សៀមរាប៖ មានហេតុការណ៍ភ្ញាក់ផ្អើលមួយ ដែលបានបង្ករមានមនុស្សធ្លាក់ទឹកស្លាប់ ខណៈពេលដែលផឹក សុរាស្រវឹងជោគជាំ អស់សាច់ក្លែមក៏នឹកចង់ឆី សាច់កណ្តុរក៏នាំគ្នា ចេញទៅប្រមាញ់សាត្វកណ្តុរនៅបឹងទន្លេសាប ក៏ស្រាប់តែធ្លាក់ទឹកស្លាបម្នាក់តាំងពីម៉ោង ៣រសៀល រហូតដល់ម៉ោង ៨.២០នាទីទើបអាចរាវរកឃើញ សាកសព។
ហេតុការណ៍នេះបានកើតឡើងនៅថ្ងៃទី០៩ខែតុលាឆ្នាំ២០១៤ មុនពេលកើតហេតុ តាមការឲ្យដឹងពី សាច់ញ្ញាតិ ជនរងគ្រោះ បានឲ្យដឹងថា នៅថ្ងៃកើតហេតុ ក្រុមយុវជនក្នុងភូមិ បាននាំគ្នាទិញគ្រឿងក្លែមព្រមទាំង សុរាផឹកនៅក្នុងភូមិ លុះដល់ថ្ងៃរសៀលនឹកចង់ទៅកំសាន្តនៅចុងឃ្នាស ក្រុងសៀមរាប ខេត្តសៀមរាបដែលជាតំបន់បឹងទន្លេសាប ដើម្បីបាញ់កណ្តុរ យកមកធ្វើគ្រឿងក្លែម ។
លុះទៅដល់គោលដៅដែលជាទីតាំងបាញ់កណ្តុរ ជនរងគ្រោះ ឈ្មោះកិប កនអាយុ២៩ឆ្នាំ ប្រពន្ឋឈ្មោះ តាំ រ៉ាយ អាយុ ២៩ឆ្នាំ ទីលំនៅបច្ចុប្បន្ន ភូមិបឹង សង្កាត់ជ្រាវ ក្រុងសៀមរាប ខេត្តសៀមរាប ជនរងគ្រោះ កិប កន ស្រវឹងជោគជាំមិនអាចចេញទៅបាញ់កណ្តុរនឹងគេទេ គឺអង្គុយនៅលើទូក ដោយមិនបានចេញទៅនឹងគេទេ ចំណែបក្សពួកចំនួន ១១នាក់ ទៀត
បានហែលទឹកទៅបាញ់កណ្តុរអស់ហើយ លុះក្រុមប្រម៉ាញ់សត្វកណ្តុរត្រឡប់មក វិញក៏ស្រាប់តែមិនប្រទះជនរងគ្រោះនៅលើទូក គឺឃើញតែទូក ទើបបាននាំគ្នា ផ្អើលឆោឡោ ដល់អ្នកភូមិ នាំគ្នាគៀងគរមករាវ រកសាកសពជនរងគ្រោះ តាំងពីម៉ោង៣រហូតដល់ម៉ោង ៨.ទើបប្រទះឃើញជនរងគ្រោះដាច់ខ្យល់ស្លាប់បាត់ ទៅហើយ ។
ក្រោយពីកើតហេតុ សមត្ថកិច្ច នៃអធិការដ្ឋាននគរបាល ក្រុងសៀមរាប ព្រមទាំងគ្រួពេទ្យជំនាញបានពិនិត្យ និងធ្វើកោសល្យវិច្ឆ័យ បានបញ្ជាក់ថា ជនរងគ្រោះពុំមានស្នាកស្នាមនៅលើដងខ្លួននោះទេ តែតាមការសណ្ឋានជំហ៊ានដំបូង ជនរងគ្រោះពិតជាស្លាប់ដោយសារខ្យល់គ ហើយធ្លាក់ទឹកស្លាប់ ក៏ដោយសារតែជនរង គ្រោះពុំមានហូបអាហាររយះពេល ៣ថ្ងៃ
មកហើ យ ហើយនៅថ្ងៃកើតហេតុ ជនរងគ្រោះផឹកស្រាតាំងពីព្រលឹម ហើយរាងកាយមានភាពទន់ខ្សោយ ហើយទៅបាញ់កណ្តុរទៀត ក្រោយពីសមត្ថកិច្ចបានពិនិត្យសាកសពរួច ក៏បានប្រគល់ជូនក្រុមគ្រួសារ ទទួលយកទៅធ្វើបុណ្យតាមប្រពៃណី ។ ដោយ ខេង ឧត្តម