាអ្នកទទួលខុសត្រូវផងដែរ។
លោកអ៊ុង សុីផាន បានមានប្រសាសន៍ឲ្យដឹងបន្តទៀតថាអង្គភាពបានយកចិត្តទុកដាក់ លើគោលនយោបាយកំណែទម្រង់ពន្ធនាគារគឺការអប់រំកែប្រែនិងស្ដានីតិសម្បទាដល់ជនជាប់ឃុំ ដែលមានអប់រំផ្លូវចិត្តរៀនអក្សរខ្មែរ គ្រប់ចំណេះដឹង ចំណុចនេះអង្គភាពបានយកចិត្តទុកដាក់ធ្វើការបែងចែកចំណាច់ថ្នាក់សន្តិសុខដែលជាមូលដ្ឋានសម្រាប់ស្មើសុំបន្ធូរបន្ថយនិងលើកលេងទោសដល់ទណ្ឌិតស្របតាមនីតិវិធីច្បាប់ផងដែរ។
លោកអ៊ុង សុីផាន បានមានប្រសាសន៍ ឲ្យដឹងបន្តទៀតថា
ជនជាប់ឃុំទាំងអស់ត្រូវបាន ប្រធានពន្ធនាគារយកចិត្តទុកដាក់បណ្តុះបណ្តាលវិជ្ជាជីវះជូនដល់គាត់មានដូចជា រៀនកាត់ដេរ រៀនជួសជុលគ្រឿងអេឡិតត្រួនិច រៀនជួសជុលម៉ួតូ រៀនភ្លេងសម័យ រៀនកាត់សក់ រៀនអក្សរខ្មែរជាដើម ក្នុងនោះជនជាប់ឃុំត្រូវបានបន្ធូរបន្ថយទោសលើកលែងទោសក្នុង១ឆ្នាំមានចំនួន៣លើក មាន ៣ខែ.៦ខែ.និង៩ខែទៀតផង។
លោកង៉ោ ម៉េងជ្រួន អភិបាលរងខេត្តបន្ទាយមានជ័យបានមានប្រសាន៍ថាការបន្ធូបន្ថយដល់ទណ្ឌិតចំនួន១៩នាក់ ក្នុងបន្ធូបន្ថយទោសយះពេល៣ខែ បន្ធូរបន្ថយទោសរយះពេល៦ខែ លោកង៉ោម៉េងជ្រួន បានធ្វើការផ្តាំផ្ញើរដល់អ្នកជាប់ឃុំទាំងអស់ក្រោយពីស្គាល់រសជាតិជាប់គុកហើយចេញមកវិញត្រូវចេះកែខ្លួនឲ្យក្លាយជាមនុស្សល្អ ពលរ
ដ្ឋល្អ ទើបអាចរស់នៅក្នុងសង្គមបានស្រួលផងដែរ៕ដោយ៖ឃិន គន្ធា