កំពង់ចាម៖ កម្លាំងជំនាញការិយាល័យនគរបាលប្រឆាំងគ្រឿងញៀន បានចុះប្រតិបត្តិការបង្ក្រាបការជួញដូរគ្រឿងញៀន២ករណី គឺក្នុងក្រុងកំពង់ចាម ១ករណី នៅថ្ងៃទី៦ ខែតុលា ឆ្នាំ២០១៤ និង ក្នុងស្រុកកំពង់សៀម ១ករណីទៀត នៅថ្ងៃទី៧ ខែតុលា ឆ្នាំ២០១៤ ។ ក្នុងភារៈកិច្ចនេះដែរ កម្លាំងបានឃាត់ខ្លួនជនសង្ស័យជាបន្តបន្ទាប់ចំនួន៥នាក់ និងរឹបអូសម៉ូតូបានចំនួន៣គ្រឿង ថ្នាំញៀនក្រាមពណ៌ស ចំនួន២កញ្ចប់តូច ទូរស័ព្ទដៃចំនួន៦គ្រឿង និងសម្ភារៈសេព វេចខ្ចប់មួយចំនួនធំ ។
លោក វរៈសេនីយ៍ទោ សោម រស់ នាយការិយាល័យនគរបាលប្រឆាំងគ្រឿងញៀនបានឲ្យដឹងថា ករណីបង្ក្រាបការជួញដូរគ្រឿងញៀននេះ គឺយើងបានសុំគោលការណ៍ទៅតាមនិតិវិធី
ដោយអនុវត្តន៍ទៅតាមបច្ចេកទេសជំនាញ ពោលគឺ បង្ក្រាបទាំង២ចំណុចខាងលើ កម្លាំងឃាត់ខ្លួនជនសង្ស័យ បានចំនួន៥នាក់ រួមមាន ១-ឈ្មោះ យូរ សុភ័ក្ត្រ ភេទប្រុស អាយុ២៤ឆ្នាំ រស់នៅភូមិជង្ហុក ឃុំអំពិលលើ ស្រុកកំពង់សៀម ខេត្តកមពង់ចាម ។ ២-ជឿន រិទ្ធី ភេទប្រុស អាយុ២៤ឆ្នាំ រស់នៅភូមិប្រសំ ឃុំរអាង ស្រុកកំពង់សៀម ខេត្តកំពង់ចាម ។ ៣-រស់ ស្រីខួច ភេទស្រី អាយុ២៧ឆ្នាំ រស់នៅភូមិប្រសំ ឃុំរអាង ស្រុកកំពង់សៀម ខេត្តកំ ពង់ចាម ។ ៤-ភួង ចន្ថា
ភេទស្រី អាយុ២៧ឆ្នាំ រស់នៅភូមិកំពង់ភ្នំ ឃុំអំពិលទឹក ស្រុកលើក ដែក ខេត្តកណ្តាល មុខសញ្ញាដោះលែងពីពន្ធនាគារ ។ ៥-ផល សុភ័ក្ត្រ ភេទប្រុស អាយុ៣៩ឆ្នាំ រស់នៅភូមិក្រសាំងពុល ឃុំមៀន ស្រុកព្រៃឈរ ខេត្តកំពង់ចាម មុខសញ្ញាក្នុងសំណុំរឿង បានបញ្ជូនទៅតុលាការហើយ ។
ទាំង២ករណីនេះ ជំនាញបានកសាងសំណុំរឿង បញ្ជូនទៅតុលាការដើម្បីចាត់ការទៅតាមនិតិវិធី ៕
