ខេត្តបន្ទាយមានជ័យ៖
ច្រករបៀងខុសច្បាប់ភ្នំឆាត់ដែលគ្រប់គ្រងដោយកំលាំងយោធាភូមិភាគ៥ត្រូវបានមេខ្យល់នាំចេញពលករចំណាក់ស្រុកខុសច្បាប់១ថ្ងៃរាប់រយនាក់ដែលផ្ទុយពីបទបញ្ជាថ្នាក់ដឹកនាំខេត្តអោយបិទច្រករបៀងខុសច្បាប់ដើម្បីការពារសុវត្ថិភាព និងស្តិសុខជូនប្រជាពលរដ្ឋ។
កាលពីរសៀលថ្ងៃទី០៦តុលា២០១៤នៅផ្លូវចូលទៅច្រករបៀងភ្នំឆាត់ជាប់នឹងទីបញ្ជាការតំបន់អភិវឌ្ឍន៍យោធភូមិភាគទី៥ស្ថិតនៅខាងត្បូងច្រកតំបន់ព្រំដែនបឹងត្រកួនស្រុកថ្មពួកខេត្តបន្ទាយមានជ័យ គេឃើញមានរថយន្តប្រភេទ១២កៅចំនួន២គ្រឿងមាន១គ្រឿងពណ៌លឿងនិងមួយគ្រឿងទៀតពណ៌ស្លែរដែលជារថយន្តតាក់ស៊ីដឹកអ្នកដំណើរជាពលករចំណាក់ស្រុកពេញរថយន្តមកពីខេត្តកំពង់ចាមនិងខេត្តកំពង់ធំដឹកចូលតាមច្រកភ្នំឆាត់យ៉ាង
អាណាធិបតេយ្យ ។ពាក់ព័ន្ធការនាំចេញពលករចំណាក់ស្រុកខុសច្បាប់តាមច្រកភ្នំឆាត់នេះអ្នកយកព័ត៌បានជួបកំលាំងនគរបាលការពារព្រំដែនគោកលេខ៨០៧ប្រចាំច្រកតំបន់បឹងត្រកួនបានប្រាប់ថាចំណុចច្រករបៀងភ្នំឆាត់គឺជាតំបន់ត្រួតស៊ីគ្នារវាងកំលាំងនគរបាលការពារព្រំដែនលេខ៨០៧និងកំលាំងតំបន់អភិវឌ្ឍន៍យោធភូមិភាគទី៥ភ្នំឆាត់។តែរយៈពេលកន្លងមកកំលាំងតំបន់អភិវឌ្ឍន៍យោធភូមិភាគទី៥ដែលគ្រប់គ្រងចំណុចច្រករបៀងភ្នំឆាត់មិនដែលសហការ
ជាមួយកំលាំងនគរបាលការពារព្រំដែនលេខ៨០៧ ហើយថែមទាំងហាមមិនអោយចូលទៅធ្វើការងារនៅចំណុចនោះផងដែរ។ មន្ត្រីគណៈអភិបាលខេត្តបន្ទាយមានជ័យថ្មីៗនេះបានព្រមានដល់កងកំលាំងដែលឈរជើងតាមបន្ទាត់ព្រំដែនត្រូវបិទច្រករបៀងខុសច្បាប់មិនអោយមាន តែបើកំលាំងដែលឈរជើងនៅចំណុចណានៅបន្តលួចបើកឃុបឃឹតជាមួយមេខ្យល់នៅនាំចេញចូលពលករចំណាក់ស្រុកខុសច្បាប់និងទំនិញគេចពន្ធនាំចូលពីប្រទេសជិតខាងនិង
បង្កើតបទល្មើសត្រូវមានវិធានការតាមច្បាប់។គួរបញ្ជាក់ថាក្រោយពេលលោក គោស៊ុំ សារឿត អភិបាលខេត្តបន្ទាយមានជ័យបានព្រមានដល់កំលាំងសមត្តកិច្ចដែលឈជើងតាមបន្ទាត់ព្រំដែនអោយបិតច្រករបៀងខុសច្បាប់ដើម្បីការពារសុវត្ថិភាពប្រជាពលរដ្ឋនិងការនាំចូលទំនិញគេចពន្ធនិងខូចគុណភាពពីប្រទេសថៃឲ្យបានដាច់ខាត។ប៉ុន្តែក្នុងរយៈកន្លងមកនេះច្រករបៀងខុសច្បាប់នៅតែកើតមានឡើងដាក់កុងត្រូលខុសច្បាប់មិនតិចជាង៥០នោះទេ និង
កំពុងដំណើរការយ៉ាងរលូនមានដូចស្រុកជាប់ជាយដែនមានស្រុកម៉ាឡៃនិងស្រុកអូរជ្រៅស្រុកស្វាយចេកស្រុកថ្មពួកក្រុងប៉ោយប៉ែតជាដើមបើទោះបីលោកអភិបាលខេត្តខិតខំចេញបទបញ្ជាមិនឲ្យមានការដាក់កុងត្រូលនតាមជាយដែនយ៉ាងណាក៏ដោយក៏មានពួកឆ្លៀតឪកាសបានដាក់កុងត្រូលខុសច្បាប់ដែរដូចវេកចកក្នុងទឹកអ
ញ្ចឺង៕
