សត្វពស់ចំរុះចំនួន៣៤គីឡូនិងរថយន្តកាមរីមួយគ្រឿងត្រូវបាននគបាលប្រឆាំងបទល្មើសសេដ្ឋកិច្ចខេត្តឃាត់រួចចាត់ការទៅតាមផ្លូវច្បាប់
សត្វពស់ចំរុះចំនួន៣៤គីឡូក្រាមនិងរថយន្តកាមរីមួយគ្រឿងដែលបានលួចដឹកពស់យកទៅដាក់ម៉ូយនៅតាមភៅជនីយ៍ដ្ឋានធំៗក្នុងខេ ត្តបន្ទាយមានជ័យត្រូវបានកំលាំងនគបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យធ្វើការឃាត់រួចបញ្ជូនមកស្នងការដើម្បីធ្វើកំហេតុចាត់ការណ៍ទៅតាមផ្លូវច្បាប់រួចសត្វពស់ទាំងនោះបានប្រគល់ឲ្យមេព្រៃយកទៅចាត់ការណ៍ទៅតាមច្បាប់ផងដែរ។ការចាប់រថយន្តកាមរីលួចដឹកដឹកពស់ខុសច្បាប់នោះនៅវេលាម៉ោង៣.៣០នាទីល្ងាចថ្ងៃទី២ខែតុលា២០១៤នៅចំណុចផ្សារថ្មីរ ហៅផ្សារចំការគស្ថិតនៅ
ក្នុងភូមិផ្សារថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។ លោកវរះសេនីយ៍ទោ ចាបសុផារិទ្ធិ នាយការិយាល័យនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យបានប្រាប់ថា:រថយន្តដែលឃាត់បានលួចដឹកសត្វពស់ខុសច្បាប់នោះធុនកាំម៉ារីផលិតឆ្នាំ១៩៩៥គ្មានពាក់ផ្លាក់លេខ។លោកបានបន្តថា:នៅពេលចាប់បានរថយន្តលួចដឹកសត្វពស់ខុសច្បាប់នោះគឺកំលាំងនគរបាលប្រឆាំងបទល្មើសសេដ្ឋកិច្ចខេត្តបានទទួលព័ត៌ពីប្រជាពលរដ្ឋថាមានរថយន្តកាមរីដឹកសត្វពស់យកទៅដាក់តាមម៉ូយនៅភោជនីយដ្ឋានក្នុងខេត្តបន្ទាយមានជ័យទើបកំលាំងបូលីសសេដ្ឋកិច្ចបានដេញស្ទាក់ចាប់បានរថយន្ត១គ្រឿងធ្វើការឆែកឆេរនៅក្នុងរថយន្ត
បានរកឃើញសត្វ ពស់ច្រកក្នុងថង់មានចំនួនប្រហែល៤ថង់។លោកចាបសុផារិទ្ធិ បានបញ្ជាក់ថាក្រោយពេលបញ្ជូនមកស្នងការថ្លឹងសត្វពស់នោះមានទំងន់៣៤គីឡូក្រាមក្រោយពីបានធ្វើកំណត់ហេតុរួសត្វពស់នោះត្រូវបានប្រគល់ទៅឲ្យមេព្រៃយកទៅចាត់ការណ៍តាមនិតិវិធីច្បាប់ចំណែករថយន្តកាមរីត្រូវបាននគបាលសេដ្ឋកិច្ចយកទៅរក្សាទុកនៅស្នងការដ្ឋានគរបាលខេត្តដើម្បីចាត់ការទៅតាមផ្លូវច្បាប់ផងដែរ។គួរបញ្ជាក់ផងដែរថាសត្វព្រៃគ្រប់ប្រភេទ
សព្វថ្ងៃនេះកំពុងដាក់លក់ធ្វើម្ហូបនៅតាមភោជនីយ៍ដ្ឋានធំយ៉ាងអាណាធិបតេយ្យពុំដែលមានសមត្តិកិច្ចណាបង្ក្រាបឡើយព្រោះភោជនីយ៍ដ្ឋានធ្វើម្ហូបសត្វព្រៃទាំងអស់នោះសុទ្ធតែខ្សែអ្នកធំទាំងអស់ទើបអាចដាក់លក់បានហើយគ្មាននណាចេញមុខរករឿងទៀតផងតែបើគ្មានបក្សពួកអ្នកធំវិញបើហានដាក់លក់សត្វព្រៃក្នុងហាងខ្លួនស្ងាត់យ៉ាងណានោះសមិត្តកិច្ចតាមចាប់ភ្លាមដោយពុំបានដាក់លក់ឲ្យស្រូលឡើយ៕
