ខេត្តក្រចេះ៖ យ៉ាងហោចណាស់ មានមនុស្សចំនួនពីរនាក់បានស្លាប់និងម្នាក់ទៀតបានរងរបួសធ្ងន់ នៅក្នុងហេតុការណ៏គ្រោះថ្នាក់ចរាចរណ៍ មួយដែលបង្កឡើង ដោយរថយន្តសាំយ៉ុងមួយគ្រឿង ដឹកឈើជន្លង់ម្រេចពេញព្រៀប បែកកង់ រេចង្កូតទៅបុកផ្ទប់និងរបងផ្ទះប្រជាពលរដ្ឋ កាលពីវេលាម៉ោង៨និង៣០នាទីព្រឹក ថ្ងៃទី១០ខែតុលា នៅតាមកំណាត់ផ្លូវជាតិលេខ៧ត្រង់ចំនុចភូមិរោងចក្រ ឃុំស្នួល ស្រុកស្នួល ខេត្តក្រចេះ។
ប្រភពពីនគរបាលចរាចរណ៍ស្រុកស្នួល បានអោយដឹងថាគ្រោះថ្នាក់ចរាចរណ៍ខាងលើនេះ គឺបង្កដោយរថយន្តម៉ាកសាំយ៉ុងពណ៍សរ គ្មានស្លាកលេខ បើកបរក្នុងទិសដៅពីស្រុកស្នួល ឆ្ពោះទៅស្រុកមេម៉ត់ លុះមកដល់ចំនុចកើតហេតុ រថយន្ត បានបែកកង់ក្រោយផ្នែកខាងស្តាំ ក៏រេ
ចង្កូតទៅបុកនិងរបងផ្ទះតែម្តង ។
ប្រភពពីមន្ត្រីនគរបាលបានអោយដឹងទៀតថា ជនរងគ្រោះបានស្លាប់នៅ កន្លែង កើតហេតុទីមួយឈ្មោះ កែម អាត អាយុ៤០ឆ្នាំ និង២ឈ្មោះ កែម វ៉ាត អាយុ៣៨ឆ្នាំ ជាអ្នកបើកបរ បានស្លាប់ពេលបញ្ជូនទៅសង្គ្រោះនៅមន្ទីរពេទ្រ ទី៣ឈ្មោះ សន សុខ អាយុ៤១ឆ្នាំ បានរងរបួសធ្ងន់ ជនរងគ្រោះទាំងបីនាក់មានទីលំនៅ ក្នុងភូមិសុវណ្ណគំ ឃុំកណ្តុលជ្រំ ស្រុកពញាក្រែក ខេត្ត
ត្បូងឃ្មុំ។
កម្លាំងនគរបាលបានស្ទូចទៅរក្សាទុកនៅអធិការដ្ឋាននគរបាលស្រុកស្នួល ចំណែកសាកសពត្រូវបាន ប្រគល់ទៅឱ្យ ក្រុមគ្រួសារជនរងគ្រោះ យកទៅធ្វើបុណ្យតាមប្រពៃណី។ ម៉េងហ៊ាង
