កំពង់ធំ ៖ ដោយមានការដឹកជញ្ជូន សត្វគោក្របីដោយមិន ប្រកតី ឆ្លងកាត់ខេត្តកំពង់ធំ ត្រូវបានគេសង្ស័យ ថាសមត្ថកិច្ចជំនាញ ពេទ្យសត្វ និងការិយាល័យបស្សុព្យាបាល ខេត្តកំពង់ធំ ខ្វះវិធានការទប់ស្កាត់ការដឹក ជញ្ជូនសត្វពាហនៈ គោ ក្របី ឆ្លងកាត់ខេត្តកំពង់ធំ ទើបបណ្តាលឲ្យមានការ ព្រួយបារម្ភណ៍ ពីសំណាក់ បង ប្អូនប្រជាពលរដ្ឋ ដែលរស់នៅខេត្តកំពង់ធំ ដែលតែងតែបាត់ គោ ក្របី រាប់សិបក្បាល។
ជាក់ស្តែងកាលពី ព្រលប់ថ្ងៃទី ៣ ខែ មិនា ឆ្នាំ ២០១៤ មានរថយន្តកូរ៉េ ចំណុះ២តោនកន្លះ ទ្រុងពណ៌ ស ពាក់ស្លាកលេខ កំពង់ធំ 3A- 0147 បានដឹកគោក្របី ចំនួន ៨ ក្បាល តាមការអះអាងពីម្ចាស់រថយន្ត តែចំនួន សត្វគោជាក់ស្តែង មានចំនួនត្រឹមតែ បួនក្បាលតែប៉ុណ្ណោះ សូមបញ្ជាក់ថា ការចេញច្បាប់អនុញ្ញាតិនេះ ពុំ ត្រូវបានអនុញ្ញាតិពី មេឃុំ និង ពេទ្យសត្វមូលដ្ឋាននោះដែរ តែបែរជាប៉ូលិសប៉ុស្តិ៍ឃុំ ឈូក មានសិទ្ធក្នុងការ ចេញច្បាប់ ជំនួនពេទ្យសត្វទៅវិញ។
តែទោះជាមានភាព មិនប្រកតីបែបនេះក្តី គេសង្កេតឃើញថា ពុំមានការហាមឃាត់ ឬទប់ស្កាត់ពីសំណាក់ លោក ម៉ក់ យុទ្ធនា ប្រធានការិយាល័យ បស្សុព្យាបាល ខេត្តកំពង់ធំនោះទេ ។ ពាក់ព័ន្ឋទៅនឹងការដឹកជញ្ជូនសត្វពាហនះនេះ រថយន្តកូរ៉េ ដឹកគោក្របីនេះ ត្រូវបានដឹកចេញពីភូមិ ឈូក ឃុំ ប្រាសាទ ស្រុកប្រាសាទសំបូរ លុះមកដល់ក្នុងទីរួមខេត្តកំពង់ធំ ក៏ត្រូវបានសមត្ថកិច្ច ចម្រុះស្ទាក់រថយន្ត ដើម្បីសុំ ត្រួតពិនិត្យច្បាប់
ពាក់ព័នទៅនឹងការដឹកជញ្ជូនគោ ក្របី តែត្រូវបានម្ចាស់ប្រាប់ថា បានបង់ជូនសមត្ថកិច្ចរួចរាល់អស់ហើយ លុះក្រោយមកភាពមិនប្រកតី ត្រូវបានបែកធ្លាយ ទើបបានប្រគល់រថយន្ត នឹង គោ ក្របី ទៅឲ្យប៉ុស្តិ៍រដ្ឋបាល សង្កាត់ព្រៃតាហ៊ូ ដើម្បីរក្សាទុក ក្នុងនោះដែរត្រូវបានគេស្គាល់ឈ្មោះ អឿន ភេទ ប្រុស ប្រពន្ឋឈ្មោះ យូ ជាម្ចាស់ រស់នៅ ភូមិ ប្រាសាទ ឃុំ ឈូក ស្រុកប្រាសាទសំបូរ ខេត្តកំពង់ធំ ។
លោក ធីវ វណ្ណធី ប្រធានមន្ទីរកសិកម្មខេត្តកំពង់ធំ បន្ទាប់ពីបានទទួលដំណឹង ពាក់ព័ន្ឋទៅនឹង ការចេញច្បាប់អនុញ្ញាតិឲ្យដឹងគោ ក្របីនោះ លោកបានចេញបញ្ជាឲ្យមន្ត្រី ក្រោមឳវាទ ចុះទៅត្រួតពិនិត្យស្ថានភាព គោ ក្របី ដែលបានងាប់ចំនួន ២ ក្បាល នៅលើឡាន ព្រមទាំងត្រួតពិនិត្យលិខិតអនុញ្ញាតិ ការដឹក និងធ្វើអជីវកម្មរបស់ អ្នកប្រកបអជីវកម្ម ដែលមានភាពមិន ប្រកតី ដោយបានសហការជាមួយ និង
លោក ញ៉ែម ឈុនលី អធិការក្រុងស្ទឹងសែន ដើម្បីឃាត់គោ ក្របី និងរក្សាទុក នៅប៉ុស្តិ៍រដ្ឋបាល ដើម្បី ស្រាយជ្រាវទៅលើ ភូមិ ឃុំ រកម្ចាស់ ក្រែងមានការចោរកម្មយកមកលក់ឲ្យឈ្មួញ មហាជនទូទៅ បានធ្វើការរិះគន់ ទៅលោក ម៉ក់ យុទ្ធនា ប្រធានការិយាល័យ បស្សុព្យាបាលសត្វ ខេត្តកំពង់ធំ អសមត្ថភាព ក្នុងការ គ្រប់គ្រង់ និងគ្មានភាពទទួលខុសត្រូវ ពាក់ព័ន្ឋទៅនឹងការដឹកជញ្ជូន គោ ក្របី ឆ្លងកាត់ខេត្តកំពង់ធំ ជាហេតុ
បណ្តាលឲ្យ គោ ក្របី នៅក្នុងខេត្តកំពង់ធំ កន្លងមកបានបាត់លើទាំងក្រោលក៏មាន តែពុំអាចចាប់ជនល្មើសបាន ទើបបានការសំណូមពរ ឲ្យលោក ម៉ក់ យុទ្ធនា រឹតបន្តឹងត្រួតពិនិត្យច្បាប់កុំអោយមានការ ធ្វេសប្រហែល រក្សាផលប្រយោជន៍ ជូនប្រជាពលរដ្ឋជារឿងសំខាន់។ 
