បន្ទាយមានជ័យះយុវជនពីរនាក់ដែលសង្ស័យថាបានធ្វើការចែកចាយគ្រឿងញៀនដោយខុសច្បាប់ត្រូវបានកំលាំងនគបាលប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តបន្ទាយមានជ័យឃាត់ខ្លួន កាលពីរសៀលថ្ងៃទី០៨ខែតុលាឆ្នាំ២០១៤។ ការឃាត់ខ្លួននេះបានធ្វើឡើងនៅចំនុចផ្លូវចូលវត្តឡរ៍ភូមិរោលជ្រូកឃុំជប់វា៉រីស្រុកព្រះនេព្រះខេត្តបន្ទាយមានជ័យ។
លោក ធិន សុិនដេត នាយការិយាល័យនគរបាលប្រឆាំងគ្រឿងញៀនបានអោយដឹងថា វេលាម៉ោង៣ល្ងាចថ្ងៃទី៨ខែតុលាឆ្នាំ២០១៤លោកបានទទួលពត៌មានពីប្រជាពលរដ្ឋថា មានករណីចែកចាយគ្រឿងញៀននៅចំនុចខាងលើ លោកបានបញ្ជាអោយកម្លាំងជំនាញពួនស្ទាក់និងចាប់ឃាត់បានយុវជនជាមុខសញ្ញាសង្ស័យចំនួនពីរនាក់ហើយឆែកឆេររកឃើញវត្ថុតាងម៉ាទឹកកកចំនួន០.៨ក្រាមនិងរបស់ជក់ជាច្រើនទៀត។
ការចាប់ខ្លួនអ្នកចែកចាយគ្រឿងញៀនទាំង២នាក់នោះមាន ឈ្មោះភិរម្យ ដារា៉ហៅពុយភេទប្រុសអាយុ៣១ឆ្នាំធ្លាប់ជាប់គុគ២ឆ្នាំរួចមកហើយរស់នៅភូមិប៉ោយសំរោងឃុំព្រះនេតព្រះស្រុកព្រះនេតព្រះខេត្តបន្ទាយមានជ័យ២ឈ្មោះសិុន សេងគន្ធ ប្រុសអាយុ១៦ឆ្នាំរស់នៅភូមិចក្រីឃុំជប់វ៉ារីស្រុកព្រះនេតព្រះខេត្តបន្ទាយមានជ័យ។លោកធិនសិុនដេតបានបញ្ជាក់ថានៅឃុំជប់វា៉រីនេះពុំដែលមានអ្នកជួញដូរនិងអ្នកប្រើគ្រឿងញៀនទេកន្លងមកដោយគេចាត់ឃុំមួយនេះជាឃុំគំរូក្នុងស្រុក។
លោកឧត្តមសេនីយ៍ អាត់ ខែម ស្នងការខេត្តបានអោយដឹងដែរថាបន្ទាប់ពីធ្វការសាកសួរចម្លើយនិងការឆ្លើយសារភាពរបស់ជនសង្ស័យរួចមក បានចាត់អោយកម្លាំងជំនាញកធ្វើការបញ្ជូនខ្លួនជនសង្ស័យនិងវត្ថុតាងទៅសាលាដំបូងខេត្តដើម្បីចាត់ការតាមនីតិវិធីច្បាប់៕ដោយ:ឃិន គន្ធា
